Jone 7:28 - Ṉa Alaofua Falu 1923 1949

²⁸ Mania tha Jesus ka ’ai la biu baita tha God, ka kwaifamanatai, ka una eri, Mulu thaitoomaku, ma mulu thaitoomana lau boo si kula ni nau ku maṉo mai iei; ma nau kwasi lae mai i talaaku, nia ne arasi nau mai e mamana, nia na mulu dora ania.

Jone 7:28 Referans Kwoze

Jone 8:42

Tha Jesus ka soree isada, Mada sa Maka kamulua na tha God, do muki liothau ani nau: uria nau ku lae mai ma ku ita mai atha God; ma nau e ai kwasi lae mai i talaaku, ni nia e arasi nau mai.

Jone 8:19

Mania kera soree isana, Ma Maka oe nifei? Tha Jesus e luuda, ka una eri, Mulu dora ani nau, ma muka dora lau boo ana Maka nau: mada sa mulu thaitoomaku, muka thaitoomana lau boo Maka nau.

Jone 8:26

Do oro ni u fasi kwai ṉata ania ma kwai sorea mala wane ni kotu suli kamulua: sui nia ne arasi nau mai e mamana; ma si do nau ku roṉoa ani nia, si do eki kwai ṉata sulia isana toa na fanua nei iano.

Jone 8:14

Tha Jesus e luuda, ka soree isada, Mada sa ku faamamanea si do ku thaitoomana suli nau i talaaku mena, si do ku faamamanea e mamana; uria ni nau ku thaitoomana si kula na ku too mai iei na ku lae mai, ma si kula na kwai tatha uria; ma ni kamulua musi thaitoomana lae laku mai, ma tatha laku kau.

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Jone 12:49

Uria ni nau e ai kwasi ṉata asi do i talaaku; ṉa Maka ne arasi nau mai, nia e faaroṉo nau mai asi do nau kwa sorea, ma kwa ṉata sulia.

Jone 5:43

Ni nau ku fula ana thatana Maka nau, ma kamulua musi thathagoni nau mai: mada sa ta wane lau kai fula ana thatana i talaana, wane na muki thathagoni nia neri.

Mathui 11:27

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

I. Jone 5:10

Wane na ka fitoona Kaluwane tha God faamamane la eri e to ani nia: wane ne ai si fitoona tha God e alaṉi nia ana lole la; uria ne ai si fitoona faamamane la na tha God e faamamanea sulia Kaluwane nia.

Hibaru ki 6:18

Fasi ana ro si do ki ne ṉado, ne ai si tatala, ne afetai ka tatha sa tha God kai lole ania, keki faainamaruki kulu faamau, ni kulu na kulu thaka uria marukia fasi kuki rau asi do na kera alua inaofakulua na kuki manatatoo ṉado uria;

Taetasi 1:2

Ana manatatoo ṉado la uria marukia tatha, do na tha God, ne dora ania lole la, e alaṉai nia to u asia mai inao ne ai si sui;

II. Korinitha 4:6

Uria na tha God neri, nia ne sorea, Lalaa la kai laa i la maerodo, ne laa i ruruumilia, fasi kai falea lalaa la na ṉa thaitoomana lana inotoa tha God ana maana tha Jesus Christ.

II. Korinitha 1:18

Ma ’uria tha God ka mamana, ṉata lamilia isamulua e ai si una eri, Iu, ma e ai.

Roma 3:4

Si do ka ai neri: iu, tha God ana kai mamana, ma wane eki sui boo kera toa ana lole la; ’uria si do na kera keda, Fasi keki ala fafia kokoto lamu uria si ṉata oe ki, Ma si oe kai tatha asi maṉa ana kotu.

Roma 1:28

Ma talafana na kera lalakwee thaitoomana tha God, alafana lau boo tha God e lukatai kera asi lio ne taa bonaa, keki ilia si do ne ai si kokoto ki;

Si do Aposela ki kera ilidaki 17:23

Sulaania si maṉa nau ku liliu, ma ku lio sulia si do eki na mulu foa ana thatada, ku fulatoona lau boo tee fulii era ni foa la kekeda la nai ni fafia, ANA ṈA GOD NA KESI THAITOOMANA. Mania nia na mulu faabaita si maṉa na mulu dora ani nia, nia boo neri na nau kwai fatai nia isamulua.

Jone 17:25

Maka kokoto ae, fanua nei iano e ai si thaitoomamu; nau ku thaitoomamu; ma toa nei ki kera thaitoomana no arasi nau mai;

Jone 16:3

Ma si do eki toto keki ilia iamulua, uria na kera dora ana ṉa Maka, ma ni nau.

Jone 14:31

Ma sui fasi fanua nei iano kai thaitoomana na nau ku liothau ana ṉa Maka, ma talafana si do na ṉa Maka e faaroṉo nau mania, si do eri nau ku ilia. Tatae, kuki lae nakulua.

Jone 14:10

Osi fitoo na nau ku ni ana ṉa Maka, ma ṉa Maka ni ani nau? si baea eki na nau ku soree isamulua kwasi sorea i talaaku: ṉa Maka ana na ni ani nau kai ilia ra nia ki.

Jone 10:36

Muki sorea suli nia, na ṉa Maka e faaabua ma ka arasi nia mai la fanua nei iano, O ṉata ana fare toliṉi lana tha God; uria na ku sorea, Nau Kaluwane tha God?

Jone 8:16

Una ena mena, mada sa kwa ṉata mala wane ni kotu, ṉata laku e mamana; uria na tee nau e ai, nau ma ṉa Maka ne arasi nau mai.

Jone 5:32

Nia lau nana kai faamamanea si do ne thaitoomana suli nau; ma nau ku thaitoomana si do nia faamamanea suli nau e mamana.

Jone 3:33

Wane ne faamamanea si do nia sorea e safua si do nei, na tha God e mamana.

Jone 3:2

Wane eri e fula isatha Jesus afa rodo, ka soree isana, Rabae ae, kamilia mili thaitoomana ni oe wane ni kwaifamanatai na tha God e arasi oe mai: uria na ta wane sa ka ilia bala si do noki ilidaki e ai, mada sa tha God e ai si ni isana.

Jone 1:46

Ma tha Nathaniala ka soree isana, Ta si do lea kai lae mai i Nasaretha? Tha Filifi e soree isana, Lae mai, oki rikia.

Luke 10:22

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Luke 2:51

Ma nia sifo bida, ka fula i Nasaretha; ma nia ka roo sulidaroa: ma thainana ka beta sulia si ṉata eki sui boo i ruruuna.

Luke 2:39

Ma iburiana na kera faasuia naa si do ki sui bana ne lae sulaania ṉa lo tha Lord, kera oli uri Galili, uria toaa susu kera ni u boo i Nasaretha.

Luke 2:11

Uria amulua tee Wane ni Faamaruki la e futa ibare i la toaa susu tha Defeta, nia ṉa Christ na Lord.

Luke 2:4

Ma tha Josefa e tae lau boo faisia i Galili, faisia toaa susu i Nasaretha, ka lae uri Judia, uria toaa susu tha Defeta, na kera alaṉia ana Bethelihemo, uria nia wane ana kwalafa ma kulee toa tha Defeta;

Mathui 2:23

Me lalae mai ka ono ṉado i la tee toaa susu kera alaṉia ana Nasaretha: fasi keki faamamanea si do na porofeta ki kera sorea, na nia toto keka alaṉia ana wane i Nasaretha.

Fa Ṉu Abu ki 9:10

Ma toa eki na kera thaitoomana thatamu keki takofale kera iamu; uria na ni oe, tha Jihova, osi akwasi kera ta si maṉa, toa eki na kera rofe buriamu.

Jone 7:14

Ma si maṉa na fa boṉi tolibobola ana fafaṉa eri e fula naa, tha Jesus e tae uri biu baita tha God, ka kwaifamanatai.

Mathui 26:55

Ana kadee maṉa eri tha Jesus ka soree isana malului wane eki, Mulu lae mai mala toa na kera lae uria rau lana wane ne bili, fafia nini ni firu ki ma dia ki fasi muki rau iaku nania? Nau ku oono sulia boṉi la biu baita tha God, ku kwaifamanatai, me ai musi rau iaku.

Jone 6:42

Ma kera sorea, Tha Jesus, kaluwane tha Josefa, e ai bana nena, wane na maka nia ma thainana kuki thaitoomana bakulua? sui nifana ade lana nia ka sorea naa, Nau ku sifo mai faisia thalo?

Jone 9:29

Mili thaitoomana na tha God e ṉata isatha Mosesi: ma wane nei molo, mili dora ana si kula ne ita mai iei.