Jone 21:15 - Ṉa Alaofua Falu 1923 1949

¹⁵ Mania buriana na kera faṉa naa, tha Jesus e soree isatha Saimona Pita, Saimona, kaluwane tha Jonasi, o liothau ani nau ka tatha asi do nei ki? Nia e soree isana, Iu, Lord; o thaitoomana na nau ku thathami oe. Ni nia e soree isana, Oko tharea lama nau ki.

Jone 21:15 Referans Kwoze

Roma 15:1

Sui ni kulu na kulu sukwai e kokoto na kuki fanasia si do ana feda lana toa feda ki, e ai si kokoto na kuki faalea kulu i talaakulua.

I. Jone 4:19

Kulu liothau, uria ne liothau ani kulu totonao.

I. Pita 1:8

Wane na musi rikia u ma muka liothau ani nia; na, boro sa musi rikia u mena, mulu fitoona, ma sui mulu seethathala faamau ania ana seethathala la na kesi talaana ṉata la sulia, na ka fuṉu ana inotoa:

Efesasi 6:24

Lea la kai to bia toa eki sui boo na kera liothau ana Lord kulu tha Jesus Christ asi lio ne ai si fufuraa. Emeni.

Si do Aposela ki kera ilidaki 20:28

Mania muki beta suli kamulua, ma sulia aini sifi eki sui boo, na tha Spirit Abu e alu kamulua muka nanao ania, muki tharea figua tha God, ne usia ana abuna i talaana.

I. Jone 5:1

Ni tei bana na ka fitoo na tha Jesus na ṉa Christ e futa atha God: ma ni tei na ka liothau ana ṉa Maka kai liothau ana wela nia lau boo.

Jone 16:27

Uria na ṉa Maka talani nia kai liothau ani kamulua, sulaania mulu liothau ani nau, ma mulu fitoo na nau ku lae mai ku ita atha God.

I. Pita 2:25

Uria na mulu lalae garo uria aini sifi; ma si maṉa eri mulu oli naa isana Wane na kai fono toi kakalia ma kai Nanao ana maṉomulua.

Hibaru ki 4:13

Me ai ta do asi do ne thauwanidaki si to thaufuni ne ai si rikia: si do ki sui bana ka talu ma ka fatai i maana ni nia na kulu to isana.

Luke 22:32

Sui nau ku foa uri oe, fasi fitooa oe si sui: ma lalae o akele lau mai, oko faaṉadoa dooramu kera.

Hibaru ki 13:20

Ma ṉa God ana ene noa, ne talaia lau mai faisia toa mae ki na Lord kulu tha Jesus, Wane baita eri ni fono toi la kakalia sifi, fafia ’abu eri ana alaofua na kai to tatha,

Roma 14:1

Wane na fitooa nia e feda muka thathagonia isamulua, una ena mena, e ai kesi olili susuu fafia si do na kesi thaitoomana lea.

Mathui 16:17

Ma tha Jesus e luua, ka soree isana, Lea iamu, Saimona, kaluwane tha Jona: uria na imole, do ana mariko bia abu, e ai ne fatai nia isamu, Maka nau ana ne ni mei thalo

Si do na kera fatai nia 2:23

Ma nau kwai thauṉia wela nia ki keki mae; ma figua eki sui bana keki thaitoomana nau ni nia na ku rofe i manatana imole ki ma i ruruuda: ma nau kwai falea si do na kai duua si ra kamulua ki fani kamulua sui, ta imole si ei.

I. Pita 2:2

Mala kala wela aabu ki, muki thathamia faamau susu na lole la e ai si ni ania, si baea eri neri, fasi ka thare kamulua muka tae uria marukia;

Galesia 5:6

Uria atha Jesus Christ kwai kakali la e ai si kwaiadomi, ma mada sa kesi kwai kakali ata wane do eri ka ai si kwaiadomi lau boo; talitoona bana fitooa na kai ra ana liothau la.

Jone 21:12

Tha Jesus ka soree isada, Lae mai, muki faṉa. Me ai ta wane iada si seeraa fasi kai soetoona, Ma ni oe ni tei? kera thaitoomana boo na nia ṉa Lord.

Jone 21:7

Mania wane eri na tha Jesus e tolea ma ka liothau ania e soree isatha Pita, Ṉa Lord nena. Mania si maṉa na tha Saimona Pita e roṉoa na nia ṉa Lord, nia ka tooni ana tooni nia (uria ne talu bana), ka fusi ani nia i la amali.

Mathui 18:10

Muki lio ada muka fare faekwa ana ta wela ana kali wela nei ki; uria ku soree isamulua, I thalo lo angel kera ki keki rikia ṉado maana Maka nau ne ni mei thalo.

Efesasi 4:14

Fasi ni kulu kusi wela faekwa lau, toa na atona bana ta thauthau ka isuda ka toto bana, ma thauthau eki na ṉa kwaifamanataia eeta ki ana kaura lana imole, do ni lole la, sulia manata taa lada, ana tole garo la iakulua;

I. Korinitha 8:11

Mania ana manata lea la oe, wane ne maketho kai sui, doorakulua na tha Christ e mae uri nia?

Jone 8:42

Tha Jesus ka soree isada, Mada sa Maka kamulua na tha God, do muki liothau ani nau: uria nau ku lae mai ma ku ita mai atha God; ma nau e ai kwasi lae mai i talaaku, ni nia e arasi nau mai.

Mako 14:29

Ma tha Pita ka soree isana, Kera sui keki taofai kera mena, ma ni nau molo e ai.

Luke 12:32

Musi mau, aini sifi na musi oro; uria na Maka kamulua e to’oa kai falea tooa eri ifamulua.

GENESIS 33:13

Ma nia ka soree isana, Do wane inoto nau e thaitoomana neri, Kaala wela nei ki kesi sukwai u bada, ma feree sifi ma aini katele bia kalee do kera ki keka ni bada isaku: mada sa wane ki kera suuwanida keka lae fofoa sulia tee fa boṉi boo, aini do eki keka mae.

Mathui 10:37

Wane na kai liothau ana maka nia mado thainana ka tatha ani nau e ai si faraku; ma wane na kai liothau ana kaluwane nia mado thari nia ka tatha ani nau e ai si faraku.

Jone 13:37

Tha Pita ka soree isana, Lord, uria ta na kwai dora ana lae la iburiamu si maṉa eri boo? Nau kwai falea maṉoku uri oe.

Jone 1:42

Ma nia tole nia isatha Jesus. Tha Jesus ka lio uri nia, ka sorea, Oe tha Saimona kaluwane tha Jonasi: keki alaṉi oe ana Kifasi (ma toolaṉai lana thata eri, Ṉa fau).

Mathui 26:35

Tha Pita ka soree isana, So mae la ni mena kera to’oa kwai mae bi oe, nau sa kwa sorea kwa dora iamu e ai. Toa ne toleda sui kera ṉata una eri lau boo.

Mathui 26:33

Tha Pita e luua, ka soree isana, Mada sa kera sui keki taofai kera suli oe, nau e ai dodoloa kwai taofai nau.

Si do Aposela ki kera ilidaki 20:29

Uria nau ku thaitoomana si kula eri, buriana na nau ku lae naa koito kwasi ki ne aala keki kotho i maalutamulua, ma kesi suusia taa la faisia aini sifi ki;