Jone 3:32 - Ṉa Alaofua Falu 1923 1949

³² Ma si do ne rikia naa me roṉoa, do nia faamamanea neri: me ai ta wane si faamamanea si do nia sorea.

Jone 3:32 Referans Kwoze

Jone 3:11

Mamana, mamana, ku soree isamu, Kamilia miki ṉata sulia si do na mili thaitoomana, ma miki faamamanea si do na mili rikidaki naa; ma musi faamamanea si do na miki sorea.

Jone 15:15

E ai kwasi alaṉi kamulua lau ana wane ni ra ki; uria na wane ni ra e dora asi do na wane inoto nia ka ilia: nau ku alaṉi kamulua ana toa na muki ado bi nau; uria na si do ki sui bana na nau ku roṉoa ana Maka nau nau ku faaroṉo kamulua ania.

Jone 1:11

E lae mai isana do nia ki, ma toa nia ki kesi thathagoni nia.

Jone 8:26

Do oro ni u fasi kwai ṉata ania ma kwai sorea mala wane ni kotu suli kamulua: sui nia ne arasi nau mai e mamana; ma si do nau ku roṉoa ani nia, si do eki kwai ṉata sulia isana toa na fanua nei iano.

Jone 5:20

Uria na ṉa Maka e liothau ana ṉa Kaluwane, ma ka fatai nia si do ki sui bana isana na nia talani nia kai ilia: ma si ra ki ne baita ka tatha ana do eki toto kai fatai nia isana, fasi muki kwele.

Jone 3:33

Wane ne faamamanea si do nia sorea e safua si do nei, na tha God e mamana.

Jone 3:26

Ma kera fula isatha Jone, keka soree isana, Rabae ae, wane ba ne toto isamu ibali laba i Jodana na ba, wane no faamamanea si do no thaitoomana suli nia, rikia fasi, wane eri kai babataesi, ma toa eki sui boo keki lae mai isana.

Mathui 7:8

Sulia ni tei na kai gani kai ṉali; ma wane na kai rofe kai rikia; ma wane na kai kikidi keki ifi uri nia.

Jone 18:37

Mania tha Paelate e soree isana, Oe na kiṉa nania? Tha Jesus e luua, ka una eri, Oi sorea na nau ṉa kiṉa. Si do eri kera kwalafi nau uria, ma si do eri nau ku lae mai uria ana fanua nei iano, fasi kwa faamamanea si do nau ku thaitoomana sulia mamana la eri. Ni tei ne mamana kai roṉoa liṉana ṉata laku.