Jone 2:19 - Ṉa Alaofua Falu 1923 1949

¹⁹ Tha Jesus e luuda, ka soree isada, Muki ogea biu tha God nania, ma nau kwai kasia lau ana ulu fa boṉi.

Jone 2:19 Referans Kwoze

Mako 14:58

Kamilia mili roṉoa e sorea, Nau kwai ogea biu baita tha God nania na kera thauwai nia ana abee imole, ma ta do lau na kesi thauwai nia ana abee imole kwai kasia sulia ulu fa boṉi.

Mako 15:29

Ma toa na kera tatha keka bae fafi nia, keki isua gwauda, ma keka una eri, Ua! wane oki ogea biu baita tha God, ma oki kasia ana ulu fa boṉi,

Mathui 27:40

Ma keka una eri, Wane oki ogea biu baita tha God, ma oki kasia ana ulu fa boṉi, faamaruki oe fasi talaamu: so ni oe Kaluwane tha God, oki sifo mai faisia ’ai rarafolo ena.

Mathui 12:40

Sulia alafana na tha Jona e to sulia ulu fa thato ma ulu fa rodo i la rakena gwathasu; alafana lau boo Kaluwane imole kai to sulia ulu fa thato ma ulu fa rodo i la initoona theegano.

Roma 8:11

Ma mada sa Spirit ni nia ne tataea tha Jesus faisia toa mae ki kai to ani kamulua, nia ne tataea tha Christ faisia toa mae ki kai faamarukia lau boo ana Spirit nia ne to ani kamulua seemulua na toto keki mae.

Si do Aposela ki kera ilidaki 3:15

Ma mulu thauṉia Wane Inoto ana marukia; Wane na tha God e tataea faisia toa mae ki; si do na mere faamamanea si do mere thaitoomana sulia.

Si do Aposela ki kera ilidaki 2:32

Jesus eri boo tha God e tataea, si do ni kamilia sui mika faamamanea si do mili thaitoomana sulia.

Si do Aposela ki kera ilidaki 2:24

Wane na tha God e tataea, buriana ne luke nia faisia fiwela la ana maea: uria ne afetai ka tatha sa do eri kai rau ṉado ani nia.

I. Pita 3:18

Uria na tha Christ lau boo ana tee fa to la ana taa la uria abula taa la ki, Wane kokoto uria toa na kesi kokoto, fasi nia kai tole kulu isatha God; uria na kera thauṉia seena, ma sui kera faamaruki nia atha Spirit;

Roma 6:4

Mania kera kwaiṉei kulu ofu bi nia ana babataesi la eri ana maea: fasi talafana na kera tataea tha Christ faisia toa mae ki uria inotoa ṉa Maka, alafana lau boo ni kulu kuka abula ana marukia ne falu.

Jone 11:25

Tha Jesus ka soree isana, Nau ṉa tatae la faisia maea, ma ṉa marukia: wane na kai fitooku, ka mae mena, do kai maruki:

Mako 8:31

Ma nia bii kwaifamanatai isada sulia Kaluwane imole, kai to ana taa la oro ki e ai si ei boo, ma ulunao ki, bia wane inoto ni foa ki, bia wane ni kekeda ki, keki lalakwatania, ma keki thauṉi nia, ma ulu fa boṉi ka sui, nia kai tatae lau.

Kolose 2:12

Uria na kera kwaiṉei kamulua bi nia ana babataesi la eri, si kula na kera tatae kamulua lau boo bi nia uria fitooa kamulua eri ana ra lana tha God, ne tatae nia faisia toa mae ki.

I. Korinitha 15:12

Sui mada sa kera faaroṉo atha Christ na kera tataea naa faisia toa mae ki, ka ufita na tei toa iamulua kera sorea ne ai bana ta tatae la ana toa mae ki?

Roma 4:24

Uri kulu lau boo, na keki alua si do eri ifakulua, toa na kulu fitoona ni nia ne tataea tha Jesus na Lord kulu faisia toa mae ki,

Si do Aposela ki kera ilidaki 3:26

Ma ni kamulua totonao, tha God, buriana ne tataea Kaluwane nia tha Jesus, e arasi nia mai isamulua fasi kai falea lea la ifamulua, ana bulasi lamulua la, ta imole iamulua si ei boo, faisia abula taa la kamulua ki.

Jone 5:19

Mania tha Jesus e luuda, ka soree isada, Mamana, mamana, ku soree isamulua, Na Kaluwane e ai si sukwai ana ili lana ta si do i talaana, talitoona bana si do nia rikia ṉa Maka kai ilia: uria na atona bana si do ni nia ka ilia, si do eki ṉa Kaluwane kai ili una eri ania lau boo.

Mathui 27:63

Keka una eri, Arai ae, mili manatatoona wane ba ne mamalaoe e sorea, maṉa nia maruki u, Buriana ulu fa boṉi kwai tatae lau.

Mathui 16:21

Too asi maṉa eri tha Jesus e thafalia ka faaroṉoa toa nia ne toleda na kera too nia kai lae e ai si ei boo uri Jerusalema, ma kai to ana taa la oro ki e ai si ei boo sulia manatana ulunao ki ma wane inoto ni foa ki bia wane ni kekeda ki, ma keka thauṉi nia, ma nia kai tatae ana ula fa boṉi.

Si do Aposela ki kera ilidaki 6:14

Uria na mili roṉo nia, e sorea na tha Jesus, wane ba i Nasaretha, kai labatania i kunei, ma kai taala ana biraṉakulua ki na tha Mosesi e falea ifakulua na ba.