Jone 5:9 - Ṉa Alaofua Falu 1923 1949

⁹ Ma si maṉa eri u boo wane eri e maruki naa, ka ṉalia thamataia nia, ka lae. Ma fa boṉi eri fa boṉi mamaloa.

Jone 5:9 Referans Kwoze

Jone 9:14

Sui fa boṉi mamaloa neri na tha Jesus e thauwai nia mamako, ka ifinia maana.

Mako 10:52

Ma tha Jesus ka soree isana, Oki lae amua; fitooa oe e adea maamu ka laa naa. Ma si maṉa eri u boo nia ka lio, ka lae buriatha Jesus sula tale.

Mako 5:29

Ma si maṉa eri u boo abu eri ka ai faisi nia; ma nia ka thaitoomana ana seena na nia maruki faisia do ne thauṉi nia.

Mako 1:42

Ma si maṉa na nia ṉata u boo, si maṉa eri boo uru eri ka ai faisi nia, ma nia ka falu.

Mako 1:31

Ma nia e lae mai ma ka rau ana abana, ka tataea; ma si maṉa eri u boo fule eri ka ai faisi nia, ma kini eri ka bii ra ifada.

Jone 7:23

Mada sa ta wane keki kwai kakali ania afa boṉi mamaloa, fasi e ai kesi ade faisia lo tha Mosesi; rakemulua ka aṉofi nau, uria na ku faamaruki teefau ana wane afa boṉi mamaloa?

Jone 5:14

Sui iburi tha Jesus ka fulatoona i la biu baita tha God, ka soree isana, Rikia fasi, o maruki naa: osi abula taa lau, ada ta do ne taa ka tatha ana do ba ka thauṉi oe.