Jone 21:16 - Ṉa Alaofua Falu 1923 1949

¹⁶ Ruana nia sorea lau isana, Saimona, kaluwane tha Jonasi, oki liothau ani nau? Nia e soree isana, Iu, Lord; o thaitoomana na nau ku thathami oe. Ni nia e soree isana, Oko fono toi kalia sifi nau ki.

Jone 21:16 Referans Kwoze

Si do Aposela ki kera ilidaki 20:28

Mania muki beta suli kamulua, ma sulia aini sifi eki sui boo, na tha Spirit Abu e alu kamulua muka nanao ania, muki tharea figua tha God, ne usia ana abuna i talaana.

I. Pita 5:2

Muki tharea aini sifi tha God na ni maalutamulua, muki fono toi kakalida, ’uria sa keka suuwai nia iamulua e ai, ma liomulua na kai ilia; uria malefo ne faataali kia e ai, muki fifarao uria ana manatamulua;

I. Pita 2:25

Uria na mulu lalae garo uria aini sifi; ma si maṉa eri mulu oli naa isana Wane na kai fono toi kakalia ma kai Nanao ana maṉomulua.

Fa Ṉu Abu ki 100:3

Thaitoomana fasi tha Jihova na nia God boo: ni nia ana ne thauwai kulu, ma ni kulu na do nia ki; toa nia ki na ni kulu, ma aini sifi na nia e thare kulu.

Fa Ṉu Abu ki 95:7

Uria na God kulu na ni nia, ma ni kulu na toa ne thare kulu, ma sifi na abana ka fono toi kali kulu. Itaraena, mada sa muki roṉoa liṉana ṉata lana,

Hibaru ki 13:20

Ma ṉa God ana ene noa, ne talaia lau mai faisia toa mae ki na Lord kulu tha Jesus, Wane baita eri ni fono toi la kakalia sifi, fafia ’abu eri ana alaofua na kai to tatha,

Jone 18:25

Ma tha Saimona Pita e takwe bana, ka thara ana. Mania kera soree isana, Ma ni oe lau boo wane ana toa ba ki ne toleda? Nia tofea, ka sorea, Ni nau e ai.

Jone 18:17

Mania kini eri ne ifinia maa ka soree isatha Pita, Ma ni oe lau boo wane ana toa ba ki na wane nei e toleda? Nia sorea, Ni nau e ai.

Luke 19:10

Uria na Kaluwane imole e fula uria rofe lana ma faamaruki lana si do ne lalae garo.

Mathui 26:72

Ma nia ka tofe lau ana othi la, Nau kwasi thaitoomana wane eri.

Mathui 25:32

Ma toto keki ofua toa ana fanua ni sui bana inaofana: ma nia kai talisida, ta toa faisia ta toa, mala wane ni fono toi kalia sifi kai talisia ṉa sifi faisia gota ki:

Mathui 2:6

Oe Bethelihemo, fanua tha Juda, E ai dodoloa oko faekwa faisia inamaruki tha Juda ki: Sulaania tee wane inoto toto kai lae mai ani oe, Nia wane na kai fono toi kalia toa nau Isirela.

Si do na kera fatai nia 7:17

Uria ṉa Lama na ni la do ni ono la ana inotoa eri kai fono toi kakali kera, ma kai talai kera uria ruka‐mauri eki asi kafo ana marukia: ma tha God kai usua kafona maada ka sui bana ka ai naa faisia maada.

Jone 21:17

Ula nia ka soree isana, Saimona, kaluwane tha Jonasi, oki thathami nau? Tha Pita liona ka dila uria na nia ula ka soree isana, Oki thathami nau? Ma nia soree isana, Lord, o thaitoomana si do ki sui bana; o thaitoomana na nau ku thathami oe boo. Tha Jesus e soree isana, Oko tharea sifi nau ki.