Jone 3:2 - Ṉa Alaofua Falu 1923 1949

² Wane eri e fula isatha Jesus afa rodo, ka soree isana, Rabae ae, kamilia mili thaitoomana ni oe wane ni kwaifamanatai na tha God e arasi oe mai: uria na ta wane sa ka ilia bala si do noki ilidaki e ai, mada sa tha God e ai si ni isana.

Jone 3:2 Referans Kwoze

Jone 5:36

Ma faamamane la na kera faamamane nau ania asi do kera thaitoomana, e baita ka tatha ana faamamane la tha Jone: uria na si ra ki na ṉa Maka e falea ifaku sa kwai ilia, si ra eki boo na nau kwai ilia bakua, ka faamamane nau, na ṉa Maka e arasi nau mai.

Si do Aposela ki kera ilidaki 10:38

Sulia tha Jesus, Wane i Nasaretha, na tha God e kiki nia ana gwai, ma gwai eri tha Spirit Abu ma sukwaia: ne liu fafia ili lana si do lea ki, ma ka faamarukia toa eki sui boo na tha devil e malataa anida; uria na tha God e to bi nia.

Si do Aposela ki kera ilidaki 2:22

Kamulua wane Isirela ki, muki roṉoa si baea eri: Tha Jesus, Wane i Nasaretha, Wane na tha God e ala fafia inaofamulua asi ra baita ki ma do ni kwele la ania ki ma bala si do ki, na tha God e ilia ana abana i maalutamulua, ’uria si do na mulu tala thaitoomana;

Jone 9:16

Mania tei toa ana Farisi ki kera sorea, Wane nei e ai si ita mai atha God, uria ne ai si faaabua fa boṉi mamaloa. Sui tei toa lau kera sorea, Wane ne abula taa kai ili ufita ana bala si do una eki? Ma kera to kwailiu ana ro si lio.

Jone 12:37

Sui nia ilia mena bala si do oro eki inaofada, e ai kesi fitoona bada:

Jone 1:38

Sui tha Jesus e akele, ka rikidaroa keko lae iburiana, ka soree isada, Ta si ta na moro rofea? Ma keko soree isana, Rabae (ma toolaṉai lana si do eri, Wane ni Kwaifamanatai ae), ifei noko to ṉado iei?

Mathui 22:16

Ma keka arasia toa kera na kera toleda isana, bia toa tha Heroda, keka una eri, Wane ni kwaifamanatai ae, mili thaitoomana o mamana, ma oko to’oa mamana boo tala tha God, me ai si oga oe boo uria ta wane: uria nosi lio uria seena imole.

Jone 7:31

Sui ana malului wane eki imole oro ki kera fitoona; ma keka sorea, Si maṉa na Christ ba kai fula mai, nia kai ilia bala si do ki kai oro ka tatha asi do eki na wane nei e ilia?

Jone 20:16

Tha Jesus ka soree isana, Meri. Nia akele, ka soree isana, Rabonae; ma toolaṉai lana si ṉata eri, na Wane ni Kwaifamanatai.

Jone 15:24

Mada se ai kwasi ilia ra eki i maalutada na ta wane eeta si ilia, abula taa la si to fafida: sui si maṉa eri ni nau ma Maka nau lau boo, kera riki kamarea naa ma kera riki kamarea ka taa lau boo.

Jone 3:26

Ma kera fula isatha Jone, keka soree isana, Rabae ae, wane ba ne toto isamu ibali laba i Jodana na ba, wane no faamamanea si do no thaitoomana suli nia, rikia fasi, wane eri kai babataesi, ma toa eki sui boo keki lae mai isana.

Mako 12:14

Ma si maṉa na toa eki kera fula, keka soree isana, Wane ni kwaifamanatai ae, mili thaitoomana o mamana, me ai si oga oe boo uria ta wane: uria nosi lio uria seena imole, oko to’oa mamana boo tala tha God: Kera alamatania fale lana malefo ifatha Sisa, mado e ai?

Filifae 1:14

Ma oroṉana baree wai doorana ana ṉa Lord, uria na fitooa kera e baita sulia kani la na kera kani nau ania, kera seeraa ka tatha fasi keka ṉata sulia bae lana tha God mau la e ai faisida.

Mathui 23:7

Bia kwaiaratai lea la ki la usia ki, ma keka thathamia imole kai alaṉida ana Rabae, Rabae.

Mathui 23:8

Ma ni kamulua muki lufia kesi alaṉi kamulua ana Rabae: uria na amulua tee wane ni kwaifamanatai, ṉa Christ, ma ni kamulua sui na baree wai doorana.

Jone 2:11

Do nei, thafali lana bala si do nia ki, tha Jesus e ilia i Kena, fanua i Galili, ka fatai nia inotoa nia; ma toa ni ne toleda keka fitoona.

Jone 4:31

Ma si maṉa na kesi fula u mai, toa ne toleda kera ṉata kwaitakoi isana, keka una eri, Rabae ae, oki faṉa.

Jone 6:2

Ma malului wane baita kera lae iburiana, uria na keka rikia naa bala si do ki ne ilia ana toa na kera matai.

Jone 10:38

Sui mada sa ku ilia boo, musi fitooku mena, muki fitoona si ra eki: fasi muki thaitoomana ma muki faamamanea na ṉa Maka ni ani nau, ma ni nau ku ni ani nia.

Jone 14:10

Osi fitoo na nau ku ni ana ṉa Maka, ma ṉa Maka ni ani nau? si baea eki na nau ku soree isamulua kwasi sorea i talaaku: ṉa Maka ana na ni ani nau kai ilia ra nia ki.