Jone 3:17 - Ṉa Alaofua Falu 1923 1949

¹⁷ Uria na tha God e ai si arasia mai Kaluwane nia uria fanua nei iano fasi kai ṉata mala wane ni kotu sulia toa na fanua nei iano e ai; fasi kai faamarukida bana.

Jone 3:17 Referans Kwoze

I. Jone 4:14

Ma kulu rikia naa ma kuka faamamanea si do kulu thaitoomana na ṉa Maka e arasia mai ṉa Kaluwane na Wane ana faamaruki lana fanua nei iano.

Luke 19:10

Uria na Kaluwane imole e fula uria rofe lana ma faamaruki lana si do ne lalae garo.

Jone 6:57

Talafana ṉa Maka ne maruki e arasi nau mai, ma nau ku maruki sulia ṉa Maka; alafana lau boo imole na kai ani nau, nia kai maruki lau boo suli nau.

Jone 6:40

Ma si do na nia ne arasi nau mai e thathamia nania, sa ni tei na kai rikia ṉa Kaluwane, ma kai fitoona, ana marukia tatha; ma nau kwai tataea afa boṉi iisi eri.

Jone 6:29

Tha Jesus e luuda, ka soree isada, Ra tha God nania, muki fitoona wane ne arasia mai.

Jone 20:21

Mania tha Jesus ka sorea lau isada, Enenoa kai to ani kamulua; talafana ṉa Maka e arasi nau mai, alafana lau boo kwai arasi kamulua.

I. Jone 2:2

Ma nia Wane na ka dianalio faisi kulu uria abula taa la kulu ki; ma talitoona abula taa la kulu ki e ai, abula taa la toa na fanua nei iano ka sui bana.

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Jone 11:42

Ma nau ku thaitoomana noki roṉoa ṉado bamua: sui sulaania malului wane nei na keki takwe kakali ku sorea, fasi keki faamamanea no arasi nau mai.

Jone 7:29

Ni nau ku thaitoomana bakua; sulaania ku ita mai ani nia, ma nia arasi nau mai.

Jone 5:45

Ada manatamulua soso na nau kwai alaṉi kamulua ana ta si do isana ṉa Maka: tee wane e to bana na kai alaṉi kamulua, tha Mosesi, wane na mulu lio uri nia.

Jone 8:42

Tha Jesus ka soree isada, Mada sa Maka kamulua na tha God, do muki liothau ani nau: uria nau ku lae mai ma ku ita mai atha God; ma nau e ai kwasi lae mai i talaaku, ni nia e arasi nau mai.

Jone 1:29

Fa boṉi iburiana tha Jone ka rikia tha Jesus kai lae na mai isana, ma ka sorea, Rikia fasi, ṉa Lama tha God, na kai ṉalia abula taa lana toa na fanua nei iano!

Jone 17:8

Uria na si baea ba ki no falea mai iaku ni nau ku falea iada; ma kera ṉalia, kera thaitoomana mamana boo na nau ku lae mai ku ita ani oe, ma kera fitoo no arasi nau mai.

Jone 10:36

Muki sorea suli nia, na ṉa Maka e faaabua ma ka arasi nia mai la fanua nei iano, O ṉata ana fare toliṉi lana tha God; uria na ku sorea, Nau Kaluwane tha God?

Jone 5:36

Ma faamamane la na kera faamamane nau ania asi do kera thaitoomana, e baita ka tatha ana faamamane la tha Jone: uria na si ra ki na ṉa Maka e falea ifaku sa kwai ilia, si ra eki boo na nau kwai ilia bakua, ka faamamane nau, na ṉa Maka e arasi nau mai.

Jone 17:21

Fasi kera sui keki tee do boo; talafana ni oe, Maka, o to ani nau, ma ni nau ani oe, fasi ni kera lau boo keki to ani koro: fasi fanua nei iano kai fitoo no arasi nau mai.

Jone 5:38

Ma bae lana e ai si to ani kamulua: uria na wane ne arasia mai, ni kamulua musi fitoona.

Mathui 1:23

Rikia fasi, thari eri toto kai iana, ma kai tharea ta kaluwane, Ma keka alaṉia atha Emaniuela; ma si ṉata eri e una eri, Tha God bi kulu.

Mathui 18:10

Muki lio ada muka fare faekwa ana ta wela ana kali wela nei ki; uria ku soree isamulua, I thalo lo angel kera ki keki rikia ṉado maana Maka nau ne ni mei thalo.

Luke 9:56

Uria na Kaluwane imole e ai si fula uria labatai lana maṉona imole; e fula uria faamaruki lana. Ma keka lae nada uria ta toaa faekwa lau.

Jone 3:34

Uria na wane na tha God e arasia mai kai ṉata asi baea tha God ki: uria si maṉa ne falea tha Spirit e ai si fale faekwa ania.

Jone 6:38

Uria nau ku sifo mai faisia thalo, uria ili lana si do nau ku thathamia i talaaku e ai, uria ili lana si do nia ne arasi nau mai e thathamia.

Jone 8:11

Ma nia sorea, E ai bana, Lord. Ma tha Jesus ka sorea. Ma ni nau lau boo kwasi sorea kwae lamu: oki lae amua; ita itaraena ka lae alaa osi abula taa lau.]

Jone 17:18

Talafana o arasi nau mai ana fanua nei iano, talafana lau boo ni nau ku arasida kau ana fanua nei iano.

Jone 17:23

Ni nau ani kera, ma ni oe ani nau, fasi keki ofuda ana tee do; ma fasi fanua nei iano kai thaitoomana no arasi nau mai, mo liothau ani kera, ’uria lau boo o liothau ani nau.

Jone 17:25

Maka kokoto ae, fanua nei iano e ai si thaitoomamu; nau ku thaitoomamu; ma toa nei ki kera thaitoomana no arasi nau mai;

Mathui 18:11

Uria na Kaluwane imole e fula uria faamaruki lana do ne garo.