Jone 5:29 - Ṉa Alaofua Falu 1923 1949

²⁹ Ma keki kotho i maa; toa na kera ilia si do ne lea, keki tatae ana marukia: ma toa na kera ilia si do ne taa, keki tatae ana kotu la.

Jone 5:29 Referans Kwoze

Si do Aposela ki kera ilidaki 24:15

Ku manatatoo ṉado atha God uria si do eri, na ni kera keka maakwalia lau boo, na si maṉa ana tatae lana toa mae ki kai fula mai, tatae lana toa kokoto ki ma toa na kesi kokoto lau boo.

Luke 14:14

Ma ni oe kai lea iamu; uria na kesi talaana duu lana si do eri ifamu: uria na toto keki duua si do eri ifamu asi maṉa na tatae lana toa kera kokoto.

I. Timothi 6:18

Oki faaroṉoda keki ilia si do ne lea, keki rikii do asi ra lea ki, keki thathai ana ukali lana si do kera ki, keki thathamii tona fale la;

Hibaru ki 13:16

Ma ili lana lea la ma fale tataka la, do musi lilio dora ania: uria na ka lea faamau atha God uria do ni foa la una eki.

I. Pita 3:11

Ma kia akele faisia si do taa, kai ilia si do ne lea; Kai rofe uria enenoa, ma kai tari buriana.

Hibaru ki 10:27

Ma tee si do na kai kwaifamaui na ṉa maakwali lana si maṉa na Wane ni Kotu kai ṉata sulia imole, ma ṉa era na kai tharu baita na kai akofia maalimae ki.