Jone 5:20 - Ṉa Alaofua Falu 1923 1949

²⁰ Uria na ṉa Maka e liothau ana ṉa Kaluwane, ma ka fatai nia si do ki sui bana isana na nia talani nia kai ilia: ma si ra ki ne baita ka tatha ana do eki toto kai fatai nia isana, fasi muki kwele.

Jone 5:20 Referans Kwoze

Jone 3:35

Ṉa Maka ka liothau ana Kaluwane nia, me falea si do ki sui bana i abana.

Mathui 3:17

Ma lio fasi, liṉana tee ṉata la too mai thalo lo ki, ka una eri, Kaluwane liliothaua nau funia; e lea iaku uri nia.

II. Pita 1:17

Uria ne ṉalia atha God na Maka fare baita la ma inotoa, si maṉa na liṉana ṉata la e sifo mai i inotoa baita ka tatha, ne una eri, Kaluwane liliothaua nau fu nia, e lea iaku uri nia:

Jone 17:26

Ma nau ku fafaaroṉo kera ana thatamu, ma kwai faaroṉo kera ania; fasi liothau la eri no liothau iaku kai to ani kera, ma ni nau ani kera.

Jone 15:15

E ai kwasi alaṉi kamulua lau ana wane ni ra ki; uria na wane ni ra e dora asi do na wane inoto nia ka ilia: nau ku alaṉi kamulua ana toa na muki ado bi nau; uria na si do ki sui bana na nau ku roṉoa ana Maka nau nau ku faaroṉo kamulua ania.

Jone 14:12

Mamana, mamana, ku soree isamulua, Wane na kai fitooku, ra ni nau kwai ilidaki nia toto kai ilia lau boo; ma ra ne baita ka tatha ana do eki nia kai ilia; uria ni nau kwai lae isana Maka nau.

Jone 10:32

Tha Jesus e luuda, ka una eri, Ra oro lea ki ne ita ana Maka nau ku fatai nia naa isamulua; nifenia si ra ana ra eki muki ufauku fafia?

Jone 5:29

Ma keki kotho i maa; toa na kera ilia si do ne lea, keki tatae ana marukia: ma toa na kera ilia si do ne taa, keki tatae ana kotu la.

Jone 5:25

Mamana, mamana, ku soree isamulua, Si maṉa eri karaṉi na mai, ma ka fula naa, na toto toa mae ki keki roṉoa ṉata lana Kaluwane tha God; ma toa na keki roṉoa keki maruki.

Jone 5:21

Uria talafana ṉa Maka ka tataea toa mae ki ma ka faamarukida, alafana lau boo ṉa Kaluwane ka faamarukia ni tei bana ne thathamia.

Jone 1:18

E ai ta wane si rikia tha God ana ta si maṉa: tee fa Kaluwane eri, na ni ruruuna ṉa Maka, nia e fatai nia.

Luke 10:22

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Mathui 17:5

Si maṉa na nia kai ṉata u bana, rikia fasi, si datha iriroa ka nunufida: ma rikia fasi, liṉana si ṉata la e too mai la datha eri, ka una eri, Kaluwane liliothaua nau fu nia, e lea iaku uri nia; muki roṉoa ṉata lana.

Mathui 11:27

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Mathui 4:8

Sui lau, tha devil ka tole nia alaa uria gwauna gwa tolo ne fane da ia, ma ka fatai nia tooa ki sui bana ana fanua nei iano isana, bia inotoa na ana do eki;