Jone 3:19 - Ṉa Alaofua Falu 1923 1949

¹⁹ Ma kwae lada nania, na ṉa lalaa la e fula naa i fanua nei iano, ma wane ki kesi thathamia lalaa la eri, keka thathamia ada maerodo ni ana; uria na abula lade taa.

Jone 3:19 Referans Kwoze

Jone 8:12

Mania tha Jesus e ṉata lau isada, ka una eri, Ni nau ṉa lalaa la i fanua nei iano: imole na kai lae iburiaku ka ai si lae i la maerodo, ṉa lalaa la ana marukia kai ni isana.

II. Thesalonika 2:12

Fasi Wane ni Kotu kai ṉata sulia toa eki sui boo na kesi fitoona mamana la, ma kera seethathala asi abula la ne ai si kokoto.

Roma 2:8

Ma ifana toa eki na kera thathamii firu, ma kesi ade sulia mamana la eri, kera ade bada sulia ade la ne ai si kokoto, kai falea rakeiria ma rakeaṉoṉoa,

Jone 12:43

Uria na kera thathamia inotoa ita ana wane ki ka tatha ana inotoa ita atha God.

Roma 1:32

Toa na kera thaitoomana si ṉata fifi tha God, ne sorea mae lana toa na kera ilia si do una eki, una ena mena kera ilia boo, ma talitoona ili lana e ai, kera ala lau boo fafia toa eki na kera ilia.

Jone 5:44

Muki fitoo ufita, toa na muki faainoto kamulua kwailiu, ma inotoa ne ita atha God tee nia e ai musi rofea?

II. Pita 3:3

Uria na mulu thaitoomana totonao si do eri, afa boṉi iisi ki toa ni onioṉa la keki lae mai fafia onioṉa la kera, ma keki abula sulia si thathami la taa kera ki,

Jone 1:4

Marukia ni ani nia; ma marukia eri na ṉa lalaa la na ka laafia imole ki.

Luke 12:47

Ma wane ni ra eri, ne thaitoomana si do na wane inoto nia e thathamia, me ai si alua si do si to kwaithathai, me ai si ade sulaania si do na wane inoto nia e thathamia, keki kwae oro ana seena kai aliliboa;

I. Pita 2:8

Ma, Fau na kera taofai kera ania, ma gwa kale ni lakwadora la ania; uria na kera taofai kera asi baea eri, sulaania kera ade faisia: si do na kera alu kera lau boo ania neri.

Jone 7:7

Fanua nei iano sa ka riki kamulua ka taa e ai; nau ana ka riki nau ka taa, uria na nau ku faamamanea si do nau ku thaitoomana sulia, na ra nia ki e taa.

Jone 7:17

Mada sa ta wane e susuu uria ili lana si do ni nia e thathamia, nia kai thaitoomana kwaifamanataia eri, mada sa si do tha God neri, mado kwai ṉata bakua i talaaku.

Luke 16:14

Ma Farisi ki lau boo, toa na kera liothau ana malefo, kera roṉoa si do eki sui boo; ma keka sumakwa ania.

Jone 1:5

Ma ṉa lalaa la eri kai laa i la maerodo; ma ṉa maerodo e ai si suusia.

Jone 9:5

Si maṉa ku ni ana fanua nei iano, nau ṉa lalaa la i fanua nei iano.

Jone 12:31

Si maṉa eri maṉa ana kotu baita ifana fanua nei iano: si maṉa eri keki sui nia ne inoto i fanua nei iano kai lae kau.

Jone 12:46

Nau ku lae mai ṉa lalaa la i la fanua nei iano, fasi ni tei bana na kai fitooku ka ai si to i la maerodo.