Jone 20:9 - Ṉa Alaofua Falu 1923 1949

⁹ Uria na kesi thaitoomana u kekeda la abu eri, na nia kai tatae lau faisia toa mae ki.

Jone 20:9 Referans Kwoze

Fa Ṉu Abu ki 16:10

Sulaania soki akwasia anoku i la fanua toa mae ki e a’i; ma soki alamatania Wane Abu oe kai to fasi kai dura ka a’i lau boo.

I. Korinitha 15:4

Ma kera alua i la kwaiṉeia; ma kera tataea ana ula fa boṉi sulia kekeda la abu eki;

Luke 24:26

Ta na se talaana na Christ kai to ana taa la eki, ma kai fulatoona inotoa nia, mado?

Mathui 22:29

Tha Jesus e luuda, ka soree isada, Kamulua mulu garo, uria na musi thaitoomana kekeda la abu ba ki, ma sukwaia tha God.

Jone 2:22

Mania si maṉa na kera tataea naa faisia toa mae ki, toa nia ne toleda kera onotoona na nia e sorea si do eri isada; ma keka fitoona kekeda la eri, ma si baea eri na tha Jesus e sorea.

Luke 9:45

Ma kera kesi thaitoomana maalutana si ṉata eri, ma kera thaufunia faisida, fasi kesi thaitoomana: ma keka mau ana soetoona lana uria si ṉata eri.

Fa Ṉu Abu ki 22:15

Sukwaia nau e a’i naa ’uria bana titiu ne dekwe; ma meaku ka rao ana garamataku; ma ni oe o talai nau isana gegeona theegano, isana maea neri.

Si do Aposela ki kera ilidaki 2:24

Wane na tha God e tataea, buriana ne luke nia faisia fiwela la ana maea: uria ne afetai ka tatha sa do eri kai rau ṉado ani nia.

Si do Aposela ki kera ilidaki 17:3

Ka fatai nia maalutana ma ka sorea, na ṉa Christ e to’oa boo fasi kai to ana taa la, ma kai tatae lau faisia toa mae ki. Ma tha Jesus, Wane eri na nau ku faaroṉo kamulua ania (ṉata lana neri) na ṉa Christ.