Jone 18:3 - Ṉa Alaofua Falu 1923 1949

³ Mania tha Judasi e rikia naa toa ana firua, ma toa ni ilido ki, na wane inoto ni foa ki ma Farisi ki kera falea iana, sui ka lae mai fafia laeta ki ma kwethu ki ma rauma.

Jone 18:3 Referans Kwoze

Jone 18:12

Mania toa ana firua eki ma wane inoto ne tatha inaoda, ma toa ni ilido ki ana Ju ki, kera raua tha Jesus, keka kani nia,

Si do Aposela ki kera ilidaki 1:16

Doora kera, kekeda la abu eri kera faamamanea e ai si ei boo, si do na tha Spirit Abu e sorea totonao ana fokona tha Defeta sulia tha Judasi, wane ne fatai nia tala isana toa na kera raua tha Jesus.

Fa Ṉu Abu ki 22:12

Buloka oro ki kera to kali nau: buloka sukwai i Besana ki keka tori nau.

Jone 13:2

Ma si maṉa na kera ni ana fafaṉa i thaulafia, ma tha devil e ṉata naa i ruruuna tha Judasi Isikarioto, kaluwane tha Saimona, fasi ka faaalamai nia,

Mathui 25:1

Asi maṉa eri tooa i thalo kai ’uria akwalee thari, na kera ṉalia laeta kera ki, ma kera lae kau fasi keki toda ana wane seelea.

Jone 7:32

Farisi ki kera roṉoa malului wane eki kera uubulutai nia; ma Farisi eki ma wane inoto ni foa ki kera arasia mai toa ni ilido ki sa keki rau nia.

Jone 18:18

Ma toa ni ra ki ma toa ni ilido ki kera takwe kula eri, kera soonia era ana makeo; uria na si maṉa eri si maṉa ana gwagwaria; ma keki thara ada: ma tha Pita lau boo e takwe isada, kai thara ana.

Jone 18:22

Buriana ne ṉata una eri, tee nonii wane ana toa ni ilido ki na kera takwe isada ka fidalia tha Jesus, ka una eri, Oko luua aofia ni foa una eri?

Jone 19:6

Mania si maṉia na wane inoto ni foa ki ma toa ni ilido ki kera riki nia, keka ’ai, keka una eri, Fota fafi nia ana ’ai rarafolo, fota fafi nia ana ’ai rarafolo. Tha Paelate ka soree isada, Ni kamulua muki tole nia, muki fota fafi nia ana ’ai rarafolo eri: uria ni nau e ai kwasi fulatoona ta si do kekeo ani nia.

Si do Aposela ki kera ilidaki 10:1

Sui tee nonii wane ni Sesaria, thatana tha Koneliasi, senitiurione ana omea eri na kera alaṉia ana omea i Itali,