Jone 2:23 - Ṉa Alaofua Falu 1923 1949

²³ Ma si maṉa nia e ni Jerusalema ana tathafafi la ba, si maṉa ana fafaṉa eri, toa oro kera fitoona thatana, uria na kera rikia bala si do ne ilidaki,

Jone 2:23 Referans Kwoze

Luke 8:13

Ma si do i fafona fau na toa eki na, si maṉa na kera roṉoa, keka ṉalia si baea eri ana seethathala la; ma ni kera e ai ada ta lalii do, na keka fitoo sulia ta kasi maṉa faekwa, ma asi maṉa ana bae aliṉa la keka asi kera.

Jone 6:14

Mania si maṉa na toa eki kera rikia bala si do eri na tha Jesus e ilia, keka sorea, Porofeta ba mamana boo nai nia na kai lae mai uria fanua nei iano.

Galesia 5:6

Uria atha Jesus Christ kwai kakali la e ai si kwaiadomi, ma mada sa kesi kwai kakali ata wane do eri ka ai si kwaiadomi lau boo; talitoona bana fitooa na kai ra ana liothau la.

Jone 7:31

Sui ana malului wane eki imole oro ki kera fitoona; ma keka sorea, Si maṉa na Christ ba kai fula mai, nia kai ilia bala si do ki kai oro ka tatha asi do eki na wane nei e ilia?

Jone 3:2

Wane eri e fula isatha Jesus afa rodo, ka soree isana, Rabae ae, kamilia mili thaitoomana ni oe wane ni kwaifamanatai na tha God e arasi oe mai: uria na ta wane sa ka ilia bala si do noki ilidaki e ai, mada sa tha God e ai si ni isana.

Jone 2:13

Ma tathafafi la ba, fafaṉa Ju ki, e kwaikaraṉi naa, ma tha Jesus e tae uri Jerusalema.

Jone 2:11

Do nei, thafali lana bala si do nia ki, tha Jesus e ilia i Kena, fanua i Galili, ka fatai nia inotoa nia; ma toa ni ne toleda keka fitoona.

Jone 4:45

Mania si maṉa ne fula i Galili, toa i Galili kera thathagoni nia mai, uria na kera rikia naa si do eki sui bana ne ilia i Jerusalema isana fafaṉa: uria ni kera lau boo keka lae isana fafaṉa eri.

Jone 5:36

Ma faamamane la na kera faamamane nau ania asi do kera thaitoomana, e baita ka tatha ana faamamane la tha Jone: uria na si ra ki na ṉa Maka e falea ifaku sa kwai ilia, si ra eki boo na nau kwai ilia bakua, ka faamamane nau, na ṉa Maka e arasi nau mai.

Jone 6:2

Ma malului wane baita kera lae iburiana, uria na keka rikia naa bala si do ki ne ilia ana toa na kera matai.

Jone 11:45

Mania toa oro ana Ju ki, na kera lae mai sani Meri ma kera rikia si do na tha Jesus e ilia, keki fitoona.

I. Jone 3:23

Ma si ṉata fifi nia nai nia, kuki fitoona thatana Kaluwane nia tha Jesus Christ, ma kuki liothau kwailiu ani kulu, ’uria lau boo e soree isakulua.