Jone 4:11 - Ṉa Alaofua Falu 1923 1949

¹¹ Kini eri ka soree isana, Arai ena ae, oe e ai amua ta do ni ufi lana kafo, ma malaui kafo nei ka sifo ladoa: sui ifei noki ṉalia mai si kafo ana marukia eri iei?

Jone 4:11 Referans Kwoze

I. Korinitha 2:14

Ma wane mala fanua nei iano sa ka ala fafia si do Spirit tha God ki e ai: sulaania nia alaṉia ana oewanea la; ma nia dora ana thaitoomana lana, uria na tha Spirit ana ka ṉata mala wane ni kotu sulia si do eki.

Jone 3:4

Tha Nikodimasi ka soree isana, Wane ne arai naa kai futa ufita lau? kai kotho lau i rakena thainana, fasi kai futa?

Jone 4:14

Ma ni tei bana na kai kuu ana kafo ni nau kwai falea ifana liona sa ka lalaṉa lau tai si maṉa e ai; kafo eri na nau kwai falea ifana kai ni ruruuna ’uria ta ruka‐mauri kai tae mai ana marukia tatha.

Jone 7:37

Ma afa boṉi iisi, fa boṉi baita ana fafaṉa eri, tha Jesus e takwe, ka ’ai, ka una eri, Mada sa ta wane lione lalaṉa, kai lae mai isaku, kai kuu ana.

Si do Aposela ki kera ilidaki 10:14

Ma tha Pita ka sorea, E ai, Lord; uria nau kwasi aania u si do ne ai si lea ma si do ne sua.

Si do na kera fatai nia 7:17

Uria ṉa Lama na ni la do ni ono la ana inotoa eri kai fono toi kakali kera, ma kai talai kera uria ruka‐mauri eki asi kafo ana marukia: ma tha God kai usua kafona maada ka sui bana ka ai naa faisia maada.

Si do na kera fatai nia 21:6

Ma nia ka soree isaku, Si baea eki e mamana naa. Nau ṉa Alafa ma ṉa Omega, ṉa thafali la ma ṉa susui la. Nau kwai tona falea ana ruka‐mauri asi kafo ana marukia ifana wane lione lalaṉa.

Si do na kera fatai nia 22:1

Ma nia fatai nia tee kafo isaku asi kafo ana marukia, ne thathaulia uria fau niniu, ne maṉo mai ana do ni ono la tha God ma ṉa Lama ana inotoa,

Si do na kera fatai nia 22:17

Ma tha Spirit ma ṉa kini seelea keko sorea, Oki lae mai. Ma wane na kai roṉoa, kai sorea, Oki lae mai. Ma wane na lione lalaṉa, kai lae mai: ma ni tei bana ne thathamia, kai tonee ṉalia si kafo ana marukia.