Jone 21:2 - Ṉa Alaofua Falu 1923 1949

² Toa na kera to ofu na tha Saimona Pita, ma tha Tomasi na kera alaṉia atha Didimasi, bia tha Nathaniala, wane i Kena fanua i Galili, ma ro kaluwane tha Sebede, bia ro wane ki lau ana toa nia ne toleda.

Jone 21:2 Referans Kwoze

Jone 4:46

Mania tha Jesus ka fula lau i Kena, fanua i Galili, asi kula ne sorea kafo ba ka lioe waene. Ma tee wane inoto e to bana, kaluwane nia e matai i Kapaneama.

Jone 1:45

Tha Filifi ka fulatoona tha Nathaniala, ma ka soree isana, Kamilia mili fulatoona wane eri, na tha Mosesi ana ṉa lo, ma porofeta ba ki, kera kekeda sulia, nia na tha Jesus wane i Nasaretha, kaluwane tha Josefa.

Jone 20:28

Ma tha Tomasi e luua, ka soree isana, Lord nau ma God nau.

Jone 11:16

Mania tha Tomasi, na kera alaṉi nia atha Didimasi, ka soree isana toa keki tole nia bida, Kuki lae lau boo, fasi kuki mae bi nia.

Jone 2:11

Do nei, thafali lana bala si do nia ki, tha Jesus e ilia i Kena, fanua i Galili, ka fatai nia inotoa nia; ma toa ni ne toleda keka fitoona.

Luke 5:10

Ma tha Jemesi ma tha Jone lau boo, kaluwane tha Sebede ki, ro wane na kera ra ofu bia tha Saimona. Ma tha Jesus ka soree isatha Saimona, Osi mau; too asi maṉa eri ka liu alaa oki dea imole ki.

Mathui 10:3

Tha Filifi, ma tha Batholomiu; tha Tomasi, ma tha Mathiu wane ne ṉaṉalia takisi ki; tha Jemesi kaluwane tha Alafiasi, ma tha Lebeasi, na kera alaṉia atha Thadeasi;

Mako 1:19

Ma si maṉa nia lae e ai si tau, nia ka rikia tha Jemesi kaluwane tha Sebede, bia doorana na tha Jone, kero ni lau boo i la foorua, keko uthea ada furei kera ki.

Jone 2:1

Ma ula fa boṉi tee nonii wane e tolekini i Kena, fanua i Galili; ma thainana tha Jesus e ni kula eri: