Jone 7:39 - Ṉa Alaofua Falu 1923 1949

³⁹ Ma nia ṉata una eri sulia tha Spirit, na toa na kera fitoona toto keki ṉalia: uria na kesi falea u tha Spirit Abu; sulaania na tha Jesus kesi faainotoa u.

Jone 7:39 Referans Kwoze

Si do Aposela ki kera ilidaki 2:17

Ma si do na kai fula mai afa boṉi iisi ki, tha God e sorea, Nau kwai kikia ta si ana Spirit nau fafia imole ki sui bana: Ma kaluwane kamulua ki ma thari kamulua ki keki ṉata mala porofeta, Ma wane bii baita kamulua ki keki rikia si na kera fatai lalaa ania, Ma arai kamulua ki keki moosubolea si moosubolea ki:

Si do Aposela ki kera ilidaki 2:33

Mania uria na kera faainoto nia ana aba aola tha God, ma uria ne ṉalia ana ṉa Maka alaṉaia eri na tha Spirit Abu, nia e kikia si do eri, na mulu rikia ma muka roṉoa.

Si do Aposela ki kera ilidaki 2:4

Ma kera faafuṉua toa eki sui boo atha Spirit Abu, keka bii ṉata asi ṉata la eeta ki, sulia si ṉata na tha Spirit e faaṉata kera ania.

Jone 16:7

Una ena mena ku faaroṉo kamulua asi do mamana; Do e lea ifamulua na nau kwai lae: uria na mada sa kwasi lae, nia na kai faainamaruki kamulua sa ka lae mai isamulua e ai; sui mada sa kwa lae, kwai arasi nia mai isamulua.

Jone 12:16

Si do eki toa nia ne toleda kesi filoṉania u inao: sui lalae si maṉa na kera faainotoa tha Jesus, kera bii manatatoona na kera keda si do eki suli nia, bia na kera ilia si do eki iana.

Roma 8:9

Ma ni kamulua do ana see imole e ai, do atha Spirit, mada sa Spirit tha God ni ani kamulua. Ma mada sa Spirit tha Christ ka ai faisia ta wane, wane eri do nia e ai dodoloa.

Si do Aposela ki kera ilidaki 2:38

Ma tha Pita e soree isada, Muki akeletania manatamulua, ma keki babataesi kamulua, ta wane iamulua si ei, ana thatana tha Jesus Christ uria doanita la ana abula taa la kamulua ki; ma muki bii ṉalia si do na kera tona falea na tha Spirit Abu.

Jone 20:22

Buriana ne sorea si do eri, nia ufu fafi kera, ka soree isada, Muki ṉalia tha Spirit Abu:

Jone 12:23

Ma tha Jesus ka luuda, ka una eri, Kadee thato be fula naa, na keki faainotoa Kaluwane imole ania.

Efesasi 4:30

Ma musi fafaaliodila Spirit Abu tha God, na kera faaṉado kamulua ani nia maakwalia fa boṉi eri ana tae la faisi kamulua.

II. Korinitha 3:8

Ra tha Spirit e ai si to ana inotoa baita ka tatha?

Si do Aposela ki kera ilidaki 4:31

Ma buriana na kera foa, si kula eri na kera figu mai iei ka igiigi; ma kera faafuṉua toa eki sui boo atha Spirit Abu, ma keka seeraa ana ṉata la sulia bae lana tha God.

Si do Aposela ki kera ilidaki 3:13

God tha Aberahamo, ma tha Aisaka, ma tha Jekofo, God maka kulu ba inao ki, e faainotoa Kaluwane nia tha Jesus; Wane eri na mulu alamai nia, ma mulu sorea inaofatha Paelate na mulu dora bamulua ani nia, si maṉa manatana sa nia kai lubea ka lae.

Jone 17:5

Ma si maṉa eri, Maka ae, oki faainoto nau ani oe i talaamu ana inotoa ba na ku rikia bi oe si maṉa na fanua nei iano e ai si to u bana.

Jone 14:13

Ma atona bana ta si do na muki gania ana thataku, si do eri kwai ilia, fasi keki faainotoa ṉa Maka ana ṉa Kaluwane.

Jone 7:12

Ma malului wane eki kera uubulu faamau suli nia: tei toa kera sorea, Nia wane kokoto; tei toa lau kera sorea, E ai lau; nia kai tole garo ana malului wane nei.

Jone 6:14

Mania si maṉa na toa eki kera rikia bala si do eri na tha Jesus e ilia, keka sorea, Porofeta ba mamana boo nai nia na kai lae mai uria fanua nei iano.

Jone 1:33

Ma nau kwasi thathaitoomana: sui nia ne arasi nau mai kwa babataesi ana kafo, e soree isaku, Ni tei bana noki rikia tha Spirit kai sifo mai isana, ma kai dau ani nia, nia wane na kai babataesi atha Spirit Abu.

Jone 1:25

Ma kera soetoona, keka soree isana, Sui uria ta noki babataesi, mada sa ni oe Christ ba e ai, ma tha Elaeja e ai, ma porofeta ba ka ai?

Jone 1:21

Ma kera soetoona, Ṉa ta ni ana? Ni oe tha Elaeja? Ma nia sorea, Ni nau e ai. Oe porofeta ba? Me luuda, ka una eri, E ai.

Luke 24:49

Ma rikia fasi, kwa arasia mai alaṉaia Maka nau fafi kamulua: sui muki to i la toaa susu i Jerusalema, maasia si maṉa na keki faatooni kamulua ana sukwaia ne ita mai ia.

Luke 7:16

Ma mau la ka durufia toa eki sui boo: ma keka taṉoa tha God, keka una eri, Porofeta baita e fula naa i maalutakulua: ma, Tha God e thai sulia toa nia ki.

Luke 3:16

Tha Jone e luuda, ka soree isada sui, Nau ku babataesi kamulua boo ana kafo; ma tee wane kai lae mai ne sukwai ka tatha iaku, na si kwao ana butu nia ki kwasi farana luke lana: nia kai babataesi kamulua atha Spirit Abu bia era:

Mathui 16:14

Ma keka sorea, Tei toa keka sorea nia wane ni babataesi ba na tha Jone; ma tei toa keka sorea, tha Elaeja: ma tei toa lau keka sorea, tha Jeremaia ana, mado ta porofeta ana porofeta ba ki.

Jone 14:26

Ma Nia na kai faainamaruki kamulua, tha Spirit Abu, na ṉa Maka toto kai arasia mai ana thataku, nia kai tooa si do ki sui bana isamulua, ma kai faaroṉo kamulua lau asi do eki sui boo na nau ku soree isamulua, muki onotoona.

Mathui 21:11

Ma malului wane eki keka sorea, Porofeta ba na tha Jesus nai nia, ne toto i Nasaretha fanua i Galili.

Fa Ṉu Abu ki 68:18

O tae naa uri iaa, o talaia toa ni ra oe ki, toa oro na omea e lauda; o ṉalia si do noki tona faledaki ifana wane ki, iu, ifana toa eki lau boo na kera ade faisia bae lamu, fasi tha Jihova God kai to bi kera.

Jone 8:54

Tha Jesus e luuda, ka una eri, Mada sa kwa faainoto nau i talaaku, inotoa nau e ai si mamana: Maka nau ana na kai faainoto nau; nia na mulu alaṉia ana God kamulua;

Jone 16:14

Nia kai faainoto nau: uria nia kai ṉali asi do nau ki, ma kai fatai nia isamulua.

Jone 17:1

Si do eki tha Jesus e sorea; sui ka tafoa maana uria ṉa thalo, ka sorea, Maka ae, si kadee maṉa e fula naa; oki faainotoa Kaluwane oe, fasi Kaluwane oe kai faainoto oe lau boo:

Si do Aposela ki kera ilidaki 19:2

Ma nia soree isada, Mulu ṉalia tha Spirit Abu si maṉa na mulu fitoo? Ma kera soree isana, E ai, roṉo laṉa mena e ai misi roṉoa na tha Spirit Abu e fula.