Jone 3:34 - Ṉa Alaofua Falu 1923 1949

³⁴ Uria na wane na tha God e arasia mai kai ṉata asi baea tha God ki: uria si maṉa ne falea tha Spirit e ai si fale faekwa ania.

Jone 3:34 Referans Kwoze

Si do Aposela ki kera ilidaki 10:38

Sulia tha Jesus, Wane i Nasaretha, na tha God e kiki nia ana gwai, ma gwai eri tha Spirit Abu ma sukwaia: ne liu fafia ili lana si do lea ki, ma ka faamarukia toa eki sui boo na tha devil e malataa anida; uria na tha God e to bi nia.

Jone 15:26

Ma lalae nia na kai faainamaruki kamulua e fula naa, na nau kwai arasia mai isamulua ka ita ana ṉa Maka, na Spirit mamana, na kai ita mai ana ṉa Maka, nia kai faamamanea si do ne thaitoomana suli nau.

Mathui 12:18

Rikia fasi, wane ni ra nau na nau ku filia; Wane liliothaua nau ne lea i ruruuku uri nia: Kwai alua Spirit nau fafi nia, Ma nia kai faaroṉoa Jenetaele ki ana kotu kokoto.

Kolose 2:9

Sulaania si do eki sui bana na ni atha God e to ana seena Wane eri,

Jone 5:26

Sulaania talafana ṉa Maka marukia ni ani nia i talaana, alafana lau boo nia e falea si kula eri ana ṉa Kaluwane lau boo na marukia kai ni ani nia:

Luke 4:18

Spirit tha Lord ni fafi nau, Uria nia e gwai nau uria ṉata la sulia si faaroṉoa lea isana toa na kesi rikii do: Nia e arasi nau mai uria faamaruki lana toa liode dila faamau, Uria ’ai kwaitalofi la ana to laa la isana toa na omea e lauda, Ma ade lana imole maane rodo ka lio, Uria faaseelaa lana toa na kera kwae tataria anida,

Kolose 1:19

Sulaania ṉa Maka e thathamia na nia kai fuṉu asi do lea ki sui bana;

Roma 8:2

Sulaania ṉa lo ana ṉa Spirit ana marukia atha Christ Jesus e adea kwa tonee to faisia ṉa lo ana abula taa la ma maea.

Jone 7:16

Tha Jesus e luuda, ka sorea, Kwaifamanataia nau do nau e ai, kwaifamanataia nia ne arasi nau mai.

Jone 3:17

Uria na tha God e ai si arasia mai Kaluwane nia uria fanua nei iano fasi kai ṉata mala wane ni kotu sulia toa na fanua nei iano e ai; fasi kai faamarukida bana.

Jone 1:16

Uria ni nia e fuṉu, ma kulu sui kuka ṉalia ta si asi do nia ki, ma lea la fafona lea la.

Efesasi 3:8

Ni nau, wane nai buri bonaa buriana wane nai buri ana toa abu eki sui bana, kera falea lea la eri iaku, kwai ṉata isana Jenetaele ki sulia si do lea tha Christ ki na kesi talaana rofe lana maalutana;

Jone 8:47

Wane tha God kai roṉoa bae lana tha God: ma sulia si kula eri musi roṉoa, uria na kamulua do tha God e ai.

Si do na kera fatai nia 22:1

Ma nia fatai nia tee kafo isaku asi kafo ana marukia, ne thathaulia uria fau niniu, ne maṉo mai ana do ni ono la tha God ma ṉa Lama ana inotoa,

Jone 16:7

Una ena mena ku faaroṉo kamulua asi do mamana; Do e lea ifamulua na nau kwai lae: uria na mada sa kwasi lae, nia na kai faainamaruki kamulua sa ka lae mai isamulua e ai; sui mada sa kwa lae, kwai arasi nia mai isamulua.

Si do na kera fatai nia 21:6

Ma nia ka soree isaku, Si baea eki e mamana naa. Nau ṉa Alafa ma ṉa Omega, ṉa thafali la ma ṉa susui la. Nau kwai tona falea ana ruka‐mauri asi kafo ana marukia ifana wane lione lalaṉa.

Jone 8:40

Ma mulu rofe si maṉa eri uria thauṉi laku, wane na ku faaroṉo kamulua asi do mamana, na nau ku roṉoa atha God: tha Aberahamo e ai si ade una eri.

Fa Ṉu Abu ki 45:7

O liothau ana kokoto la, mo rikia abula la asi do kera lufia ka taa: mania tha God, na God oe, e kiki oe asi gwai ana seethathala la, oki tatha inaona toa na kera to ofu bi oe.

Si do Aposela ki kera ilidaki 1:2

Ka fula afa boṉi eri na kera tae fafi nia, buriana ne falea si ṉata fifi nia atha Spirit Abu isana toa eki ne filida ana aposela ki: