Jone 17:8 - Ṉa Alaofua Falu 1923 1949

⁸ Uria na si baea ba ki no falea mai iaku ni nau ku falea iada; ma kera ṉalia, kera thaitoomana mamana boo na nau ku lae mai ku ita ani oe, ma kera fitoo no arasi nau mai.

Jone 17:8 Referans Kwoze

Jone 17:14

Nau ku falea bae lamu iada; ma fanua nei iano e rikida ka taa, sulaania ni kera do fanua nei iano e ai, ’uria lau boo ni nau ṉa do fanua nei iano e ai.

Jone 15:15

E ai kwasi alaṉi kamulua lau ana wane ni ra ki; uria na wane ni ra e dora asi do na wane inoto nia ka ilia: nau ku alaṉi kamulua ana toa na muki ado bi nau; uria na si do ki sui bana na nau ku roṉoa ana Maka nau nau ku faaroṉo kamulua ania.

Jone 16:30

Si maṉa eri mili thaitoomana naa no thaitoomana maalutana si do ki sui bana, ma osi rofea ta wane kai soetoomu: uria si do nei mili fitoo no lae mai oko ita atha God.

Jone 16:27

Uria na ṉa Maka talani nia kai liothau ani kamulua, sulaania mulu liothau ani nau, ma mulu fitoo na nau ku lae mai ku ita atha God.

I. Thesalonika 2:13

Ma uria si kula eri mili sore lea atha God ta si maṉa si ei, uria na, si maṉa na mulu ṉalia bae lana tha God ani kamilia, mulu ala fafia mala bae lana imole ki e ai, mala bae lana tha God, ma do eri boo nania, do ne ra lau boo ani kamulua na mulu fitoo.

I. Jone 4:14

Ma kulu rikia naa ma kuka faamamanea si do kulu thaitoomana na ṉa Maka e arasia mai ṉa Kaluwane na Wane ana faamaruki lana fanua nei iano.

Jone 17:21

Fasi kera sui keki tee do boo; talafana ni oe, Maka, o to ani nau, ma ni nau ani oe, fasi ni kera lau boo keki to ani koro: fasi fanua nei iano kai fitoo no arasi nau mai.

Jone 8:42

Tha Jesus ka soree isada, Mada sa Maka kamulua na tha God, do muki liothau ani nau: uria nau ku lae mai ma ku ita mai atha God; ma nau e ai kwasi lae mai i talaaku, ni nia e arasi nau mai.

Jone 14:10

Osi fitoo na nau ku ni ana ṉa Maka, ma ṉa Maka ni ani nau? si baea eki na nau ku soree isamulua kwasi sorea i talaaku: ṉa Maka ana na ni ani nau kai ilia ra nia ki.

Jone 12:49

Uria ni nau e ai kwasi ṉata asi do i talaaku; ṉa Maka ne arasi nau mai, nia e faaroṉo nau mai asi do nau kwa sorea, ma kwa ṉata sulia.

Jone 6:68

Tha Saimona Pita e luua, ka una eri, Lord, miki lae sani tei lau? oe si baea ni marukia tatha ni isamu.

I. Thesalonika 4:1

Si do iisi, doora kera, kamilia mika ṉata kwaitakoi mika soree isamulua atha Lord Jesus, na, talafana na mulu roṉoa ani kamilia sulia abula la ne kokoto muki abula sulia na tha God ka ala fafia, abula la kamulua eri kai sukwai alaa.

I. Korinitha 15:1

Sui nau kwai faaroṉo kamulua, doora kera, asi faaroṉoa lea eri na nau ku ṉata sulia isamulua, na mulu ṉalia lau boo, na muka takwe lau bamulua ania,

Jone 17:23

Ni nau ani kera, ma ni oe ani nau, fasi keki ofuda ana tee do; ma fasi fanua nei iano kai thaitoomana no arasi nau mai, mo liothau ani kera, ’uria lau boo o liothau ani nau.

Jone 17:18

Talafana o arasi nau mai ana fanua nei iano, talafana lau boo ni nau ku arasida kau ana fanua nei iano.

Mathui 13:11

Nia luuda, ka soree isada, Kamulua kera alamatai kamulua muki thaitoomana si do eki ne to thaufuni ana tooa i thalo, ma ni kera e ai kesi alamatania ifada.

I. Korinitha 11:23

Uria ni nau ku ṉalia ana ṉa Lord si do na nau ku faaroṉo kamulua lau boo ania, na tha Lord Jesus afa rodo eri na kera faaalamai nia e ṉalia berede;

Jone 3:33

Wane ne faamamanea si do nia sorea e safua si do nei, na tha God e mamana.

Jone 3:17

Uria na tha God e ai si arasia mai Kaluwane nia uria fanua nei iano fasi kai ṉata mala wane ni kotu sulia toa na fanua nei iano e ai; fasi kai faamarukida bana.

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Si do na kera fatai nia 1:1

Si do na tha Jesus Christ e fatai nia, na tha God e falea ifana fasi kai fatai nia si do eki na kai makee fula bomai, e ai si ei, isana toa ni ra nia ki: ma nia falea mai me fatai nia ana angel nia isana wane ni ra nia na tha Jone;