5 Tha Jesus e luua, ka una eri, Mamana, mamana, ku soree isamu, Mada sa ta wane si futa ana kafo bia tha Spirit, nia sa ka kotho ana tooa tha God e ai.
Ma tha Pita e soree isada, Muki akeletania manatamulua, ma keki babataesi kamulua, ta wane iamulua si ei, ana thatana tha Jesus Christ uria doanita la ana abula taa la kamulua ki; ma muki bii ṉalia si do na kera tona falea na tha Spirit Abu.
Ma kafo eri ana tarifula mamana kai faamaruki kamulua si maṉa eri lau boo, na babataesi la neri, tau lana seena imole faisia si do na ka faataalia e ai, ṉa rofe la uria si lio ne lea uria tha God, ana tatae lana tha Jesus Christ;
Ma tei toa iamulua mulu una eri inao: ma sui kera faasiufi kamulua, ma sui kera faaabu kamulua, ma sui kera ala fafia kokoto la kamulua, ana thatana tha Lord Jesus, ma ana Spirit God kulu.
Nau ku babataesi kamulua boo ana kafo uria manata akele la: ma ni nia na kai lae mai buriaku e sukwai ka tatha iaku, na butu nia ki e ai kwasi farana ṉali lana: nia kai babataesi kamulua atha Spirit Abu bia era:
Na kera fili kamulua sulia si do na tha God na Maka e thaitoomana totonao, ana faaabu lamulua la atha Spirit, uria ade la sulia ṉata lana ma uria taṉasi lamulua la ana abuna tha Jesus Christ: Lea la ma enenoa kai oro alaa iamulua.
Mania muki akeletania manatamulua, ma muki akele buri, fasi keki usua abula taa la kamulua ki, fasi maana si do eri si maṉa ana faalea lakulua la ki kai thafali mai asi kula na ni inaofatha Lord;
Uria ku soree isamulua, Mada sa kokoto la kamulua e ai si talua kokoto la wane ni kekeda ki bia Farisi ki, kamulua e ai dodoloa muki kotho ana tooa i thalo.
Nifenia wane ana ro wane eki ne ilia si do maka nia e thathamia? Keka sorea, Wane inao. Tha Jesus ka soree isada, Mamana ku soree isamulua, wane eki na kera ṉalia takisi ki bia sesele eki keki lae ana tooa tha God inaomulua.
Ma mada sa tee bali maa oe kai faataofai oe, oki lafua: do e lea iamu oki fulatoona tooa tha God fafia ta tee maa, e ai si lea na amua ta ro maa ma keki u ani oe i la era i hell;
Ma si maṉa na tha Jesus e rikia, ka taa faamau iana, ma nia ka soree isada, Alamatania kala wela keka lae mai isaku; ma musi lufida: uria na toa na kera ’urida kera ni ana tooa tha God.
Ma si do nau ku sorea neri, doora kera, na mariko ma abu e ai si talaana fulatoona lana tooa tha God; ma do na toto kai fufuraa ka ai si fulatoona si do na kai toto ka ai si fufuraa.