Jone 3:27 - Ṉa Alaofua Falu 1923 1949

²⁷ Tha Jone e luuda, ka sorea, Ta wane sa ka ṉalia ta si do e ai, mada se ai kesi falea iana i thalo mai.

Jone 3:27 Referans Kwoze

Jemesi 1:17

Si do lea ki sui bana na keka tona falea, ma si do ki sui bana na keka falea ne sukwai ka tatha, ka too mai ia, ma ka sifo mai ana ṉa Maka ana laafa ki, ne ai dodoloa si tatala, me ai ta nunui do si thu fafi nia uria bulasi lana.

I. Korinitha 4:7

Sulaania ni tei ne faabaita oe lau ana tei wane? ma ṉa ta asi do no rikidaki na kesi falea iamu? sui mada sa kera falea iamu, uria ta no faabaita oe i talaamu, uria sa kesi falea?

I. Korinitha 15:10

Sui ana lea la tha God nau ku fula asi do nau ku fulatoona: ma lea la nia ne falea mai iaku na ṉa tonee do e ai; nau ku ulafu ana ra ne oro ka tatha ani kera sui boo: ni nau e ai neri, lea la tha God bana na ni isaku.

Mathui 25:15

Ma nia ka falea ta lima taleda ifata wane, ta wane ta ro do, ma ta wane tee do; e fale sulaania si do na kera talaana ili lana; sui ka lae ana lae la nia.

I. Timothi 2:7

Sulia si do eri kera alu nau nau wane ni ṉaliṉata ma aposela (Nau ku ṉata mamana atha Christ, nau kwasi lole), wane ku kwaifamanatai isana Jenetaele ki ana fitooa ma mamana la.

Mathui 21:25

Babataesi la tha Jone, do ita mai ifei? i thalo lo mai mado ita mai ana imole? Ma kera ṉata uri kera i talaadalua, keka una eri, Mada sa kuka sorea, I thalo lo mai; nia kai soree isakulua, Sui uria ta na musi fitoona?

Roma 12:6

Ma uria na si do na kera tona faledaki iakulua e eeta ’uria lea la eri na kera falea ifakulua, mada sa kera falea ṉata la mala porofeta, kuki ṉata mala porofeta ana ṉata la na kai talaana fitooa kulu;

Mako 13:34

E ’uria ta wane kai to ni lae la ata fanua eeta, ne akwasia biu nia, ma ka alua toa ni ra nia ki kera toa keki gwauwai, ma ka talisia si ra ki faisida sui, ma ka faaroṉoa wane ni ifini lana biu kai to kai tharai.

Efesasi 1:1

Polo, aposela tha Jesus Christ sulia si do na tha God e thathamia, isana toa abu eki nai Efesasi, ma toa mamana eki atha Christ Jesus:

Galesia 1:1

Polo, ṉa aposela (aposela wane ki e ai, ma sulia wane ki ka ai lau boo, atha Jesus Christ ana, ma tha God na Maka, ne tataea faisia toa mae ki),

I. Korinitha 12:11

Ma si do eki sui bana tee Spirit eri boo ka ilia, kai toliṉia iakulua sulia si do ni nia kai thathamia.

I. Korinitha 3:5

Ṉa ta ni atha Polo? ma ṉa ta ni atha Apolosi? Wane ni ra ki na kero ilia na mulu fitoo; ta wane iamarea ma ta wane iamarea talafana fale la na tha God e falea ifana.

Roma 1:5

Wane na mili ṉalia lea la ma thatana aposela ki ani nia, fasi keki ade sulia si do na kulu fitoona i maalutana toa na fanua ni sui bana, uria thatana:

I. Korinitha 1:1

Tha Polo, wane na kera aili nau ku aposela tha Jesus Christ asi do na tha God e thathamia, ma doorakulua na tha Sothenisi,

Jone 6:65

Ma nia sorea, Uria si kula eri ku sorea naa isamulua, na ta wane si sukwai fasi kai lae mai isaku, mada sa ṉa Maka e ai si faasukwai nia mai.

Jone 10:41

Ma toa oro kera lae mai isana; ma keka sorea, Tha Jone molo e ai si ilia bana bala ta si do: sui si do ki sui bana na tha Jone e sorea sulia wane nei e mamana.