Jone 17:9 - Ṉa Alaofua Falu 1923 1949

⁹ Nau ku gani ifada: e ai kwasi gani ifana fanua nei iano, ifana toa no falea ifaku; uria ni kera toa oe ki:

Jone 17:9 Referans Kwoze

Hibaru ki 9:24

Uria na tha Christ e ai si kotho ana kula abu eki na kera kasia ana abee imole, na riki lana ka ’uria do mamana eri; e kotho mamana boo i thalo, fasi asi maṉa eri kai fatai nia inaona maana tha God uri kulu:

Jone 17:2

’Uria lau boo o alu nia kai inoto ana imole ni sui bana, fasi toa eki sui boo no falea naa iana, nia kai falea marukia tatha ifada.

Jone 17:6

Nau ku fatai nia thatamu isana wane ba ki no falea mai iaku faisia fanua nei iano: wane oe ki na ni kera, mo fale kera ifaku; ma kera ade sulia bae lamu.

Jone 17:20

Ma nau e ai kwasi gani uria toa nei ki talifili kera, uria toa eki lau boo na lalae keki fitooku sulia ṉata lada;

Luke 22:32

Sui nau ku foa uri oe, fasi fitooa oe si sui: ma lalae o akele lau mai, oko faaṉadoa dooramu kera.

I. Jone 5:19

Kulu thaitoomana kulu do tha God ki, ma fanua nei iano sui boo ka teo atha Taa.

Jone 14:16

Ma nau kwai gania ana ṉa Maka, ma nia kai falea ta Wane lau iamulua na kai faainamaruki kamulua, fasi nia kai to bi kamulua toto si sui;

Si do na kera fatai nia 20:15

Ma ni tei bana na kesi fulatoona thatana kesi keda i la buka ana marukia, keka naṉa ani nia asi kula eri ne fuṉu ana era.

Si do na kera fatai nia 13:8

Ma toa eki sui boo nai fanua nei iano keki faabaita nia, toa eki na kesi keda thatadalua i la buka ana marukia ṉa Lama na kera thauṉia ka too mai ana boa lana fanua nei iano.

Hibaru ki 7:25

Mania e sukwai lau boo kai faamaruki teefau ana toa na keka idu karaṉia tha God ani nia, uria ne maruki ṉado bana fasi kai lae isana urida.

Si do na kera fatai nia 12:9

Ma kera naṉa ana baekwa baita eri, wa aala eri na ita u ka to, nia na kera alaṉia atha Devil ma Satan, na ka lolea toa na fanua nei iano sui boo; keka naṉa ani nia kai sifo uri fanua nei iano, ma keka naṉa ana angel nia ki bi nia.

Luke 8:34

Si maṉa na toa na kera thareda kera rikia si do na kera ilia, keka thaka, lae keka faaroṉo ania i la toaa susu ma fanua kakali mai.

Luke 23:34

Ma tha Jesus ka sorea, Maka ae, oki manata lube kera; uria na kesi thaitoomana maalutana si do na keka ilia. Ma keka ukalia tooni nia ki faisida, keka ilala.

Jone 6:37

Si do ki sui bana na ṉa Maka kai falea iaku kai lae mai isaku; ma wane na kai lae mai isaku e ai dodoloa kwai arasi nia.

Jone 6:39

Ma si do na ṉa Maka ne arasi nau mai e thathamia nania, se ai ta do ana do eki sui bana ne falea ifaku si aana faisi nau, kwai tataea boo afa boṉi iisi eri.