Jone 2:11 - Ṉa Alaofua Falu 1923 1949

¹¹ Do nei, thafali lana bala si do nia ki, tha Jesus e ilia i Kena, fanua i Galili, ka fatai nia inotoa nia; ma toa ni ne toleda keka fitoona.

Jone 2:11 Referans Kwoze

Jone 1:14

Ma ṉa Baea eri ka imole, ma ka to i maalutamilia (ma mili rikia inotoa nia mala inotoa tee fa Kaluwane ṉa Maka, na nia e arasia mai), e fuṉu ana lea la ma mamana la.

Jone 3:2

Wane eri e fula isatha Jesus afa rodo, ka soree isana, Rabae ae, kamilia mili thaitoomana ni oe wane ni kwaifamanatai na tha God e arasi oe mai: uria na ta wane sa ka ilia bala si do noki ilidaki e ai, mada sa tha God e ai si ni isana.

Jone 6:2

Ma malului wane baita kera lae iburiana, uria na keka rikia naa bala si do ki ne ilia ana toa na kera matai.

Jone 6:30

Mania kera soree isana, Sui bala si ta noki ilia, fasi mika rikia, miki fitoomu? ra ta noki ra ania?

Jone 6:26

Tha Jesus e luuda, ka sorea, Mamana, mamana ku soree isamulua, Mulu rofe uri nau, uria na mulu rikia bala si do ki e ai, uria bana na mulu ania sina bisikete ba ki, ma muka abusu.

Jone 6:14

Mania si maṉa na toa eki kera rikia bala si do eri na tha Jesus e ilia, keka sorea, Porofeta ba mamana boo nai nia na kai lae mai uria fanua nei iano.

II. Korinitha 4:17

Uria na to lamilia ana taa la e thathala, do ana kasi maṉa seseka ni bana, kai ilia mai do ooro ka oro ma kulua ifamilia ana inotoa na kai to tatha;

Jone 14:13

Ma atona bana ta si do na muki gania ana thataku, si do eri kwai ilia, fasi keki faainotoa ṉa Maka ana ṉa Kaluwane.

Jone 12:41

Si do eki tha Aisaia e sorea, uria ne rikia inotoa nia; me ṉata suli nia.

Jone 12:37

Sui nia ilia mena bala si do oro eki inaofada, e ai kesi fitoona bada:

Jone 2:23

Ma si maṉa nia e ni Jerusalema ana tathafafi la ba, si maṉa ana fafaṉa eri, toa oro kera fitoona thatana, uria na kera rikia bala si do ne ilidaki,

Jone 1:50

Tha Jesus e luua, ka soree isana, Sulaania nau ku soree isamu, Nau ku riki oe i aena thakwari ba, oki fitooku bamua? toto oki rikia tei do ne baita ka tatha ana do nei ki.

Fa Ṉu Abu ki 96:3

Faaroṉo ana inotoa nia imaalutana kulee toa eki, asi ra nia ni kwele la anidaki imaalutana ina lana toa eki sui bana.

I. Jone 5:13

Si do eki ku keda kau isamulua, fasi muki thaitoomana amulua marukia tatha, ni kamulua na mulu fitoona thatana Kaluwane tha God.

Jone 4:46

Mania tha Jesus ka fula lau i Kena, fanua i Galili, asi kula ne sorea kafo ba ka lioe waene. Ma tee wane inoto e to bana, kaluwane nia e matai i Kapaneama.

Jone 5:23

Fasi toa ni sui bana keki fare baita ana ṉa Kaluwane, talafana lau boo na keki fare baita ana ṉa Maka. Wane ne ai si fare baita ana ṉa Kaluwane, e ai si fare baita ana ṉa Maka ne arasi nia mai.

Fa Ṉu Abu ki 72:19

Ma muka taṉoa toto si sui thatana ne inoto ka tatha; ma inotoa baita nia kai fuṉu i la fanua na i iano ni sui bana. Emeni, ma Emeni.

II. Korinitha 4:6

Uria na tha God neri, nia ne sorea, Lalaa la kai laa i la maerodo, ne laa i ruruumilia, fasi kai falea lalaa la na ṉa thaitoomana lana inotoa tha God ana maana tha Jesus Christ.

II. Korinitha 3:18

Ma ni kulu sui, ana maakulua ne ai ta maku si thu fafia, uria na kulu rikia ’uria i la ironunu inotoa tha Lord, kera tala ani kulu kuka lioe nuna ana inotoa na kai baita alaa, uria si do na kai ita ana Spirit tha Lord.

Jone 11:15

Me lea iaku ifamulua na nau kwasi toto isana, fasi muka fitoo; una ena mena, kuki lae akulua isana.

Jone 1:17

Uria na kera falea ṉa lo atha Mosesi kai falea; lea la ma mamana la ka lae mai atha Jesus Christ.

Jone 1:43

Fa boṉi iburiana nia thathamii lae kau uri Galili, ka fulatoona tha Filifi: ma tha Jesus ka soree isana, Oko lae mai iburiaku.

Jone 2:1

Ma ula fa boṉi tee nonii wane e tolekini i Kena, fanua i Galili; ma thainana tha Jesus e ni kula eri:

Jone 4:3

Nia lae faisia Judia, ka tatha lau uri Galili.

Jone 4:54

Bala ruana si do nai nia na tha Jesus e ilia, si maṉa ne lae nana faisia Judia ka fula i Galili.

Jone 7:31

Sui ana malului wane eki imole oro ki kera fitoona; ma keka sorea, Si maṉa na Christ ba kai fula mai, nia kai ilia bala si do ki kai oro ka tatha asi do eki na wane nei e ilia?

Jone 9:16

Mania tei toa ana Farisi ki kera sorea, Wane nei e ai si ita mai atha God, uria ne ai si faaabua fa boṉi mamaloa. Sui tei toa lau kera sorea, Wane ne abula taa kai ili ufita ana bala si do una eki? Ma kera to kwailiu ana ro si lio.

Jone 10:41

Ma toa oro kera lae mai isana; ma keka sorea, Tha Jone molo e ai si ilia bana bala ta si do: sui si do ki sui bana na tha Jone e sorea sulia wane nei e mamana.

Jone 11:47

Mania wane inoto ni foa ki ma Farisi ki kera ofua mai tee ofu la, ma keka sorea, Ta neri na kuki ilia? uria na wane eri ka ilia bala si do oro ki.

Jone 12:18

Sulia si kula eri lau boo malului wane ba kera lae mai, kera toda ania, uria na kera roṉoa ne ilia bala si do eri.

Jone 16:27

Uria na ṉa Maka talani nia kai liothau ani kamulua, sulaania mulu liothau ani nau, ma mulu fitoo na nau ku lae mai ku ita atha God.

Jone 16:30

Si maṉa eri mili thaitoomana naa no thaitoomana maalutana si do ki sui bana, ma osi rofea ta wane kai soetoomu: uria si do nei mili fitoo no lae mai oko ita atha God.