Jone 9:22 - Ṉa Alaofua Falu 1923 1949

²² Si do eki maka nia ma thainana kero sorea, uria na kero mau ana Ju ki: sulaania Ju ki kera ala naa, sa ta wane kai faamamanea na nia Christ ba, keki arasi nia faisia biu ni ofu la.

Jone 9:22 Referans Kwoze

Jone 16:2

Keki arasi kamulua muka lae faisia biu ni ofu la ki: iu, si kadee maṉa lalae kai fula, na ni tei bana na kai thauṉi kamulua manatana do sa kai ra ifatha God.

Jone 7:13

Ma sui e ai ta wane si ṉata lalaa suli nia uria na kera mau ana Ju ki.

Luke 6:22

Lea iamulua, si maṉa na imole keki riki kamulua ka taa, ma keki lalakwatai kamulua faisi kera, ma keki tamani taa seemulua, ma keki lalakwa ana thatamulua ’uria do taa, inunufana Kaluwane imole.

Jone 9:34

Kera luua, keka soree isana, Ni oe o futa sui boo ana abula taa la ki, sui oki kwaifamanatai isamilia? Ma keka suia kau.

Si do na kera fatai nia 21:8

Ma toa ana mau la, ma toa ana fitala la, ma toa ni mamagu la anida, ma toa ni thauwane la, ma toa ni oe la, ma toa ni ra la ana sukwaia spirit taa ki, ma toa na kera foa ana god eeta ki, ma toa ni lole la ki sui bana, keki fulatoona si do kera ki asi kula ne ’uria gwa kafo baita me fuṉu ana era ma do thasuna ka makwafifi; ruana fa maea neri.

Si do Aposela ki kera ilidaki 5:40

Ma ni nia kera ala fafia ṉata lana: ma buriana na kera ailia mai aposela ki, ma kera kwaeda, keka ṉata fifi isada, keka lufida faisia ṉata la ana thatana tha Jesus, sui keka alamatanida keka lae.

Si do Aposela ki kera ilidaki 5:13

Sui ana toa na kesi lae u mai, e ai ta wane si seeraa fasi kai safuda: una ena mena, toa eki kera fare baita ani kera;

Si do Aposela ki kera ilidaki 4:18

Ma kera ailida mai, keka ṉata fifi isadaroa fasi e ai dodoloa kesi ṉata mado kesi kwaifamanatai ana thatana tha Jesus.

Jone 20:19

Mania lalae e thaulafia naa, afa boṉi eri, fa boṉi totonao ana uiki, asi maṉa na kera fonoa naa maa asi kula na toa eki na tha Jesus e toleda kera to iei, uria na kera mau ana Ju ki, tha Jesus e lae mai, ka takwe i maalutada, ka soree isada, Enenoa kai to ani kamulua.

Jone 19:38

Ma buriana si do eki tha Josefa wane i Arimathia, uria nia wane tha Jesus e tolea, sui ka thathaufuni bana uria ne mau ana Ju ki, ka gani atha Paelate sa kai ṉalia kau seena tha Jesus: ma tha Paelate ka alamatania iana. Mania nia lae mai, ka ṉalia seena tha Jesus.

Jone 1:19

Ma si do na tha Jone e faamamanea nania, si maṉa na Ju ki i Jerusalema mai kera arasia mai wane ni foa ki ma Lifaete ki isana fasi keki soetoona, Oe ni tei?

Jone 9:18

Mania Ju ki kesi faamamanea na maane boboko, ma keka adea ka laa, keka ailia fasi maka ma thainana wane eri na kera adea maana ka laa,

Jone 9:21

Sui ade la eri na kai lio naa maṉa eri, mesi thaitoomana; ma wane ne ifinia maana, e ai mesi thaitoomana: nia baita naa; muki soetoona; kai tala ṉata nana.

Jone 9:35

Tha Jesus e roṉoa na kera suia kau; ma nia fulatoona, ka sorea, Oki fitoona Kaluwane tha God?