Jone 7:29 - Ṉa Alaofua Falu 1923 1949

²⁹ Ni nau ku thaitoomana bakua; sulaania ku ita mai ani nia, ma nia arasi nau mai.

Jone 7:29 Referans Kwoze

Jone 8:55

Ma mulu dora ani nia: ni nau ku thaitoomana; ma mada sa kwa sorea, E ai kwasi thaitoomana, nau kwai ’uri kamulua, wane kwai lole: sui nau ku thaitoomana boo, ma kwai ade sulia bae lana.

Mathui 11:27

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Jone 17:18

Talafana o arasi nau mai ana fanua nei iano, talafana lau boo ni nau ku arasida kau ana fanua nei iano.

Jone 6:46

Uria na ta wane se rikia naa ṉa Maka e ai, talitoona bana nia ne ita mai atha God, nia e rikia ṉa Maka.

Jone 1:18

E ai ta wane si rikia tha God ana ta si maṉa: tee fa Kaluwane eri, na ni ruruuna ṉa Maka, nia e fatai nia.

I. Jone 4:14

Ma kulu rikia naa ma kuka faamamanea si do kulu thaitoomana na ṉa Maka e arasia mai ṉa Kaluwane na Wane ana faamaruki lana fanua nei iano.

I. Jone 4:9

Asi kula eri kera fatai nia liothau la tha God uri kulu, na tha God e arasia mai tee fa Kaluwane nia uria fanua nei iano, fasi kuka maruki ani nia.

I. Jone 1:2

(Uria na kera fatai nia ṉa marukia, ma mili rikia, ma mika faamamanea si do na mili thaitoomana sulia, ma mika faaroṉo kamulua ana ṉa marukia tatha, ne toto isana ṉa Maka, sui keka fatai nia isamilia);

Jone 13:3

Tha Jesus, ne thaitoomana na ṉa Maka e falea si do ki sui bana i abana, ma nia e lae mai ka ita atha God, ma kai oli lau isatha God,

Jone 10:15

Talafana lau boo ṉa Maka ka thaitoomaku, ma ni nau ku thaitoomana ṉa Maka; ma nau ku falea maṉoku uria sifi eki.