Jone 4:10 - Ṉa Alaofua Falu 1923 1949

¹⁰ Tha Jesus e luua, ka soree isana, Mado so thaitoomana si do na tha God ka tona falea bana, ma ni tei na kai soree isamu, Falea mai, kwai kuu; ni oe oki gani nia, ma ni nia kai falea si kafo ana marukia iamu.

Jone 4:10 Referans Kwoze

Jone 4:14

Ma ni tei bana na kai kuu ana kafo ni nau kwai falea ifana liona sa ka lalaṉa lau tai si maṉa e ai; kafo eri na nau kwai falea ifana kai ni ruruuna ’uria ta ruka‐mauri kai tae mai ana marukia tatha.

Si do na kera fatai nia 7:17

Uria ṉa Lama na ni la do ni ono la ana inotoa eri kai fono toi kakali kera, ma kai talai kera uria ruka‐mauri eki asi kafo ana marukia: ma tha God kai usua kafona maada ka sui bana ka ai naa faisia maada.

Si do na kera fatai nia 21:6

Ma nia ka soree isaku, Si baea eki e mamana naa. Nau ṉa Alafa ma ṉa Omega, ṉa thafali la ma ṉa susui la. Nau kwai tona falea ana ruka‐mauri asi kafo ana marukia ifana wane lione lalaṉa.

Jone 3:16

Uria na tha God e liothau una eri ana fanua nei iano, nia ka falea mai tee fa Kaluwane nia, fasia ni tei bana na kai fitoona ka ai si sui, ma kai to ana marukia tatha.

Si do na kera fatai nia 22:17

Ma tha Spirit ma ṉa kini seelea keko sorea, Oki lae mai. Ma wane na kai roṉoa, kai sorea, Oki lae mai. Ma wane na lione lalaṉa, kai lae mai: ma ni tei bana ne thathamia, kai tonee ṉalia si kafo ana marukia.

Roma 8:32

Nia ne ai si suusia taa la faisia Kaluwane nia i talaana, me alamatania uri kulu sui, e ai si tona falea bana si do ki sui bana iakulua bi nia?

I. Korinitha 10:4

Ma kera sui kera ku’u ana tee kafo tha Spirit: uria na kera kukuu ana gwa fau tha Spirit ne lae iburiada: ma gwa fau eri na tha Christ.

Jone 6:35

Ma tha Jesus ka soree isada, Nau na berede ana marukia: imole na kai lae mai isaku sa ka thaofa e ai, ma imole na kai fitooku liona sa ka lalaṉa lau e ai.

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Jone 6:51

Nau na berede maruki na ku sifo mai faisia thalo: mada sa ta wane kai ania ta si ana berede nei, nia kai maruki toto si sui: ma berede na nau kwai falea na ṉa seeku, na nau kwai falea ifana marukia toa na fanua nei iano.

Fa Ṉu Abu ki 46:4

Kafo baita kai to bana, ka mataṉa ana tabii kafo ki na kai faaseethathala toaa susu tha God, si kula abu ana biui‐maku eki ni Nia ne Inoto ka Tatha.

II. Korinitha 9:15

Sore lea la ifatha God maana si do ne tona falea na ṉata lana imole si sukwai ana faaroṉo la ania.

Luke 11:13

Mania mada sa ni kamulua, toa na mulu taa, muki thaitoomana fale lana si do lea ki na keki tona falea ifana wela kamulua ki, ta na sa fale la ne tatha na Maka kamulua kai fale ana Spirit Abu ifana toa na keki gani nia, mado?

Efesasi 2:8

Sulaania ana lea la kera faamaruki kamulua uria fitooa; ma fitooa eri do ita mai ani kamulua e ai: si do na tha God e tona falea neri:

I. Korinitha 1:30

Ma ni kamulua mulu ita mai ani nia atha Christ Jesus, na kera alu nia kai liotooa ifakulua ita mai atha God, ma kokoto la ma faaabu la, ma tae la faisikulu:

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Jone 16:3

Ma si do eki toto keki ilia iamulua, uria na kera dora ana ṉa Maka, ma ni nau.

Si do Aposela ki kera ilidaki 9:11

Ma ṉa Lord ka soree isana, Oki tatae, oki lae uria tala eri na kera alaṉia ana Kokoto, ma oki soetoona toa nai biu tha Judasi uria tee wane i Tasasi, thatana tha Solo: uria rikia fasi, wane eri kai foa;

Fa Ṉu Abu ki 10:17

Jihova ’ae, o roṉoa naa si do na toa na keka abula marabibi kera thathamia: oki thathaia ruruuda, oki adea aliṉamu ka roṉoi:

Hibaru ki 6:4

Uria na sulia toa eki na kera toto i la lalaa la ma kera ṉalia ta si asi do na kera tona falea i thalo mai, ma ada ta si atha Spirit Abu,