Jone 21:18 - Ṉa Alaofua Falu 1923 1949

¹⁸ Mamana, mamana, ku soree isamu, Si maṉa o bii baita, o ali oe i talaamu, mo lalae ifei no thathamia: sui lalae oko arai naa, oki tekwasia ro aba oe ki, ma ta wane lau kai ali oe, kai ṉali oe uria si kula noki lalakwee lae iei.

Jone 21:18 Referans Kwoze

Jone 13:36

Tha Saimona Pita ka soree isana, Lord, ifei noki lae uria? Tha Jesus e luua, ka una eri, Si kula na nau kwai lae uria, o dora ana fula la iei iburiaku si maṉa eri; sui do toto oki lae lau boo iburi.

Si do Aposela ki kera ilidaki 21:11

Ma nia ka fula isamilia, ka ṉalia si do na tha Polo e ali nia ania, ka kani fafia ro ae nia ki ma ro aba nia ki i talaana, ma ka sorea, Tha Spirit Abu ka sorea, Ju nai Jerusalema ki keki kani una eri ana wane ne ana ana do ni ali lana ana imole nania, ma keki fale nia i abana Jenetaele ki.

II. Korinitha 5:4

Sulaania ni kamilia na mili to ana biui maku nei mili kwai baita, uria na do kulua e to fafi kamilia; uria na mili thathamii tanusia tooni kamilia e ai, uria na miki thathamia keki alua lau ta tooni fafi kamilia, fasi do eri na toto kai mae keka thuthumai nia ana marukia.

Luke 12:37

Lea iada, wane ni ra eki, na wane inoto eri lalae e fula kai rikida keki tharai: mamana ku soree isamulua, nia kai kania liitana, ma kai adea keki teoreri isana faṉa la, ma kai fula kai ra ana fale la iada.

Jone 21:17

Ula nia ka soree isana, Saimona, kaluwane tha Jonasi, oki thathami nau? Tha Pita liona ka dila uria na nia ula ka soree isana, Oki thathami nau? Ma nia soree isana, Lord, o thaitoomana si do ki sui bana; o thaitoomana na nau ku thathami oe boo. Tha Jesus e soree isana, Oko tharea sifi nau ki.

Jone 21:19

Nia ṉata una eri, ka fatai nia mae la na nia toto kai faainotoa tha God ania. Ma buriana ne sorea si do eri, nia soree isana, Lae mai iburiaku.