Jone 4:36 - Ṉa Alaofua Falu 1923 1949

³⁶ Ma wane na kai kasia kai ṉalia foli lana, ma kai ofua foee do uria marukia tatha; fasi wane ne fasia ma wane na ka kasia keko ofu mai ana seethathala la.

Jone 4:36 Referans Kwoze

Roma 1:13

Ma nau ku lalakwa na musi thaitoomana, doora kera, na ruruuku e thathamii lae kau isamulua asi maṉa oro ki bana (ma kera suusi nau faisia ka fula asi maṉa eri), fasi kwai alua tei foee do ani kamulua lau boo, ’uria lau boo ana Jenetaele ki sui bana.

Roma 6:22

Ma si maṉa eri na kera adea na muka tonee to faisia abula taa la, ma kamulua toa ni ra la atha God, mulu rikia foee do kamulua ana faaabu lamulua la, ma gwauna na ṉa marukia tatha.

I. Timothi 4:16

Oki beta suli oe, ma sulia kwaifamanatai lamu. Oki ra ṉado asi do eki; uria na si maṉa oki ade una eri oki faamaruki oe i talaamu bia toa na kera roṉoa ṉata lamu lau boo.

I. Thesalonika 2:19

Sulaania ta na ṉa do na miki manatatoo ṉado uria, mado do na miki seethathala ania, mado do ni eregwau la na miki faabaita kamilia fafia? Ta na sa ni kamulua inaofana Lord kulu tha Jesus ana fula lana mai, mado?

Mathui 19:29

Ma ni tei ne akwasia maafera ki, mado doorana kera, mado waiwaena nia ki, mado maka nia, mado thainana, mado wela ki, mado oole ki, inunufana thataku, toto kai ṉalia tee taleṉee do fuliṉana do ne akwasidaki, ma kai fulatoona marukia tatha.

Jone 3:36

Wane na kai fitoona ṉa Kaluwane ana marukia tatha; ma wane ne ai si ade sulia ṉa Kaluwane toto si rikia marukia, ma rakeiria tha God kai to bana fafi nia.

Jone 4:14

Ma ni tei bana na kai kuu ana kafo ni nau kwai falea ifana liona sa ka lalaṉa lau tai si maṉa e ai; kafo eri na nau kwai falea ifana kai ni ruruuna ’uria ta ruka‐mauri kai tae mai ana marukia tatha.

Jone 5:24

Mamana, mamana, ku soree isamulua, Wane na kai roṉoa bae laku, ma kai fitoona nia ne arasi nau mai, ana marukia tatha, ma Wane ni Kotu toto ka ai si ṉata suli nia, me tatha naa faisia maea uria marukia.

Roma 2:7

Ifana toa eki na kera rofe, asi lio ni susuu ṉado ana ili lana lea la, uria inotoa ma fare baita la ma si do na toto si fufura, kai falea marukia tatha:

Roma 6:23

Sulaania na foli lana abula taa la ṉa maea; ma si do na tha God e tona falea bana na ṉa marukia tatha ni atha Christ Jesus na Lord kulu.

I. Korinitha 9:17

Sulaania mada sa ni nau talani nau na ku thathamii ilia, kwaiara nau kai to bana ifaku: sui mada sa ni nau e ai na ku tala thathamia, ra kera na kera takofale nau ania neri.

I. Korinitha 9:18

Ma kwaiara nau na ṉa ta? Nia nei, na si maṉa na nau ku ṉata sulia si faaroṉoa lea, nau kwai ilia na kwai tona falea si faaroṉoa lea tha Christ, adedea sukwaia nau eri asi faaroṉoa lea e ai si ooga nau faamau.