Jone 8:2 - Ṉa Alaofua Falu 1923 1949

² Ma i la uusuwadia u boo nia kotho lau i la biu baita tha God, ma toa eki sui boo kera lae mai isana; ma nia ono iano, ka kwaifamanatai isada.

Jone 8:2 Referans Kwoze

Mathui 26:55

Ana kadee maṉa eri tha Jesus ka soree isana malului wane eki, Mulu lae mai mala toa na kera lae uria rau lana wane ne bili, fafia nini ni firu ki ma dia ki fasi muki rau iaku nania? Nau ku oono sulia boṉi la biu baita tha God, ku kwaifamanatai, me ai musi rau iaku.

Luke 21:37

Ma afa thato ki nia kai kwaifamanatai la biu baita tha God; ma afa rodo ki nia ka lae i thara, kai to ana i la gwa tolo na kera alaṉia ana Olifesi.

Luke 4:20

Ma nia kosua buka eri, ka oli fafia isana wane ni ra, ma ka ono: ma maana toa eki sui boo i la biu ni ofu la ka tede ani nia.

Luke 5:3

Ma nia ka tae i la ta foorua ana do eki, na do tha Saimona, ma ka sorea sa nia kai idu faekwa ania faisia i thara. Ma nia ka ono i la foorua ka kwaifamanatai isana toa eki.

Jone 8:20

Si baea eri tha Jesus e sorea ana fuila malefo, si maṉa nia kwaifamanatai la biu baita tha God: me ai ta wane si rau nia; uria na si kadee maṉa nia e ai si fula u mai.

Jone 4:34

Tha Jesus ka soree isada, Faṉa nau na ade la sulaania si do ni nia ne arasi nau mai e thathamia, ma ili lana ra nia.

Luke 21:38

Ma toa eki sui boo kera kalo isana afa uusuwadia ki la biu baita tha God, uria roṉo lana bae lana.

Jone 8:3

Ma wane ni kekeda ki bia Farisi ki kera talaia mai tee kini na kera fulatoona ana oe la; ma buriana na kera alu nia kai takwe i maalutada,

Si do Aposela ki kera ilidaki 5:21

Ma si maṉa na kera roṉoa, keka kotho i la biu eri si maṉa fanua e thafalii dani, keka kwaifamanatai. Sui aofia ni foa e lae mai, bia toa na kera to isana, ka ailia mai ofu la eri, ma figu la eri sui bana ana wane inoto kwalafa tha Isirela ki, ka kwaiarasi uri lokafu sa keka toleda mai.