Jone 17:5 - Ṉa Alaofua Falu 1923 1949

⁵ Ma si maṉa eri, Maka ae, oki faainoto nau ani oe i talaamu ana inotoa ba na ku rikia bi oe si maṉa na fanua nei iano e ai si to u bana.

Jone 17:5 Referans Kwoze

I. Pita 1:20

Wane na kera thaitoomana boo totonao si maṉa na kesi boa u fanua nei iano, ma sui kera fatai nia ana susui lana si maṉa eki uri kamulua,

Jone 10:30

Ni nau ma ṉa Maka, kamarea tee Do boo.

Filifae 2:6

Nia ne to sulia seena tha God, sui manatana sa do nia kai rau ania na kai totoo bia tha God e ai,

Hibaru ki 1:10

Ma, Ni oe, tha Lord, ana thafali la mai o boa fanua nei iano, Ma thalo lo ki o ra ana ro aba oe ki ania:

Hibaru ki 1:3

Ma ni nia, uria ne iriroa ana inotoa tha God, ma alafana bonaa na ni nia, ma uria na ka raufaaṉado asi do ki sui bana asi ṉata ana sukwaia nia, buriana ne faafalu kulu faisia abula taa la ki, ka bii ono i aba aola ni Nia ne Inoto ka tatha ia mai;

Jone 17:24

Maka ae, toa no falea ifaku, nau ku thathamia, si kula na nau kwai to iei, ni kera lau boo keki to bi nau; fasi keki rikia inotoa nau, no falea ifaku: uria no liothau ani nau si maṉa na kesi boa u fanua nei iano.

Jone 8:58

Tha Jesus ka soree isada, Mamana, mamana, ku soree isamulua, Si maṉa na tha Aberahamo e ai si ni u bana, ni nau ku to bakua.

Jone 1:18

E ai ta wane si rikia tha God ana ta si maṉa: tee fa Kaluwane eri, na ni ruruuna ṉa Maka, nia e fatai nia.

Jone 14:9

Tha Jesus ka soree isana, Nau ku toto isamulua ka tau naa, osi thaitoomaku u Filifi? Wane ne riki nau e rikia ṉa Maka; nifana ade lana noko sorea, Oko fatai nia ṉa Maka isamilia?

Mathui 25:34

Sui Kiṉa eri kai soree isana toa ibali aba aola nia, Lae mai, toa na Maka nau e falea lea la ifamulua, muki to ana tooa na kera thauwai nia maakwali kamulua too mai ana boa lana fanua nei iano:

Jone 3:13

Me ai ta wane lau si tatae uri thalo, talitoona bana nia ne sifo mai faisia thalo, nia na ṉa Kaluwane imole na ni mai thalo.

Si do na kera fatai nia 3:21

Wane na si nia kai tatha, nau kwai falea si kula eri ifana kai ono bi nau ana do ni ono la nau ana inotoa, ’uria lau boo si nau e tatha, ma ni nau ku ono bia Maka nau ana do ni ono la nia ana inotoa.

Si do na kera fatai nia 13:8

Ma toa eki sui boo nai fanua nei iano keki faabaita nia, toa eki na kesi keda thatadalua i la buka ana marukia ṉa Lama na kera thauṉia ka too mai ana boa lana fanua nei iano.

I. Jone 1:2

(Uria na kera fatai nia ṉa marukia, ma mili rikia, ma mika faamamanea si do na mili thaitoomana sulia, ma mika faaroṉo kamulua ana ṉa marukia tatha, ne toto isana ṉa Maka, sui keka fatai nia isamilia);

Jone 17:1

Si do eki tha Jesus e sorea; sui ka tafoa maana uria ṉa thalo, ka sorea, Maka ae, si kadee maṉa e fula naa; oki faainotoa Kaluwane oe, fasi Kaluwane oe kai faainoto oe lau boo:

I. Pita 1:21

Na mulu fitoona ani nia tha God, ne tatae nia faisia toa mae ki, me falea inotoa ifana; fasi fitooa kamulua ma si do na muka manatatoo ṉado uria kai to atha God.