Jone 8:44 - Ṉa Alaofua Falu 1923 1949

⁴⁴ Kamulua wela maka kamulua na tha devil, ma si lio taa ki, do maka kamulua eri, muki thathamii ilia. Nia thauwane ita mai i thafali la, me ai si to ana mamana la, uria ne ai ta do ne mamana si ni ani nia. Si maṉa nia lole, nia ṉata asi do nia ki u boo: uria nia do na kai lole, ma maka ana lole la.

Jone 8:44 Referans Kwoze

Si do Aposela ki kera ilidaki 13:10

Ma ka sorea, Wane no fuṉu ana lole la ni sui bana ma abula dodora la ni sui bana, kaluwane tha devil, wane no maalimae asi do ki sui ne kokoto, osi to faisia bulasi garo la ana tala kokoto ṉa Lord ki?

I. Jone 3:12

’Uria tha Kena na nia do tha Taa, me thauṉia doorana, e ai. Me thauṉi nia uria ta? Uria na si ra nia ki e taa, ma si ra doorana e kokoto.

II. Korinitha 11:3

Ma nau ku mau, ada mado e ai, ’uria lau boo wa aala eri e lolea ni Eve ana lole la nia, keki faataalia manatamulua faisia si lio ne mamana uria tha Christ.

Si do na kera fatai nia 12:9

Ma kera naṉa ana baekwa baita eri, wa aala eri na ita u ka to, nia na kera alaṉia atha Devil ma Satan, na ka lolea toa na fanua nei iano sui boo; keka naṉa ani nia kai sifo uri fanua nei iano, ma keka naṉa ana angel nia ki bi nia.

Jone 8:38

Nau ku ṉata sulia si do ni nau ku rikidaki isana Maka nau: ma ni kamulua lau boo muka ilia si do na mulu roṉodaki ana maka kamulua.

Jone 8:41

Muka ilia si ra maka kamulua. Kera soree isana, Kesi kwalafi kamilia ana oe la; amilia tee Maka, tha God.

I. Jone 3:15

Ni tei bana na ka rikia doorana ka taa na ṉa wane ne thauwane: ma mulu thaitoomana ne ai ta wane ne thauwane ana marukia tatha na ni ani nia.

Mathui 13:38

Ma ra ba ṉa fanua nei iano; ma foee do lea ba ki, kera ṉa kaluwane tooa ki; ma si lolo bubula ba ṉa kaluwane tha Taa ki;

Jude 1:6

Ma angel ki na kesi to sulia to lada mai inao, na kera akwasia fanua kera i talaada, e kani fafia ana nailii thalo na kai to ladoa ki la maerodo maakwalia kotu baita afa boṉi baita eri.

I. Jone 2:4

Wane na ka sorea, Ni nau ku thaitoomana, ma ka ai si ade sulia si ṉata fifi nia ki, wane ni lole neri, ma mamana la eri e ai si to ani nia:

Si do na kera fatai nia 21:8

Ma toa ana mau la, ma toa ana fitala la, ma toa ni mamagu la anida, ma toa ni thauwane la, ma toa ni oe la, ma toa ni ra la ana sukwaia spirit taa ki, ma toa na kera foa ana god eeta ki, ma toa ni lole la ki sui bana, keki fulatoona si do kera ki asi kula ne ’uria gwa kafo baita me fuṉu ana era ma do thasuna ka makwafifi; ruana fa maea neri.

GENESIS 3:15

Ma nau kwai alua maalimae la imaalutamaroa kini eri, ma imaalutana kwalafamu ma kwalafana; ni nia kai thau mala ana gwaumu, ma ni oe oki thau mala ana bora aena.

I. Pita 5:8

Muki inoto ana seemulua, muki tharai: sulaania maalimae kamulua tha devil, ’uria laeona na ka gagafu, ka liu, fasi kai rofe uria imole na nia kai dudumeme ania:

Si do na kera fatai nia 9:11

Ma kiṉa kera ana tatha la inaoda na ṉa angel ana kilu kwasi eri: thatana ana ṉata lana Hibaru ki tha Abadono, ma ana ṉata lana Girisi kera alaṉi nia atha Apoliona.

Si do Aposela ki kera ilidaki 5:3

Ma tha Pita ka sorea, Ananiasi, uria ta na tha Satan ka faafuṉua ruruumu oki lolea tha Spirit Abu, oko alua mai ta bali ana malefo no usia ana gano eri ifamu?

Jone 6:70

Tha Jesus e luuda, ka una eri, Ta na sa nau ku talisi kamulua tee akwala eri ma ro nonii wane, ma tee wane iamulua na ṉa spirit taa!

Si do na kera fatai nia 2:10

Osi mau ana taa la eki na toto oki to ania: rikia fasi, e ai si tau na tha devil kai suia tai toa iamulua uri la lokafu, fasi keki ilitoomulua; ma muki to ana taa la sulia tafulu fa boṉi. Oki to mamana boo uria maea, kwai falea do ni eregwau ana marukia ifamu.

II. Pita 2:4

Sulaania mada sa tha God e ai si suusia taa la faisia angel ki si maṉa na kera abula taa, me naṉa anida keka sifo i hell, ma ka aluda i la malau rorodoa ki, keki to maakwalia kwae lada;

Si do na kera fatai nia 13:14

Ma nia lolea toa na fanua nei iano ana bala si do eki na kera alu nia kai ilia inaofana do maruki eri ne kwasi; ka soree isana toa na fanua nei iano keka thauwai nia nunui do ifana do maruki eri ne kwasi, na kera kwae mala iana ana nini ni firu, ma sui e maruki.

Si do na kera fatai nia 22:15

Uria na koito ki ni thara, ma toa ba ki na kera ra ana sukwaia spirit taa ki, ma toa ba ki ni oe la, ma toa ba ki ni thauwane la, ma toa ba ki ni foa la ana god eeta ki, ma ni tei bana ne thathamia lole la ma kai lole ana.

Mathui 12:34

Kamulua kwalafana baekwa i tolo ki, si do lea ki muki sore ufita ania, na mulu taa nania? sulia fokona imole kai ṉata asi do ne oro i ruruuna.

Mathui 13:15

Uria na ruruuna toa nai ka raraṉaa naa, Ma kera roṉo fafusi bada ana aliṉada, Bia keka maaafu; Ada mado e ai keka lio ana maada, Ma keka roṉoi ana aliṉada, Ma keka thaitoomana ana ruruuda, Ma keka, akele iburi, Fasi kwa faamarukida.

Jone 7:17

Mada sa ta wane e susuu uria ili lana si do ni nia e thathamia, nia kai thaitoomana kwaifamanataia eri, mada sa si do tha God neri, mado kwai ṉata bakua i talaaku.

Jone 8:55

Ma mulu dora ani nia: ni nau ku thaitoomana; ma mada sa kwa sorea, E ai kwasi thaitoomana, nau kwai ’uri kamulua, wane kwai lole: sui nau ku thaitoomana boo, ma kwai ade sulia bae lana.

I. Jone 1:8

Mada sa kuka sorea e ai akulua ta abula taa la, kuki lole kulu i talaakulua, ma mamana la eri e ai si to ani kulu.

I. Jone 2:21

Nau e ai kwasi kekeda kau isamulua sulaania musi thaitoomana mamana la eri, sulaania mulu thaitoomana boo, ma sulaania lole la do ana mamana la eri e ai.

Si do Aposela ki kera ilidaki 24:9

Ma Ju eki keka alaṉi nia lau boo asi do eki bia wane eri, keka sorea si do eki e mamana.