Jone 5:30 - Ṉa Alaofua Falu 1923 1949

³⁰ Talani nau ku dora ana ili lana ta si do: nau, ṉa Wane ni Kotu, ku ṉata sulia si do nau ku roṉoa: ma ṉata laku e kokoto; uria ni nau kwasi rofea si do ku thathamia i talaaku, kwai rofea si do ni nia ne arasi nau mai e thathamia.

Jone 5:30 Referans Kwoze

Jone 6:38

Uria nau ku sifo mai faisia thalo, uria ili lana si do nau ku thathamia i talaaku e ai, uria ili lana si do nia ne arasi nau mai e thathamia.

Jone 5:19

Mania tha Jesus e luuda, ka soree isada, Mamana, mamana, ku soree isamulua, Na Kaluwane e ai si sukwai ana ili lana ta si do i talaana, talitoona bana si do nia rikia ṉa Maka kai ilia: uria na atona bana si do ni nia ka ilia, si do eki ṉa Kaluwane kai ili una eri ania lau boo.

Jone 4:34

Tha Jesus ka soree isada, Faṉa nau na ade la sulaania si do ni nia ne arasi nau mai e thathamia, ma ili lana ra nia.

Jone 14:10

Osi fitoo na nau ku ni ana ṉa Maka, ma ṉa Maka ni ani nau? si baea eki na nau ku soree isamulua kwasi sorea i talaaku: ṉa Maka ana na ni ani nau kai ilia ra nia ki.

Mathui 26:39

Ma nia ka lae kau uria tee si kula karaṉi bana, ka aru fafia maana, ma ka foa, ka una eri, Maka nau ae, mada sa kera talaana, titiu nei kei tatha nana faisi nau: sui, uria bana nau ku thathamia e ai, mamana lana ni oe.

Jone 8:28

Mania tha Jesus e soree isada, Lalae muka tafoa naa Kaluwane imole, muki bii thaitoomana na nau ku to bakua, ma muki thaitoomana lau boo na nau e ai kwasi ilia ta si i talaaku, talafana si do Maka nau e tooa isaku, ku sorea si do eki.

Roma 15:3

Uria tha Christ lau boo e ai si faalea nia i talaana; ma, ’uria si do na kera keda, Faretoliṉi la na kera ṉata ania ana faretoliṉi lamu la e kulua fafi nau.

Jone 8:50

Ma nau kwasi rofea inotoa nau i talaaku: ni nia to bana na kai rofea, ṉa wane ni kotu na kai ṉata neri.

Jone 8:42

Tha Jesus ka soree isada, Mada sa Maka kamulua na tha God, do muki liothau ani nau: uria nau ku lae mai ma ku ita mai atha God; ma nau e ai kwasi lae mai i talaaku, ni nia e arasi nau mai.

Jone 17:4

Nau ku faainoto oe i fanua nei iano, ku faasuia naa ra no falea ifaku kwai ilia.

Fa Ṉu Abu ki 96:13

Inaofatha Jihova, uria na nia kai lae mai; uria na nia kai lae mai uria ṉata oolo la sulia fanua na i iano: nia kai ṉatafifi oolo sulia fanua na i iano ana kokoto la, ma sulia ina lana toa eki ana mamana lana.

Jone 18:11

Mania tha Jesus e soree isatha Pita, Alua lau nini ni firu i fuila: titiu na Maka nau e falea ifaku, kwasi kuufia akua?

GENESIS 18:25

Si ade la ne a’i si faramu neri, soki ade una eri, soki thauṉia toa kokoto ki ofu bia toa taa ki, sa toa kokoto ki keki totoo bia toa taa ki; si ade la ne a’i si faramu neri: nia na ka ṉata oolo sulia toa na fanua na i iano sui boo kai ilia si do ne kokoto, mado?

Roma 2:5

Ma sulia ruruumu ne sadi ma manatamu ne ai si akele, o alua rakeiria kai to maakwali oe afa boṉi eri ana rakeiria, maṉa na keki fatai nia si do kokoto eri na tha God na Wane ni Kotu kai sorea;

Roma 2:2

Ma kulu thaitoomana na tha God na Wane ni Kotu kai sorea sulia si do ne mamana kwae lana toa na kera ilia si do una eki.