Jone 5:23 - Ṉa Alaofua Falu 1923 1949

²³ Fasi toa ni sui bana keki fare baita ana ṉa Kaluwane, talafana lau boo na keki fare baita ana ṉa Maka. Wane ne ai si fare baita ana ṉa Kaluwane, e ai si fare baita ana ṉa Maka ne arasi nia mai.

Jone 5:23 Referans Kwoze

I. Jone 2:23

Ni tei bana na ka sorea e dora bana ana ṉa Kaluwane, wane eri e ai ana ṉa Maka: wane na ka faamamanea ṉa Kaluwane ana ṉa Maka ni lau boo.

Luke 10:16

Wane na kai roṉoa ṉata lamulua kai roṉoa ṉata laku; ma wane na kai lalakwatai kamulua kai lalakwatai nau; ma wane na kai lalakwatai nau kai lalakwatani nia ne arasi nau mai.

II. Jone 1:9

Ni tei bana na ka lae tatha me ai si to ana kwaifamanatai la tha Christ, tha God ka ai faisi nia: wane na ka to ana kwaifamanatai la tha Christ, ana ṉa Maka bia ṉa Kaluwane lau boo.

Mathui 11:27

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Hibaru ki 1:6

Ma ta si lau si maṉa ne tolea mai ulunao eri uria fanua nei iano ka sorea, Ma aini angel tha God ki ka sui bana keki faabaita nia.

Efesasi 6:24

Lea la kai to bia toa eki sui boo na kera liothau ana Lord kulu tha Jesus Christ asi lio ne ai si fufuraa. Emeni.

II. Pita 3:18

Ma muki sukwai alaa ana lea la ma thaitoomana lana Lord kulu ne faamaruki kulu, tha Jesus Christ. Keki fare inoto ani nia si maṉa eri ma toto si sui. Emeni.

Roma 8:9

Ma ni kamulua do ana see imole e ai, do atha Spirit, mada sa Spirit tha God ni ani kamulua. Ma mada sa Spirit tha Christ ka ai faisia ta wane, wane eri do nia e ai dodoloa.

I. Korinitha 10:31

Mania mada sa muki faṉa, mado muki kuu, mado atona bana ta si do na muki ilia, muki ilia bamulua ifana inotoa tha God.

Roma 6:22

Ma si maṉa eri na kera adea na muka tonee to faisia abula taa la, ma kamulua toa ni ra la atha God, mulu rikia foee do kamulua ana faaabu lamulua la, ma gwauna na ṉa marukia tatha.

Jone 16:14

Nia kai faainoto nau: uria nia kai ṉali asi do nau ki, ma kai fatai nia isamulua.

I. Korinitha 6:19

Mado musi thaitoomana na seemulua na biu tha Spirit Abu na kai to ani kamulua, na mulu ṉali nia ita mai atha God? ma kamulua do kamulua i ta laamulua e ai;

Mathui 12:21

Ma Jenetaele ki toto keki manatatoo ṉado uria si do ne lea ana thatana.

II. Timothi 1:12

Ma sulia si do eri lau boo ku to ana taa la eki: sui e ai kwasi seenoni; uria nau ku thaitoomana ni nia na nau ku fitoona sui, ma nau ku thaitoomana boo na nia e sukwai fasi kai beta si do nau ku takofale nia ania maakwalia fa boṉi eri.

II. Korinitha 13:14

Lea la tha Lord Jesus Christ, ma liothau la tha God, ma kwaimani lea la atha Spirit Abu, kai to bi kamulua sui boo. Emeni.

II. Korinitha 5:19

Ma kwaimani la eri nania, tha God e to atha Christ ka ilia na toa na fanua nei iano kai kwaimani lau bi nia, ka ai si alaṉi kera ana abula garo la kera ki, me takofalea si baea sulia kwaimani la eri ani kamilia.

II. Korinitha 1:9

Iu, ni kamilia manatamilia i talaamilia sa miki mae, fasi e ai misi tala fitoomilia i talaamilia, miki fitoona tha God na kai tataea toa mae ki:

I. Korinitha 1:3

Lea la iamulua ma enenoa ita atha God na Maka kulu ma atha Lord Jesus Christ

Jone 14:1

I la ruruumulua si tataa: mulu fitoona tha God, fitooku lau boo.

Mathui 10:37

Wane na kai liothau ana maka nia mado thainana ka tatha ani nau e ai si faraku; ma wane na kai liothau ana kaluwane nia mado thari nia ka tatha ani nau e ai si faraku.

Fa Ṉu Abu ki 2:12

Nonoia Kaluwane eri, ada ka rakeiri, ma keki bii labatai teefau bonaa ani kamulua faisia tala, si maṉa na kera soonia ta kasi era fafaekwa mena ana rakeiria nia. Lea iada, toa eki sui bana na kera takofale kera iana.

II. Korinitha 5:14

Sulaania liothau la tha Christ ka suuwai kamilia; uria na manatamilia e unei, na tee nonii Wane e mae uria toa ni sui bana, mania toa eri sui bana kera mae bonaa;

I. Korinitha 16:22

Mada sa ta wane ka ai si liothau bana atha Lord Jesus Christ, keki alua taa la fafi nia. Ṉa Lord kulu ni karaṉi mai.

Roma 15:12

Ma ta si lau, tha Aisaia e sorea, Laila na tha Jesi kai to bana, Ma Wane eri na kai tae mai fasi kai inoto fafia Jenetaele ki; Jenetaele ki keki manatatoo ṉado uri nia.

Roma 1:7

Isana toa nai Roma ki sui bana, na tha God e liothau ani kamulua, toa abu ne aili kamulua mai: Lea la iamulua ma enenoa ita mai atha God na Maka kulu ma tha Lord Jesus Christ.

Jone 17:10

Ma do nau ki ni sui bana do oe ki, ma do oe ki do nau ki: ma kera faainoto nau ani kera.

Mathui 28:19

Mania muki lae, muki to’oa si do ki isana kulee toa ki sui bana, muki babataesi kera ana thatana ṉa Maka ma ṉa Kaluwane ma tha Spirit Abu:

II. Pita 1:1

Saimona Pita, wane ni ra tha Jesus Christ ma aposela nia, isana toa eki na kera fulatoona fitooa ne ’uria fitooa inoto kamilia eri na ni ana kokoto la God kulu ne faamaruki kulu, tha Jesus Christ:

Mathui 15:8

Toa nai keki fare baita iaku ana ṉiduda bana; Ma ruruude ni da faisi nau.