16 Uria na tha God e liothau una eri ana fanua nei iano, nia ka falea mai tee fa Kaluwane nia, fasia ni tei bana na kai fitoona ka ai si sui, ma kai to ana marukia tatha.
Ma si do na nia ne arasi nau mai e thathamia nania, sa ni tei na kai rikia ṉa Kaluwane, ma kai fitoona, ana marukia tatha; ma nau kwai tataea afa boṉi iisi eri.
Wane na kai fitoona ṉa Kaluwane ana marukia tatha; ma wane ne ai si ade sulia ṉa Kaluwane toto si rikia marukia, ma rakeiria tha God kai to bana fafi nia.
Sulaania mada sa, asi kada na kulu maalimae ki u, kera ilia na kulu kwaimani lau bia tha God ana mae lana Kaluwane nia, e kwaiakaori ka tatha na keki faamaruki kulu ana marukia nia, si maṉa eri na kera ilia na kulu kwaimani naa bia tha God;
Fa boṉi iburiana tha Jone ka rikia tha Jesus kai lae na mai isana, ma ka sorea, Rikia fasi, ṉa Lama tha God, na kai ṉalia abula taa lana toa na fanua nei iano!
Ma Lord kulu tha Jesus Christ talani nia, ma tha God na Maka kulu ne liothau ani kulu me faainamaruki kulu ana inamaruki la na kai to tatha me falea si do lea na kulu manatatoo ṉado uria ana lea la,
Ma sui lae, muki thaitoomana fasi maalutana si ṉata eri, Ku thathamia tatakomi la, do ni foa la e ai: sulia e ai kwasi fula uria aili lana toa na kera kokoto, ku fula uria aili lana toa na kera abula taa uria manata akele la.
Ma atha Jesus Christ, Wane fitoo ni faamamane lana si do ne thaitoomana, ulunao faisia toa mae ki, ma Wane Gwauwai ne tatha ana kiṉa fanua nei iano ki. Nia na ka liothau ani kulu, me lube kulu faisia abula taa la kulu ki ana abuna i talaana:
Ma ṉa Baea eri ka imole, ma ka to i maalutamilia (ma mili rikia inotoa nia mala inotoa tee fa Kaluwane ṉa Maka, na nia e arasia mai), e fuṉu ana lea la ma mamana la.
Ma angel eri ka sorea, Osi alua abamu fafia wela wane nei, osi ilia lau boo ta si do iana: sulaania si maṉa eri nau ku thaitoomana naa noko faare baita atha God, uria nosi lufia kaluwane oe, tee fa kaluwane oe nei, faisi nau.
Ma ni nia ka una eri, Si maṉa eri oko talaia fasi kaluwane oe, tee fa kaluwane oe ba, na tha Aesiki, no liothau iana, lae kamua uri la fanua i Moraea; kula eri naa, oki bii fale nia ana do ni afufu i gwauna tee gwa tolo na ni nau kwai faaroṉo oe ania.
Wane ne fitoona, e ai kesi ṉata una eri suli nia: wane ne ai si fitoona, wane ni kotu e ṉata naa sulia, sulaania nia e ai si fitoona thatana tee fa Kaluwane tha God.
Sui kulu rikia tha Jesus, na kera alulua ka suka faekwa i fara aini angel ki, fasi ka to ana seefia ana maea, na kera erea naa gwauna ana inotoa ma fare baita la, fasi ana lea la tha God nia ka thaitoomana maea uria imole ki sui.
Muki rikia fasi liothau la baita eri na ṉa Maka e liothau iakulua ania, na keki alaṉi kulu ana wela tha God ki: mania fanua nei iano ka ai si thaitoomakulua, uria ne ai si thaitoomana ni nia.