Jone 7:30 - Ṉa Alaofua Falu 1923 1949

³⁰ Mania kera rofe uria si ade la na keki ilia fasi keki rau nia: me ai ta wane si alua abana ani nia, uria na kadee maṉa nia e ai si fula u.

Jone 7:30 Referans Kwoze

Jone 10:39

Mania kera rofe lau uria rau lana: ma nia e lae nana faisia abada.

Jone 8:20

Si baea eri tha Jesus e sorea ana fuila malefo, si maṉa nia kwaifamanatai la biu baita tha God: me ai ta wane si rau nia; uria na si kadee maṉa nia e ai si fula u mai.

Jone 7:6

Mania tha Jesus ka soree isada, Si maṉa nau e ai si fula u mai; ma si maṉa kamulua molo ka kwaimaakwali ka toto bana.

Jone 7:32

Farisi ki kera roṉoa malului wane eki kera uubulutai nia; ma Farisi eki ma wane inoto ni foa ki kera arasia mai toa ni ilido ki sa keki rau nia.

Jone 11:57

Ma wane inoto ni foa ki ma Farisi ki kera sorea naa, sa mada sa ta wane e thaitoomana si kula ne ni iei, kai faatai nia, fasi keki rau nia.

Jone 9:4

Nau kwai ra e ai si ei boo ana ra nia ki na arasi nau mai, si maṉa kai dani: fanua toto kai rodo, si maṉa ne ai ta wane si thaitoomana ra la.

Jone 8:59

Mania kera ra uria fau ki fasi keki uia ania: sui tha Jesus e thaufuni nia, ka kotho i maa faisia biu baita tha God, ka tatha i maalutada, ma ka lae nana.

Jone 8:37

Nau ku thaitoomana kamulua kwalafa tha Aberahamo; sui muki rofe uria thauṉi laku, uria na ruruumulua e fofonola, bae laku si kotho iei.

Jone 7:19

Ta na sa tha Mosesi e falea ṉa lo ifamulua, me ai ta wane iamulua si ade sulia lo eri, mado? Uria ta na muki rofe uria thauṉi laku?

Jone 7:8

Kamulua muki tae isana fafaṉa: nau kwasi tae u isana fafaṉa eri; uria na si maṉa nau e ai si mamana u.

Luke 22:53

Si maṉa nau ku toto sulia boṉi bi kamulua i la biu baita tha God, e ai musi tekwasia abamulua uria ṉali laku: sui kadee maṉa kamulua naa neri, ma sukwaia maerodo.

Luke 20:19

Ma wane inoto ni foa ki bia wane ni kekeda ki, kadee maṉa eri u boo, keka rofe uria rau lana; sui keka mau ana toa eki: uria na kera thaitoomana na nia e ṉata asi tarifula eri suli kera.

Mako 11:18

Ma wane ni kekeda ki bia wane inoto ni foa ki kera roṉoa, ma keka rofe fufuli uria si ade la na keki ilia fasi keki thauṉi nia: uria na kera mau iana, sulia malului wane eki sui bana kera kwele ana kwaifamanatai la nia.

Mathui 21:46

Ma si maṉa na kera rofe uria rau lana, keka mau ana malului wane ki, uria na kera sorea nia ṉa porofeta.

Fa Ṉu Abu ki 76:10

Rakeiria imole ki kai taṉo oe mamana boo: oretana rakeiria eri oki suusia kau.

Jone 10:31

Mania Ju ki kera ra lau uria fau ki fasi keki ufauna.

Mathui 12:14

Ma Farisi eki kera kotho i maa, keka furiṉata fafi nia, uria si ade la na keki ilia fasi keka thauṉi nia.