Jone 17:3 - Ṉa Alaofua Falu 1923 1949

³ Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Jone 17:3 Referans Kwoze

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Jone 17:25

Maka kokoto ae, fanua nei iano e ai si thaitoomamu; nau ku thaitoomamu; ma toa nei ki kera thaitoomana no arasi nau mai;

Jone 3:17

Uria na tha God e ai si arasia mai Kaluwane nia uria fanua nei iano fasi kai ṉata mala wane ni kotu sulia toa na fanua nei iano e ai; fasi kai faamarukida bana.

I. Jone 4:6

Kulu do tha God ki: wane ne thaitoomana tha God ka roṉo kulu; wane ne ai si thaitoomana tha God ka ai si roṉo kulu. Asi kula eri kulu thaitoomana spirit ana mamana la, ma spirit ana tole garo la.

Jone 17:23

Ni nau ani kera, ma ni oe ani nau, fasi keki ofuda ana tee do; ma fasi fanua nei iano kai thaitoomana no arasi nau mai, mo liothau ani kera, ’uria lau boo o liothau ani nau.

Jone 17:21

Fasi kera sui keki tee do boo; talafana ni oe, Maka, o to ani nau, ma ni nau ani oe, fasi ni kera lau boo keki to ani koro: fasi fanua nei iano kai fitoo no arasi nau mai.

Jone 3:34

Uria na wane na tha God e arasia mai kai ṉata asi baea tha God ki: uria si maṉa ne falea tha Spirit e ai si fale faekwa ania.

II. Korinitha 4:6

Uria na tha God neri, nia ne sorea, Lalaa la kai laa i la maerodo, ne laa i ruruumilia, fasi kai falea lalaa la na ṉa thaitoomana lana inotoa tha God ana maana tha Jesus Christ.

II. Thesalonika 1:8

Ana era na kai lamalama, si maṉa na nia toto kai duua abula taa la kera ki ana toa na kesi thaitoomana tha God, ma toa na kesi ade sulia si faaroṉoa lea Lord kulu tha Jesus Christ:

Jone 17:8

Uria na si baea ba ki no falea mai iaku ni nau ku falea iada; ma kera ṉalia, kera thaitoomana mamana boo na nau ku lae mai ku ita ani oe, ma kera fitoo no arasi nau mai.

Jone 14:26

Ma Nia na kai faainamaruki kamulua, tha Spirit Abu, na ṉa Maka toto kai arasia mai ana thataku, nia kai tooa si do ki sui bana isamulua, ma kai faaroṉo kamulua lau asi do eki sui boo na nau ku soree isamulua, muki onotoona.

Jone 8:19

Mania kera soree isana, Ma Maka oe nifei? Tha Jesus e luuda, ka una eri, Mulu dora ani nau, ma muka dora lau boo ana Maka nau: mada sa mulu thaitoomaku, muka thaitoomana lau boo Maka nau.

I. Korinitha 15:34

Muki tharai ana kokoto la, ma musi abula taa; uria na tei toa kesi thaitoomana tha God: ku ṉata una eri fasi kwa faaseenoni kamulua.

I. Thesalonika 1:9

Uria ni kera kera uunu suli kamilia sulia fula la na mili fula ania isamulua; ma sulia kariabula la na mulu kariabula ania uria tha God faisia god eeta ki, fasi muka ra ifana ṉa God maruki ma mamana,

Fa Ṉu Abu ki 9:10

Ma toa eki na kera thaitoomana thatamu keki takofale kera iamu; uria na ni oe, tha Jihova, osi akwasi kera ta si maṉa, toa eki na kera rofe buriamu.

Jone 10:36

Muki sorea suli nia, na ṉa Maka e faaabua ma ka arasi nia mai la fanua nei iano, O ṉata ana fare toliṉi lana tha God; uria na ku sorea, Nau Kaluwane tha God?

Jone 7:29

Ni nau ku thaitoomana bakua; sulaania ku ita mai ani nia, ma nia arasi nau mai.

Jone 6:57

Talafana ṉa Maka ne maruki e arasi nau mai, ma nau ku maruki sulia ṉa Maka; alafana lau boo imole na kai ani nau, nia kai maruki lau boo suli nau.

Jone 5:44

Muki fitoo ufita, toa na muki faainoto kamulua kwailiu, ma inotoa ne ita atha God tee nia e ai musi rofea?

Jone 11:42

Ma nau ku thaitoomana noki roṉoa ṉado bamua: sui sulaania malului wane nei na keki takwe kakali ku sorea, fasi keki faamamanea no arasi nau mai.

Luke 9:48

Ma ka soree isada, Ni tei bana na kai thathagonia kali wela nei ana thataku kai thathagoni nau: ma ni tei bana na kai thathagoni nau kai thathagoni nia ne arasi nau mai: uria na wane ne faekwa asia i maalutamulua, nia ana kai baita.

Mako 9:37

Ni tei bana na kai thathagonia ana thataku tee wela faekwa ne unei, kai thathagoni nau: ma ni tei bana na kai thathagoni nau, e ai si thathagoni nau, kai thathagoni nia ne arasi nau mai.

I. Korinitha 8:4

Mania sulia ani lana si do ni foa la na kera faledaki naa ana god eeta ki, kulu thaitoomana ne ai ta god eeta si to ana fanua nei iano, me ai lau ta god, talitoona tee God boo.

Jone 17:18

Talafana o arasi nau mai ana fanua nei iano, talafana lau boo ni nau ku arasida kau ana fanua nei iano.

Filifae 3:8

Iu, me mamana manataku e sorea na si do ki sui bana e ilia na ku toto ana rofe la sulaania thaitoomana lana tha Christ Jesus na Lord nau e lelea ka tatha: Wane na ku faaaana si do ki sui bana inunufana, ma ku manatatoona na ka ’uria si do na kera naṉa ania i la taerau, fasi kwai toda tha Christ,

Filifae 3:10

Fasi kwa thaitoomana ni nia, ma ṉa sukwaia tatae lana, ma kwa to bi nia ana taa la nia ki, ma kwa mae ana mae la nia;

Hibaru ki 3:1

Mania, doora abu ke ra, na amulua si aili la ita mai i thalo, muki lio uria Aposela ma Aofia ni Foa na kulu faamamanea, tha Christ Jesus neri;

II. Pita 1:2

Lea la iamulua ma enenoa kai baita alaa ana thaitoomana lana tha God ma tha Jesus na Lord kulu;

II. Pita 1:3

Uria na sukwaia nia, na ṉa sukwaia tha God, e alamatania si do ki sui bana ifakulua ana marukia ma asi lio ni fare baita la atha God, ana thaitoomana lana ni nia ne aili kulu mai ana inotoa ma kokoto la;

II. Pita 1:8

Sulaania mada sa si do eki ni isamulua ma ka oro, kai adea na musi seedadaola ma musi ’uria ’ai ne ai si fuṉu, uria thaitoomana lana Lord kulu tha Jesus Christ.

I. Jone 1:2

(Uria na kera fatai nia ṉa marukia, ma mili rikia, ma mika faamamanea si do na mili thaitoomana sulia, ma mika faaroṉo kamulua ana ṉa marukia tatha, ne toto isana ṉa Maka, sui keka fatai nia isamilia);

I. Jone 1:3

Si do eri boo na mili rikia ma mili roṉoa mika faaroṉo kamulua ania, fasi ni kamulua lau boo muki to ni kwaimani lea la bi kamilia: iu, ma kwaimani lea la kamilia eri do bia ṉa Maka, ma bia Kaluwane nia na tha Jesus Christ:

I. Jone 2:23

Ni tei bana na ka sorea e dora bana ana ṉa Kaluwane, wane eri e ai ana ṉa Maka: wane na ka faamamanea ṉa Kaluwane ana ṉa Maka ni lau boo.