Jude 1:3 - Ṉa Alaofua Falu 1923 1949

³ Toa liliothaua nau ki, si maṉa nau ku seemabe faamau ana kekeda la kau isamulua sulia marukia eri na kulu maruki ania, ruruuku e thathamia e ai si ei kwai kekeda bokau isamulua, kwai soree isamulua muki seemabe ana firu la uria si do eki na kulu fitoona na kera fale teefau naa ania fasi kai to ṉado ifana toa abu eki.

Jude 1:3 Referans Kwoze

I. Timothi 6:12

Oko firu ana firua lea eri asi do eki na kulu fitoona, oki rau ana marukia tatha eri, do na kera aili oe uria, no faamamanea lea inaofana toa oro na kera riki oe.

Filifae 1:27

Tee si do boo, abula lamulua kai farana si faaroṉoa lea tha Christ: fasi, mada sa kwa fula kwa riki kamulua mado kwa to mai i thara faisi kamulua, kwai roṉoa to lamulua, na muki takwe ṉado ana tee spirit, ma ana tee si manata muki aṉasi ana ra ofu la ifana si do eki na kulu fitoona na si faaroṉoa lea;

Jude 1:20

Ma ni kamulua, toa liliothaua nau ki, muki faasukwai kamulua, ’uria biu baita, fafia si do abu eki na mulu fitoona, muki foa atha Spirit Abu,

Si do na kera fatai nia 12:11

Ma si kera e tatha iana uria abuna ṉa Lama, ma uria si baea ana faamamane la kera; ma kesi liothau ana maṉoda i talaada ka fula ana maea ni mena.

Taetasi 1:4

Isatha Taetasi, wela mamana nau asi do eki na koro fitoona: Lea la, tatakomia, ma enenoa, ita atha God na Maka ma tha Lord Jesus Christ ne faamaruki kulu.

Si do na kera fatai nia 2:10

Osi mau ana taa la eki na toto oki to ania: rikia fasi, e ai si tau na tha devil kai suia tai toa iamulua uri la lokafu, fasi keki ilitoomulua; ma muki to ana taa la sulia tafulu fa boṉi. Oki to mamana boo uria maea, kwai falea do ni eregwau ana marukia ifamu.

II. Timothi 1:13

Oki rau asi baea taliṉei ba ki ne dodoloa fasi keki lio uria, si do no roṉoa ani nau, ana fitooa ma liothau la na ni atha Christ Jesus.

I. Timothi 1:18

Si faaroṉoa nei ku takofalea iamu, Timothi wela nau, sulaania si ṉata la ba ki na porofeta ki kera ṉata ania totonao suli oe, fasi ana ṉata la eki oki firu ana firu la ne lea;

Galesia 2:5

Ma toa eki e ai dodoloa mili roo sulida sulia tee si kadee maṉa mena; fasi mamana la eri na ni asi faaroṉoa lea kai to ṉado isamulua.

Hibaru ki 13:22

Ma nau ku soree isamulua, doora kera, muki alamatai nau asi baea eri ana kwaifamanataia: uria nau ku keda ṉadee si baea isamulua.

Si do Aposela ki kera ilidaki 9:22

Ma sui tha Solo ka sukwai alaa, ma ka adea Ju eki nai Damasikasi keka kwaikonai ani nia, ka faamamanea na Wane ba ṉa Christ boo.

I. Thesalonika 2:2

Ma si maṉa na mili toto totonao ana seefia, ma kera fare taa iamilia i Filifae na ba, si do mulu thaitoomana neri, mili bii seeraa ana God kamilia fasi miki ṉata sulia si faaroṉoa lea tha God isamulua i maalutana do oro ne suusia.

I. Korinitha 15:3

Uria nau ku falea kau iamulua totonao si do ni nau ku ṉalia lau boo, na tha Christ e mae uria abula taa laka ki sulia kekeda la abu eki;

Si do Aposela ki kera ilidaki 4:12

Ma marukia e ai si ni ata wane lau: sulaania e ai lau ta thata si to ifara thalo, ana thata eki na kera falea ifana wela wane ki, na keki faamaruki kia e ai si ei boo ana thata eri.

Si do Aposela ki kera ilidaki 18:28

Sulaania nia e olitei nia ṉata lana Ju ki ana sukwaia, me ili lalaa ania, ka fatai nia ana kekeda la abu eki na tha Jesus na ṉa Christ.

Si do Aposela ki kera ilidaki 17:3

Ka fatai nia maalutana ma ka sorea, na ṉa Christ e to’oa boo fasi kai to ana taa la, ma kai tatae lau faisia toa mae ki. Ma tha Jesus, Wane eri na nau ku faaroṉo kamulua ania (ṉata lana neri) na ṉa Christ.

Jude 1:17

Ma ni kamulua, toa liliothaua nau ki, muki onotoona si baea eki na aposela na Lord kulu tha Jesus Christ ki kera ṉata sulia totonao;

II. Pita 1:1

Saimona Pita, wane ni ra tha Jesus Christ ma aposela nia, isana toa eki na kera fulatoona fitooa ne ’uria fitooa inoto kamilia eri na ni ana kokoto la God kulu ne faamaruki kulu, tha Jesus Christ:

I. Pita 5:12

Atha Silafenasi, doora mamana kamulua (manataku neri), ku kekeda ṉuṉuru kau isamulua, ku soree isamulua, ma ku faamamanea si do na nau ku thaitoomana, na lea la mamana tha God neri: muki takwe ṉado ania.

Kolose 1:2

Isana toa abu eki ma baree wai doorana mamana eki atha Christ nai Kolose: Lea la iamulua ma enenoa ita atha God na Maka kulu ma tha Lord Jesus Christ.

Filifae 1:1

Tha Polo ma tha Timothiasi, wane ni ra tha Christ Jesus ki, isana toa abu ki sui boo atha Christ Jesus nai Filifae, bia wane nanao ki ma wane ni ra ki:

Efesasi 1:1

Polo, aposela tha Jesus Christ sulia si do na tha God e thathamia, isana toa abu eki nai Efesasi, ma toa mamana eki atha Christ Jesus:

Galesia 6:11

Muki rikia fasi leta baita eki na nau ku keda kau isamulua ana abaku i talaaku.

Si do Aposela ki kera ilidaki 28:28

Mania muki thaitoomana, keki falea kau marukia tha God neri ana Jenetaele ki: ma ni kera keki roṉoa.

Si do Aposela ki kera ilidaki 20:27

Sulaania e ai kwasi mau ana faaroṉo lamulua la sulia si do eki sui bana na tha God e manataia.

Galesia 3:28

E ai ta Ju si ni kunei ma ka ai ta wane i Girisi, e ai ta wane na kai tona ra ma ka ai ta wane na kai tona to, e ai ta do wane ma ka ai ta do kini: uria ni kamulua sui tee see do atha Christ Jesus.

Nehemiah 13:25

Ma nau ku ṉata ni firua bida, ku alua taa la fafi kera, ku kwakwaea tei wane iada, ku lafua ifuda faisida, ku suuwanida keka othi ana thatana tha God, ku una eri, E a’i dodoloa muka falea thari kamulua ki ifana kaluwane kera ki; e a’i dodoloa muka tolea thari kera ki ifana kaluwane kamulua ki, mado fani kamulua italaamulua.

Si do Aposela ki kera ilidaki 6:7

Ma bae lana tha God e baita alaa; ma toa na tha Jesus e toleda kera oro faamau ka oli alaa i Jerusalema; ma toa ooro ka oro ana wane ni foa ki keka ade sulia si do eki na kulu fitoona.

Si do Aposela ki kera ilidaki 9:13

Ma tha Ananiasi e luua, Lord, toa oro kera faaroṉo nau ana wane eri, asi do taa oro ne ilia ana toa abu oe ki nai Jerusalema:

Hibaru ki 6:9

Ma ni kamulua, toa liliothaua kamilia ki, mili thaitoomana boo suli kamulua si do ne lea ka tatha ki asi do eri, ma si do ana marukia ki, boro sa mika ṉata una eri mena:

II. Pita 2:21

Uria na e lea ka tatha iada mada sa kesi thaitoomana tala ana kokoto la, e ai si lea na, buriana na kera thaitoomana naa, keki akele buri faisia si ṉata fifi abu eri na kera falea ifada.

Jude 1:1

Jude, wane ni ra tha Jesus Christ, doora tha Jemesi, isana toa eki na kera ailida mai, na kera liothau ani kera atha God na Maka, ma kera beta sulida atha Jesus Christ: