Jone 3:21 - Ṉa Alaofua Falu 1923 1949

²¹ Ma ni nia na kai ilia si do ne mamana kai lae mai isana ṉa lalaa la, fasi ka fatai nia ra nia ki, na nia e ilia si ra eki atha God.

Jone 3:21 Referans Kwoze

I. Jone 1:6

Mada sa kuka sorea na kulu to ni kwaimani lea la bi nia, sui kuka lae i la rodo, kuka lole, ma kusi ilia si do ne mamana:

III. Jone 1:11

Wane liliothaua nau, osi adede ’uria si ade la no rikia ne taa, oki ade ’uria ade la no rikia ne lea. Wane na ka abula lea, do tha God nania: wane na ka abula taa e ai si rikia boo tha God.

Efesasi 5:9

(Uria foana lalaa la eri ni ana abula lea la ni sui bana ma kokoto la ma mamana la),

Fa Ṉu Abu ki 119:105

Bae lamu na ṉa laeta ifana ’a’aeku, ma ṉa kwethu na ka laafia tala nau.

Filifae 2:13

Sulaania tha God ana ne ra ani kamulua muka thathamii ra ma muka ra lau boo, uria si do ni nia e thathamia.

Galesia 6:8

Sulaania wane na kai fasia si do ki ifana seena i talaana kai kasia ana seena si do na kai fufuraa; wane eri molo na kai fasia si do ki ifatha Spirit kai kasia atha Spirit marukia tatha.

Fa Ṉu Abu ki 119:80

Alua fasi ruruuku kai to ana tee si lio asi ade la no gwaludaki; ada maaku ka asia.

I. Pita 1:22

Uria na mulu faafalua maṉomulua si maṉa na mulu ade sulia mamana la eri atha Spirit ana liothau la na kesi lole ania uria baree wai doorana eki, ruruumulua kai seemabe ana liothau kwailiu la iamulua:

Hibaru ki 13:21

Kai faasukwai teefau ani kamulua asi ra lea ki sui bana fasi muki ilia si do ne thathamia, ma ka ilia si do nia rikia ka lea ani kamulua, atha Jesus Christ; na keki fare inoto ani nia toto si sui. Emeni.

Kolose 1:29

Ma ku ulafu lau boo uria si kula eri, si maṉa ku aṉasi sulia ra lana ni nia, ne ra sukwai ani nau.

Filifae 1:11

Ma muki fuṉu asi foee do ana kokoto la, na kai fula mai atha Jesus Christ, ana inotoa tha God ma taṉo lana.

Jone 5:39

Muki rofe i la kekeda la abu eki, uria na manatamulua soso na marukia tatha ni iei ifamulua; ma si do eki boo na kai faamamanea suli nau;

Jone 1:47

Ma Jesus e rikia tha Nathaniala kai lae mai isana, ma ka sorea suli nia, Rikia fasi, tee wane Isirela mamana boo, ne ai ta lole la ania!

II. Korinitha 1:12

Uria na si do mili faabaita kamilia ania nania, si do na wane i ruruumilia ka sorea sulia si do nia thaitoomana, na asi lio ne abu ma thathaulia atha God, ana liotooa seena imole e ai, ana lea la tha God, mili abula i fanua nei iano, ma mili ilia ka tatha inaofamulua.

I. Korinitha 15:10

Sui ana lea la tha God nau ku fula asi do nau ku fulatoona: ma lea la nia ne falea mai iaku na ṉa tonee do e ai; nau ku ulafu ana ra ne oro ka tatha ani kera sui boo: ni nau e ai neri, lea la tha God bana na ni isaku.

Si do na kera fatai nia 3:15

Nau ku thaitoomana si ra oe ki ne ai osi gwagwari ma osi aako: ku thathamia soko gwagwari mado oko aako.

Jone 3:20

Uria na ni tei na kai ilia si do taa kai lalakwatania ṉa lalaa la, ma ka ai si lae mai isana ṉa lalaa la, ada keka rikia ra nia ki ne taa.

Jone 7:17

Mada sa ta wane e susuu uria ili lana si do ni nia e thathamia, nia kai thaitoomana kwaifamanataia eri, mada sa si do tha God neri, mado kwai ṉata bakua i talaaku.