Jone 5:19 - Ṉa Alaofua Falu 1923 1949

¹⁹ Mania tha Jesus e luuda, ka soree isada, Mamana, mamana, ku soree isamulua, Na Kaluwane e ai si sukwai ana ili lana ta si do i talaana, talitoona bana si do nia rikia ṉa Maka kai ilia: uria na atona bana si do ni nia ka ilia, si do eki ṉa Kaluwane kai ili una eri ania lau boo.

Jone 5:19 Referans Kwoze

Jone 12:49

Uria ni nau e ai kwasi ṉata asi do i talaaku; ṉa Maka ne arasi nau mai, nia e faaroṉo nau mai asi do nau kwa sorea, ma kwa ṉata sulia.

Jone 8:28

Mania tha Jesus e soree isada, Lalae muka tafoa naa Kaluwane imole, muki bii thaitoomana na nau ku to bakua, ma muki thaitoomana lau boo na nau e ai kwasi ilia ta si i talaaku, talafana si do Maka nau e tooa isaku, ku sorea si do eki.

Jone 14:10

Osi fitoo na nau ku ni ana ṉa Maka, ma ṉa Maka ni ani nau? si baea eki na nau ku soree isamulua kwasi sorea i talaaku: ṉa Maka ana na ni ani nau kai ilia ra nia ki.

Jone 10:18

E ai ta imole si ṉalia faisi nau, nau talani nau ku falea. Sukwaia ni isaku fasi kwa falea, bia fasi kwa ṉalia lau. Si do na Maka nau e faaroṉo nau mania nai nia.

Roma 8:11

Ma mada sa Spirit ni nia ne tataea tha Jesus faisia toa mae ki kai to ani kamulua, nia ne tataea tha Christ faisia toa mae ki kai faamarukia lau boo ana Spirit nia ne to ani kamulua seemulua na toto keki mae.

Jone 9:4

Nau kwai ra e ai si ei boo ana ra nia ki na arasi nau mai, si maṉa kai dani: fanua toto kai rodo, si maṉa ne ai ta wane si thaitoomana ra la.

Luke 21:15

Uria nau kwai falea ta fokee imole bia liotooa ifamulua, na maalimae kamulua ki sui boo toto keki dora ana luu lana ma suusi lana.

Jone 5:21

Uria talafana ṉa Maka ka tataea toa mae ki ma ka faamarukida, alafana lau boo ṉa Kaluwane ka faamarukia ni tei bana ne thathamia.

II. Korinitha 5:10

Uria na toto keki fatai kulu sui, e ai si ei boo, inaona do ni ono la tha Christ na Wane ni kotu; fasi kuka ṉalia, ta imole u boo i talaana ma ta imole u boo i talaana, si do na kai duua asi do ne ilidaki maṉa ne toto i seena imole, do lea mado do taa.

GENESIS 1:26

Ma tha God ka una eri, Kulu thauwai nia imole sulia nuukulua i talaakulua, riki lana kai ’uri kulu: ma keki inoto fafia gwa i’a na i amali ki, ma fafia thaaro i mamatalea ki, ma fafia katele ki, ma fafia fanua na i iano ka sui bana, ma fafia do eki sui bana na keka aṉo ifafona fanua na i iano.

Jone 3:3

Tha Jesus e luua, ka soree isana, Mamana, mamana, ku soree isamu, Mada sa ta wane si futa lau iburi, nia sa ka rikia tooa tha God e ai.

Fa Ṉu Abu ki 138:3

Afa boṉi eri na nau ku ’ai thatamu na ba, o luu nau, o faasukwai nau ana sukwaia i maṉoku.

Fa Ṉu Abu ki 50:6

Ma thalo lo ki kai fatai nia kokoto la nia; uria na tha God, talani nia, kai ṉata oolo. (Totoo fasi.)

GENESIS 1:1

Ana thafali lana si do ki tha God e thauwai nia thalo lo ma fanua ne i iano.

Si do na kera fatai nia 2:23

Ma nau kwai thauṉia wela nia ki keki mae; ma figua eki sui bana keki thaitoomana nau ni nia na ku rofe i manatana imole ki ma i ruruuda: ma nau kwai falea si do na kai duua si ra kamulua ki fani kamulua sui, ta imole si ei.

I. Pita 3:18

Uria na tha Christ lau boo ana tee fa to la ana taa la uria abula taa la ki, Wane kokoto uria toa na kesi kokoto, fasi nia kai tole kulu isatha God; uria na kera thauṉia seena, ma sui kera faamaruki nia atha Spirit;

Kolose 1:16

Sulaania kera thauwai nia si do ki sui bana ani nia, si do nai thalo ki ma i fanua nei iano, si do na kera rikidaki ma si do eki ne to bana ma kesi rikia, do ni ono la ana inotoa ki mado toa gwauwai ki mado toa inoto ki mado toa sukwai ki; kera thauwai nia si do ki sui bana ani nia, ma ifana;

Filifae 4:13

Ku talaana ili lana si do ki sui bana atha Christ na ka faasukwai nau mai.

Filifae 3:21

Na kai taala seedo eri ana thafee to faekwa lakulua, kai lioe seedo ana inotoa nia, sulia sukwaia na nia sukwai ania ma kai talaana alu lana si do ki sui bana kai roo suli nia.

Efesasi 3:16

Fasi, sulia si do eki na nia kai rikii do ania uria faainoto lana, nia kai falea si kula eri ifamulua keki faasukwaia wane nai ruruumulua ana sukwaia ana Spirit nia;

Efesasi 2:5

Si maṉa na kulu mae naa mena uria ade garo lakulua ki, e faamaruki kulu ofu bia tha Christ (ana lea la kera faamaruki kamulua),

II. Korinitha 4:14

Uria na mili thaitoomana ni nia ne tataea tha Lord Jesus toto kai tatae kamilia lau boo bia tha Jesus, ma kai fatai kamilia bi kamulua.

I. Korinitha 15:12

Sui mada sa kera faaroṉo atha Christ na kera tataea naa faisia toa mae ki, ka ufita na tei toa iamulua kera sorea ne ai bana ta tatae la ana toa mae ki?

Roma 6:4

Mania kera kwaiṉei kulu ofu bi nia ana babataesi la eri ana maea: fasi talafana na kera tataea tha Christ faisia toa mae ki uria inotoa ṉa Maka, alafana lau boo ni kulu kuka abula ana marukia ne falu.

Si do Aposela ki kera ilidaki 2:24

Wane na tha God e tataea, buriana ne luke nia faisia fiwela la ana maea: uria ne afetai ka tatha sa do eri kai rau ṉado ani nia.

Jone 2:19

Tha Jesus e luuda, ka soree isada, Muki ogea biu tha God nania, ma nau kwai kasia lau ana ulu fa boṉi.

I. Thesalonika 4:14

Sulaania mada sa kulu faamamanea na tha Jesus e mae me tatae lau, talafana lau boo toa na kera biṉa atha Jesus tha God kai toleda mai bi nia.

Kolose 1:11

Keki faasukwai kamulua ana sukwaia faamau, sulia rigita la inoto nia, uria si lio ni susuu ṉado la ma uria si lio ni doanita tatha la bia seethathala la;

Fa Ṉu Abu ki 27:14

Oko maasia tha Jihova: oko sukwai; i la ruruumu oko seeraraa; iu, oko maasia boo tha Jihova.

Mathui 26:39

Ma nia ka lae kau uria tee si kula karaṉi bana, ka aru fafia maana, ma ka foa, ka una eri, Maka nau ae, mada sa kera talaana, titiu nei kei tatha nana faisi nau: sui, uria bana nau ku thathamia e ai, mamana lana ni oe.

Jone 6:38

Uria nau ku sifo mai faisia thalo, uria ili lana si do nau ku thathamia i talaaku e ai, uria ili lana si do nia ne arasi nau mai e thathamia.

Jone 12:50

Ma nau ku thaitoomana si ṉata fifi nia ṉa marukia tatha: mania si do eki nau ku ṉata sulia, alafana ṉa Maka e soree isaku, una eri lau boo nau kwai ṉata.