Jone 8:14 - Ṉa Alaofua Falu 1923 1949

¹⁴ Tha Jesus e luuda, ka soree isada, Mada sa ku faamamanea si do ku thaitoomana suli nau i talaaku mena, si do ku faamamanea e mamana; uria ni nau ku thaitoomana si kula na ku too mai iei na ku lae mai, ma si kula na kwai tatha uria; ma ni kamulua musi thaitoomana lae laku mai, ma tatha laku kau.

Jone 8:14 Referans Kwoze

Jone 16:28

Nau ku lae mai ku ita ana ṉa Maka, ma ku fula ana fanua nei iano: sui kwai akwasia lau fanua nei iano, kwai lae kau isana ṉa Maka.

Jone 13:3

Tha Jesus, ne thaitoomana na ṉa Maka e falea si do ki sui bana i abana, ma nia e lae mai ka ita atha God, ma kai oli lau isatha God,

Jone 14:10

Osi fitoo na nau ku ni ana ṉa Maka, ma ṉa Maka ni ani nau? si baea eki na nau ku soree isamulua kwasi sorea i talaaku: ṉa Maka ana na ni ani nau kai ilia ra nia ki.

Jone 8:42

Tha Jesus ka soree isada, Mada sa Maka kamulua na tha God, do muki liothau ani nau: uria nau ku lae mai ma ku ita mai atha God; ma nau e ai kwasi lae mai i talaaku, ni nia e arasi nau mai.

Jone 17:8

Uria na si baea ba ki no falea mai iaku ni nau ku falea iada; ma kera ṉalia, kera thaitoomana mamana boo na nau ku lae mai ku ita ani oe, ma kera fitoo no arasi nau mai.

Si do na kera fatai nia 3:14

Ma oki keda isana angel ana figua nai Laodisia; Si do eki ṉa Emeni e sorea, nia ne fitoo ma mamana ana faamamane lana si do ne thaitoomana, nia na si do na tha God e thauwanidaki sui bana ita mai ani nia:

II. Korinitha 12:19

E to i manatamulua ka tau na mai soso miki ṉata una eri isamulua uria bana fasi miki suusi kamilia. Inaofatha God mili ṉata atha Christ. Ma si do eki sui boo, liliothaua nau ki, uria faasukwai lamulua la.

II. Korinitha 12:11

Nau ku oewanea naa ana faabaita laku i talaaku: kamulua mulu suuwai nau ania; uria do kokoto sa ni kamulua muki ṉata suli nau: sulaania nau kwasi aru buri ana toa na kera inoto ka tatha i maalutana aposela ki, boro so ni nau tonee do ni mena.

II. Korinitha 11:31

Nia ne God na Lord kulu tha Jesus Christ ma Maka nia, nia na kera taṉoa toto si sui, nia thaitoomana nau e ai kwasi lole.

Jone 10:36

Muki sorea suli nia, na ṉa Maka e faaabua ma ka arasi nia mai la fanua nei iano, O ṉata ana fare toliṉi lana tha God; uria na ku sorea, Nau Kaluwane tha God?

Jone 10:15

Talafana lau boo ṉa Maka ka thaitoomaku, ma ni nau ku thaitoomana ṉa Maka; ma nau ku falea maṉoku uria sifi eki.

Jone 5:31

Mada sa nau kwa faamamanea si do nau ku thaitoomana suli nau i talaaku, do nau ku sorea e ai si mamana.

Jone 18:37

Mania tha Paelate e soree isana, Oe na kiṉa nania? Tha Jesus e luua, ka una eri, Oi sorea na nau ṉa kiṉa. Si do eri kera kwalafi nau uria, ma si do eri nau ku lae mai uria ana fanua nei iano, fasi kwa faamamanea si do nau ku thaitoomana sulia mamana la eri. Ni tei ne mamana kai roṉoa liṉana ṉata laku.

Si do na kera fatai nia 1:5

Ma atha Jesus Christ, Wane fitoo ni faamamane lana si do ne thaitoomana, ulunao faisia toa mae ki, ma Wane Gwauwai ne tatha ana kiṉa fanua nei iano ki. Nia na ka liothau ani kulu, me lube kulu faisia abula taa la kulu ki ana abuna i talaana: