Jone 6:40 - Ṉa Alaofua Falu 1923 1949

⁴⁰ Ma si do na nia ne arasi nau mai e thathamia nania, sa ni tei na kai rikia ṉa Kaluwane, ma kai fitoona, ana marukia tatha; ma nau kwai tataea afa boṉi iisi eri.

Jone 6:40 Referans Kwoze

Roma 6:23

Sulaania na foli lana abula taa la ṉa maea; ma si do na tha God e tona falea bana na ṉa marukia tatha ni atha Christ Jesus na Lord kulu.

Jone 6:54

Ni tei bana na kai ania seeku ma kai kuufia abuku ana marukia tatha; ma nau kwai tataea afa boṉi iisi.

Jone 5:24

Mamana, mamana, ku soree isamulua, Wane na kai roṉoa bae laku, ma kai fitoona nia ne arasi nau mai, ana marukia tatha, ma Wane ni Kotu toto ka ai si ṉata suli nia, me tatha naa faisia maea uria marukia.

Jone 11:25

Tha Jesus ka soree isana, Nau ṉa tatae la faisia maea, ma ṉa marukia: wane na kai fitooku, ka mae mena, do kai maruki:

Jone 4:14

Ma ni tei bana na kai kuu ana kafo ni nau kwai falea ifana liona sa ka lalaṉa lau tai si maṉa e ai; kafo eri na nau kwai falea ifana kai ni ruruuna ’uria ta ruka‐mauri kai tae mai ana marukia tatha.

Jone 14:19

Ta kasi maṉa faekwa ni u, sui fanua nei iano ka ai si riki nau lau; ma ni kamulua muki riki nau: uria ni nau ku maruki, muki maruki lau boo.

Jone 12:45

Ma wane na kai riki nau kai riki nia ne arasi nau mai.

Jone 6:27

Musi rara uria faṉa na toto kai taa, muki ra uria faṉa na kai to ṉado ana marukia tatha, na Kaluwane imole kai falea iamulua: uria nia God na Maka e safua ana do ni faaṉado lana.

Jone 3:36

Wane na kai fitoona ṉa Kaluwane ana marukia tatha; ma wane ne ai si ade sulia ṉa Kaluwane toto si rikia marukia, ma rakeiria tha God kai to bana fafi nia.

Jone 1:14

Ma ṉa Baea eri ka imole, ma ka to i maalutamilia (ma mili rikia inotoa nia mala inotoa tee fa Kaluwane ṉa Maka, na nia e arasia mai), e fuṉu ana lea la ma mamana la.

Luke 2:30

Uria na ku rikia naa marukia oe ana maaku,

I. Jone 2:25

Ma alaṉaia eri ne alaṉai nia iakulua nai nia, ṉa marukia tatha.

Jone 17:2

’Uria lau boo o alu nia kai inoto ana imole ni sui bana, fasi toa eki sui boo no falea naa iana, nia kai falea marukia tatha ifada.

Jone 10:28

Ma nau ku falea marukia tatha ifada; ma toto kesi sui, me ai ta imole si lauda faisia abaku.

Jude 1:21

Ma muka beta suli kamulua fasi muki to i la liothau la tha God, si maṉa na muki maakwalia tatakomia na Lord kulu tha Jesus Christ ana marukia tatha.

I. Pita 1:8

Wane na musi rikia u ma muka liothau ani nia; na, boro sa musi rikia u mena, mulu fitoona, ma sui mulu seethathala faamau ania ana seethathala la na kesi talaana ṉata la sulia, na ka fuṉu ana inotoa:

II. Korinitha 4:6

Uria na tha God neri, nia ne sorea, Lalaa la kai laa i la maerodo, ne laa i ruruumilia, fasi kai falea lalaa la na ṉa thaitoomana lana inotoa tha God ana maana tha Jesus Christ.

Roma 5:21

Fasi, talafana abula taa la e inoto fafi kia ana maea, alafana lau boo lea la kai inoto uria kokoto la ana marukia tatha atha Jesus Christ na Lord kulu.

Jone 12:50

Ma nau ku thaitoomana si ṉata fifi nia ṉa marukia tatha: mania si do eki nau ku ṉata sulia, alafana ṉa Maka e soree isaku, una eri lau boo nau kwai ṉata.

Jone 8:56

Maka kamulua tha Aberahamo e seethathala faamau uria na toto kai rikia fa boṉi nau eri; sui nia rikia, ma ka lea iana.

Mako 16:16

Wane na kai fitoo ma keka babataesi nia keki faamaruki nia; ma wane ne fitala bana keka sorea kwae lana.

Hibaru ki 11:1

Ma fitooa na ṉa thaitoomana mamana la asi do eki na kera manatatoo ṉado uria, na faamamane lana si do na kesi rikidaki.

Hibaru ki 11:27

Ana fitooa ka akwasia i Ijifita, e ai si mau ana rakeiria ṉa kiṉa: uria ne susuu asi do ki, mala wane na ka rikia ni nia na kai to bana ma kesi riki nia.

Jone 14:17

Nia na ṉa Spirit mamana: na fanua nei iano ka dora ana thathagoni lana; uria ne ai si riki nia, ma ka ai si thaitoomana lau boo: ni kamulua mulu thaitoomana; uria nia kai to bana isamulua, ma toto kai ni ani kamulua.

Mathui 10:15

Mamana ku soree isamulua, Si do taa na kai uria fanua i Sodomo ma i Gomora kai faekwa asi do taa na kai uria toaa susu eri, afa boṉi ana kotu baita.

Mathui 25:46

Ma toa eki keki lae kau ana kwae la na kai to tatha: ma toa na kera kokoto keki to ana marukia tatha.

Jone 6:39

Ma si do na ṉa Maka ne arasi nau mai e thathamia nania, se ai ta do ana do eki sui bana ne falea ifaku si aana faisi nau, kwai tataea boo afa boṉi iisi eri.

Jone 6:44

E ai ta wane si sukwai fasi kai lae mai isaku, mada sa ṉa Maka ne arasi nau mai e ai si adea kai lae mai: ma nau kwai tataea wane eri afa boṉi iisi.

Jone 11:24

Ni Matha ka soree isa na, Nau ku thaitoomana na nia kai tatae lau ana tatae la ba faisia maea afa boṉi iisi.