Jone 3:3 - Ṉa Alaofua Falu 1923 1949

³ Tha Jesus e luua, ka soree isana, Mamana, mamana, ku soree isamu, Mada sa ta wane si futa lau iburi, nia sa ka rikia tooa tha God e ai.

Jone 3:3 Referans Kwoze

II. Korinitha 5:17

Mania mada sa ta wane ni atha Christ, nia do falu: si do u inao ki ka sui naa; rikia fasi, si do ki sui bana e falu naa.

I. Jone 3:9

Ni tei bana ne futa atha God e ai si abubula taa lau, sulaania si lio ana Maka nia e to ani nia: ma nia dora ania abula taa la, sulaania nia futa atha God.

I. Jone 5:1

Ni tei bana na ka fitoo na tha Jesus na ṉa Christ e futa atha God: ma ni tei na ka liothau ana ṉa Maka kai liothau ana wela nia lau boo.

Taetasi 3:5

Asi ra ana kokoto la na kulu tala ilia e ai, ana tatakomia nia, e faamaruki kulu, ana do ni sisiu la ana thauwai falu la ma ana to lea la lau atha Spirit Abu,

Jone 1:13

Na kera futa ana abu e ai, mado uria na seena imole ka thathamia, mado uria na imole ka thathamia e ai, atha God bana.

I. Jone 2:29

Mada sa mulu thaitoomana na nia kokoto, muka thaitoomana ni tei lau boo na ka ilia kokoto la e futa ani nia.

I. Pita 1:3

Taṉo nia ne God na Lord kulu tha Jesus Christ ma Maka nia, na sulia tatakomia baita nia e kwalafi kulu lau uria manatatoo ṉado la ne maruki, ana tatae lana tha Jesus Christ faisia toa mae ki,

Galesia 6:15

Sulaania atha Christ Jesus kwai kakali la e ai si kwaiadomi, ma to lana toa kesi kwai kakali anida ka ai lau boo, talitoona boo thauwai falu la.

I. Jone 5:18

Kulu thaitoomana ni tei bana ne futa atha God e ai si abubula taa lau; ma wane eri ne futa atha God kai beta suli nia, ma tha Taa e ai si sua nia.

II. Korinitha 4:4

Toa eki god kada nei e faarorodoa manatana toa ana fitala la, fasi ṉa lalaa la na si faaroṉoa lea sulia inotoa tha Christ, na nuna tha God, ka ai si laa ifada.

Jone 12:40

Nia e faarorodoa maada, ma ka ilia ruruuda ka sadi; Ada mado e ai keka lio ana maada, ma keka thaitoomana ana ruruuda, Ma keka akele iburi, Fasi kwa faamarukida.

Efesasi 2:1

Me faafuṉu kamulua lau boo ana marukia nia, si maṉa na mulu mae naa sulia ade garo lamulua ma abula taa la kamulua ki,

Jone 1:5

Ma ṉa lalaa la eri kai laa i la maerodo; ma ṉa maerodo e ai si suusia.

Jemesi 3:17

Ma liotooa eri ne ita mai ia kai thathaulia totonao, sui kai eno, kai abula thathaore, kai thathamii falea si do na keki gania, kai fuṉu ana tatakomia ma asi foee do lea ki, oli susuua ka ai faisia, olodola la ka ai faisia.

Jone 1:51

Ma nia ka soree isana, Mamana, mamana, ku soree isamulua, Toto muki rikia thalo lo kai ifi, ma angel tha God ki keki tae kau ma keki sifo mai sulia ṉa Kaluwane imole.

Mathui 16:17

Ma tha Jesus e luua, ka soree isana, Lea iamu, Saimona, kaluwane tha Jona: uria na imole, do ana mariko bia abu, e ai ne fatai nia isamu, Maka nau ana ne ni mei thalo

Mathui 5:18

Uria mamana ku soree isamulua, Maṉa na thalo lo ma fanua nei iano si tatha u, tee kasi kula mado tee kasi kula ne faekwa asia boo e ai dodoloa so ka tatha faisia ṉa lo, kai maasia si maṉa na toto keki faamamanea naa si do ki sui bana.

Si do na kera fatai nia 3:14

Ma oki keda isana angel ana figua nai Laodisia; Si do eki ṉa Emeni e sorea, nia ne fitoo ma mamana ana faamamane lana si do ne thaitoomana, nia na si do na tha God e thauwanidaki sui bana ita mai ani nia:

Mathui 19:24

Ma sui lau ku soree isamulua, E sukani afetai ana kamela kai tatha i maana ogila, me afetai faamau ana wane ne rikii do kai kotho ana tooa tha God.

Mathui 21:31

Nifenia wane ana ro wane eki ne ilia si do maka nia e thathamia? Keka sorea, Wane inao. Tha Jesus ka soree isada, Mamana ku soree isamulua, wane eki na kera ṉalia takisi ki bia sesele eki keki lae ana tooa tha God inaomulua.

Mako 9:47

Ma mada sa tee bali maa oe kai faataofai oe, oki lafua: do e lea iamu oki fulatoona tooa tha God fafia ta tee maa, e ai si lea na amua ta ro maa ma keki u ani oe i la era i hell;

Mako 10:14

Ma si maṉa na tha Jesus e rikia, ka taa faamau iana, ma nia ka soree isada, Alamatania kala wela keka lae mai isaku; ma musi lufida: uria na toa na kera ’urida kera ni ana tooa tha God.

Jone 3:4

Tha Nikodimasi ka soree isana, Wane ne arai naa kai futa ufita lau? kai kotho lau i rakena thainana, fasi kai futa?

I. Jone 5:4

Uria atona bana ta do ne futa atha God si nia kai tatha ana fanua nei iano: ma si do na si nia kai tatha ana fanua nei iano, na fitooa kulu.