Kolose 1:13 - Ṉa Alaofua Falu 1923 1949

¹³ Nia ne faamaruki kulu faisia sukwaia ana maerodo, me lamatalakulua kuka to ana tooa Kaluwane liliothaua nia;

Kolose 1:13 Referans Kwoze

Si do Aposela ki kera ilidaki 26:18

Fasi oki ifinia maada, kikui akele faisia maerodo uria ṉa lalaa la, ma faisia sukwaia tha Satan isatha God, fasi keki manata lubea abula taa la kilua ki, ma kikui ṉalia si do na kikui fulatoona i maalutana toa na kera faaabuda ana fitoona laku la.

Efesasi 5:8

Sulaania inao mai mulu rorodoa, ma sui si maṉa eri kamulua lalaa la ana ṉa Lord: abula lamulua kai farana baree wela ṉa lalaa la

I. Pita 2:9

Ma ni kamulua ina lana toa na kera filidaki, kiṉa ki na muka toa ni foa la, kulee toa abu, toa ifatha God i talaana, fasi muki fatai nia lea lana ni nia ne aili kamulua mai faisia maerodo ana lalaa lana na kera kwele ania:

Efesasi 6:12

Sulaania do ana mariko ma abu e ai na kulu kwaikwairaui bia, toa inoto eki molo, toa sukwai eki, toa gwauwai fafia si kada nei ana maerodo nei, omea spirit taa ki nai thalo.

I. Thesalonika 2:12

Fasi muka abula asi abula la ne farana tha God, ne aili kamulua uria tooa nia ma inotoa nia.

Efesasi 4:18

Uria na manatade rorodoa, ma keka lalakwatanida faisia marukia tha God uria lioda ne ai si thaitoomana si do ki, sulia ruruuda ne sadi;

Roma 14:17

Sulaania tooa tha God e ai si ni ana faṉa la ma kuu la, ana kokoto la ma enenoa ma seethathala la atha Spirit Abu.

I. Jone 3:14

Kulu thaitoomana na kulu tatha naa faisia maea uria marukia asi kula eri, na kulu liothau ana baree wai doorana. Wane ne ai si liothau ana doorana e to bana ana maea.

II. Korinitha 4:4

Toa eki god kada nei e faarorodoa manatana toa ana fitala la, fasi ṉa lalaa la na si faaroṉoa lea sulia inotoa tha Christ, na nuna tha God, ka ai si laa ifada.

I. Jone 3:8

Wane na ka abula taa ṉado, do tha devil nania; uria na tha devil ka abula taa ṉado ita i thafali la mai. Sulia si kula eri kera fatai nia Kaluwane tha God, fasi nia kai labatania si ra tha devil ki.

Jone 5:24

Mamana, mamana, ku soree isamulua, Wane na kai roṉoa bae laku, ma kai fitoona nia ne arasi nau mai, ana marukia tatha, ma Wane ni Kotu toto ka ai si ṉata suli nia, me tatha naa faisia maea uria marukia.

I. Jone 2:8

Ma sui lau boo, si ṉata fifi falu neri na nau ku keda kau isamulua, do ne mamana ani nia ma ani kamulua: sulaania maerodo ka tatha, ma ṉa lalaa la mamana ka laa si maṉa eri mena.

II. Pita 1:11

Uria asi kula eri keki ifinia maa ka baita uri kamulua muki kotho ana tooa na kai to tatha, tooa Lord kulu ne faamaruki kulu tha Jesus Christ.

Luke 13:24

Muki aṉasi uria kotho la ana maethaka ne sisikofi: uria nau ku soree isamulua, toa oro toto keki rofe uria kotho la, ma kesi talaana.

Hibaru ki 2:14

Mania sulaania baree wela eri ada abu bia mariko, ni nia lau boo e ṉalia seedo eri boo; fasi ana mae lana kai faaai nia ne gwauwai ana maea, na tha devil;

Jone 17:24

Maka ae, toa no falea ifaku, nau ku thathamia, si kula na nau kwai to iei, ni kera lau boo keki to bi nau; fasi keki rikia inotoa nau, no falea ifaku: uria no liothau ani nau si maṉa na kesi boa u fanua nei iano.

Luke 22:53

Si maṉa nau ku toto sulia boṉi bi kamulua i la biu baita tha God, e ai musi tekwasia abamulua uria ṉali laku: sui kadee maṉa kamulua naa neri, ma sukwaia maerodo.

Mathui 3:17

Ma lio fasi, liṉana tee ṉata la too mai thalo lo ki, ka una eri, Kaluwane liliothaua nau funia; e lea iaku uri nia.

Mathui 25:34

Sui Kiṉa eri kai soree isana toa ibali aba aola nia, Lae mai, toa na Maka nau e falea lea la ifamulua, muki to ana tooa na kera thauwai nia maakwali kamulua too mai ana boa lana fanua nei iano:

Efesasi 1:6

Ana taṉo lana inotoa lea la nia, ne ala fafi kulu ania ana Wane liliothaua nia:

Mathui 17:5

Si maṉa na nia kai ṉata u bana, rikia fasi, si datha iriroa ka nunufida: ma rikia fasi, liṉana si ṉata la e too mai la datha eri, ka una eri, Kaluwane liliothaua nau fu nia, e lea iaku uri nia; muki roṉoa ṉata lana.

Jone 3:35

Ṉa Maka ka liothau ana Kaluwane nia, me falea si do ki sui bana i abana.

II. Korinitha 11:14

Ma do ni kwele la ania e ai neri; uria na tha Satan mena e ilia na riki lana e ’uria angel ana lalaa la.

Efesasi 5:5

Sulaania mulu thaitoomana mamana si do eri nai nia, e ai ta wane ni oe la, mado wane taa, mado wane ne thathamia si do kera ki, wane ne foa ana god eeta neri, si fulatoona ta si do ana tooa tha Christ ma tha God.