Jone 8:54 - Ṉa Alaofua Falu 1923 1949

⁵⁴ Tha Jesus e luuda, ka una eri, Mada sa kwa faainoto nau i talaaku, inotoa nau e ai si mamana: Maka nau ana na kai faainoto nau; nia na mulu alaṉia ana God kamulua;

Jone 8:54 Referans Kwoze

Jone 8:50

Ma nau kwasi rofea inotoa nau i talaaku: ni nia to bana na kai rofea, ṉa wane ni kotu na kai ṉata neri.

II. Pita 1:17

Uria ne ṉalia atha God na Maka fare baita la ma inotoa, si maṉa na liṉana ṉata la e sifo mai i inotoa baita ka tatha, ne una eri, Kaluwane liliothaua nau fu nia, e lea iaku uri nia:

II. Korinitha 10:18

Uria na sa keka ala fafia wane na kai tala ṉata suli nia i talaana e ai, wane na ṉa Lord kai ṉata sulia.

Si do Aposela ki kera ilidaki 3:13

God tha Aberahamo, ma tha Aisaka, ma tha Jekofo, God maka kulu ba inao ki, e faainotoa Kaluwane nia tha Jesus; Wane eri na mulu alamai nia, ma mulu sorea inaofatha Paelate na mulu dora bamulua ani nia, si maṉa manatana sa nia kai lubea ka lae.

Jone 17:1

Si do eki tha Jesus e sorea; sui ka tafoa maana uria ṉa thalo, ka sorea, Maka ae, si kadee maṉa e fula naa; oki faainotoa Kaluwane oe, fasi Kaluwane oe kai faainoto oe lau boo:

Jone 8:41

Muka ilia si ra maka kamulua. Kera soree isana, Kesi kwalafi kamilia ana oe la; amilia tee Maka, tha God.

Jone 7:18

Wane na kai ṉata i talaana kai rofe uria faainoto lana i talaana: ma wane na kai rofe kai faainoto nia ne arasi nia mai, wane eri e mamana, me ai ta do kekeo si ni ani nia.

I. Pita 1:21

Na mulu fitoona ani nia tha God, ne tatae nia faisia toa mae ki, me falea inotoa ifana; fasi fitooa kamulua ma si do na muka manatatoo ṉado uria kai to atha God.

I. Pita 1:12

Toa na kera fatai nia si kula eri isada, na fani kera e ai, fani kamulua fetei, na kera ra asi do eki, na toa na kilu ṉata sulia si faaroṉoa lea isamulua atha Spirit Abu na kera arasia mai thalo kilu faaroṉo kamulua ania; si do na aini angel ki keka thathamii lio i lala.

Jone 17:5

Ma si maṉa eri, Maka ae, oki faainoto nau ani oe i talaamu ana inotoa ba na ku rikia bi oe si maṉa na fanua nei iano e ai si to u bana.

Jone 7:39

Ma nia ṉata una eri sulia tha Spirit, na toa na kera fitoona toto keki ṉalia: uria na kesi falea u tha Spirit Abu; sulaania na tha Jesus kesi faainotoa u.

Jone 5:41

Nau kwasi rofea sa imole ki keki faainoto nau.

Jone 2:11

Do nei, thafali lana bala si do nia ki, tha Jesus e ilia i Kena, fanua i Galili, ka fatai nia inotoa nia; ma toa ni ne toleda keka fitoona.