Jone 9:24 - Ṉa Alaofua Falu 1923 1949

²⁴ Mania ruana lau keka ailia wane eri maane boboko, keka soree isana, Tha God ana noki taṉoa: mili thaitoomana wane nei wane ne abula taa.

Jone 9:24 Referans Kwoze

Jone 9:16

Mania tei toa ana Farisi ki kera sorea, Wane nei e ai si ita mai atha God, uria ne ai si faaabua fa boṉi mamaloa. Sui tei toa lau kera sorea, Wane ne abula taa kai ili ufita ana bala si do una eki? Ma kera to kwailiu ana ro si lio.

Jone 19:6

Mania si maṉia na wane inoto ni foa ki ma toa ni ilido ki kera riki nia, keka ’ai, keka una eri, Fota fafi nia ana ’ai rarafolo, fota fafi nia ana ’ai rarafolo. Tha Paelate ka soree isada, Ni kamulua muki tole nia, muki fota fafi nia ana ’ai rarafolo eri: uria ni nau e ai kwasi fulatoona ta si do kekeo ani nia.

II. Korinitha 5:21

Uria na Wane eri ne ai si thaitoomana abula taa la, nia e ilia ka lioe abula taa la uri kulu; fasi ni kulu kuki lioe kokoto la tha God ani nia.

Roma 8:3

Uria si do na ṉa lo e dora ania ili lana, uria ne feda sulia see imole, tha God, uria ne arasia mai Kaluwane nia i talaana sulia nuna see imole ne abula taa ṉado, ma ana do ni foa la uria abula taa la, e sorea kwae lana abula taa la i see imole:

Jone 18:30

Kera luua, keka soree isana, Mada sa wane nei e ai si ilia si do ne taa, sa mika falea ifamu e ai.

Jone 16:2

Keki arasi kamulua muka lae faisia biu ni ofu la ki: iu, si kadee maṉa lalae kai fula, na ni tei bana na kai thauṉi kamulua manatana do sa kai ra ifatha God.

Jone 14:30

Nau e ai kwasi ṉata oro lau bi kamulua, uria na nia ne inoto ana fanua nei iano toto kai lae mai: me ai ta do si ni ifana ani nau;

Jone 8:49

Tha Jesus e luuda, ka una eri, E ai ta spirit taa si ni iaku; ma nau ku fare baita ana Maka nau, ma ni kamulua muka fare faekwa iaku.

Jone 8:46

Ni tei iamulua kai faaseenoni iaku ana abula taa la? Mada sa ku ṉata mamana, uria ta na musi fitooku?

Jone 5:23

Fasi toa ni sui bana keki fare baita ana ṉa Kaluwane, talafana lau boo na keki fare baita ana ṉa Maka. Wane ne ai si fare baita ana ṉa Kaluwane, e ai si fare baita ana ṉa Maka ne arasi nia mai.

Luke 19:7

Ma si maṉa na kera rikia, kera sui boo keka uubulu taa, keka una eri, Nia e lae kai to si ana bia wane ne abula taa.

Luke 15:2

Ma Farisi ki bia wane ni kekeda ki keka ubulutai nia, keka una eri, Wane nei kai thathagonia toa na kera abula taa, ma kai faṉa bida.

Luke 7:39

Ma si maṉa na Farisi eri ne sorea nia ka lae mai e rikia, nia ka ṉata i manatana, ka una eri, Wane nei, mada sa nia ṉa porofeta, do nia ka thaitoomana ai nei ma ka thaitoomana to lana kini nei ne sua nia, uria nia ai ne abula taa.

Mako 15:27

Ma kera fota fafia ro wane kera laulau ki bi nia; ta wane ibali aba aola nia, ma ta wane ibali aba mauli nia.

Jone 9:25

Mania nia luuda, ka una eri, Mada sa nia wane ne abula taa, nau kwasi thaitoomana: tee si do ku thaitoomana, nau maaku e boboko na ba, ma si maṉa eri kwai lio.

Si do na kera fatai nia 11:13

Ma asi kadee maṉa eri anunu baita ka fula mai, ma taṉafula balii toaa ana toaa susu eri ka aga; ma anunu eri ka thauṉia fiu tooni imole ki: ma toa na kesi mae keka aanu, ma keka fare inoto ana ṉa God na ni mai thalo.