Jone 8:19 - Ṉa Alaofua Falu 1923 1949

¹⁹ Mania kera soree isana, Ma Maka oe nifei? Tha Jesus e luuda, ka una eri, Mulu dora ani nau, ma muka dora lau boo ana Maka nau: mada sa mulu thaitoomaku, muka thaitoomana lau boo Maka nau.

Jone 8:19 Referans Kwoze

Jone 16:3

Ma si do eki toto keki ilia iamulua, uria na kera dora ana ṉa Maka, ma ni nau.

I. Korinitha 15:34

Muki tharai ana kokoto la, ma musi abula taa; uria na tei toa kesi thaitoomana tha God: ku ṉata una eri fasi kwa faaseenoni kamulua.

Jone 7:28

Mania tha Jesus ka ’ai la biu baita tha God, ka kwaifamanatai, ka una eri, Mulu thaitoomaku, ma mulu thaitoomana lau boo si kula ni nau ku maṉo mai iei; ma nau kwasi lae mai i talaaku, nia ne arasi nau mai e mamana, nia na mulu dora ania.

Jone 1:10

Nia e toto ana fanua nei iano, me futaṉai nia fanua nei iano, sui fanua nei iano ka dora ani nia.

Mathui 11:25

Asi maṉa eri tha Jesus e luua, ka sorea, Nau ku sore lea iamu, Maka ae, Lord ana thalo lo ma fanua nei iano, uria na thaufunia si do eki faisia toa liode too ma toa manatade kali, mo fatai nia isana wela aabu ki:

II. Jone 1:9

Ni tei bana na ka lae tatha me ai si to ana kwaifamanatai la tha Christ, tha God ka ai faisi nia: wane na ka to ana kwaifamanatai la tha Christ, ana ṉa Maka bia ṉa Kaluwane lau boo.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Galesia 4:9

Ma si maṉa eri na mulu fulatoona thaitoomana lana tha God, mado na tha God e thaitoomamulua, uria ta na mulu akele buri uria si do totonao ba ne ai si sukwai ki ma ka fakoka, si do na mulu thathamia keki suuwai kamulua ania muki roo lau sulia?

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Kolose 1:10

Fasi muki abula ana abula la ne farana ṉa Lord asi do ki sui bana na kai faalea nia, muki fuṉu ana foee do asi ra ki sui bana ne lea, ma muki baita alaa ana thaitoomana lana tha God;

Jone 15:21

Ma si do eki sui bana lalae keki ilia iamulua inunufana thataku, uria na kesi thaitoomana nia ne arasi nau mai.

Hibaru ki 1:3

Ma ni nia, uria ne iriroa ana inotoa tha God, ma alafana bonaa na ni nia, ma uria na ka raufaaṉado asi do ki sui bana asi ṉata ana sukwaia nia, buriana ne faafalu kulu faisia abula taa la ki, ka bii ono i aba aola ni Nia ne Inoto ka tatha ia mai;

Kolose 1:15

Nia na nuna tha God ne to bana ma kesi riki nia, nia totonao, sui do eki sui bana na kera thauwai nia;

Efesasi 1:17

Fasi nia ne God na Lord kulu tha Jesus Christ, ṉa Maka ana inotoa, kai falea spirit ana manata lea la ifamulua ma riki lana si do nia kai fatai nia ana thaitoomana lana la;

Jone 1:18

E ai ta wane si rikia tha God ana ta si maṉa: tee fa Kaluwane eri, na ni ruruuna ṉa Maka, nia e fatai nia.

I. Jone 2:23

Ni tei bana na ka sorea e dora bana ana ṉa Kaluwane, wane eri e ai ana ṉa Maka: wane na ka faamamanea ṉa Kaluwane ana ṉa Maka ni lau boo.