Jone 17:26 - Ṉa Alaofua Falu 1923 1949

²⁶ Ma nau ku fafaaroṉo kera ana thatamu, ma kwai faaroṉo kera ania; fasi liothau la eri no liothau iaku kai to ani kera, ma ni nau ani kera.

Jone 17:26 Referans Kwoze

Jone 17:23

Ni nau ani kera, ma ni oe ani nau, fasi keki ofuda ana tee do; ma fasi fanua nei iano kai thaitoomana no arasi nau mai, mo liothau ani kera, ’uria lau boo o liothau ani nau.

Jone 17:6

Nau ku fatai nia thatamu isana wane ba ki no falea mai iaku faisia fanua nei iano: wane oe ki na ni kera, mo fale kera ifaku; ma kera ade sulia bae lamu.

Jone 15:9

’Uria lau boo ṉa Maka e liothau ani nau, nau ku liothau ani kamulua: muki to ṉado ana liothau la nau.

Hibaru ki 2:12

Ka una eri, Nau kwai fatai nia thatamu isana dooraku kera, I maalutana figua eri kwai kwaia fa ṉu ana taṉo lamu la.

Jone 15:15

E ai kwasi alaṉi kamulua lau ana wane ni ra ki; uria na wane ni ra e dora asi do na wane inoto nia ka ilia: nau ku alaṉi kamulua ana toa na muki ado bi nau; uria na si do ki sui bana na nau ku roṉoa ana Maka nau nau ku faaroṉo kamulua ania.

Jone 14:20

Lalae afa boṉi eri muki thaitoomana boo na nau ku ni ana Maka nau, ma ni kamulua mulu ni ani nau, ma ni nau ani kamulua.

Fa Ṉu Abu ki 22:22

Nau kwai fatai nia thatamu isana dooraku kera: imaalutana figua eri kwai kwaia fa ṉu ana taṉo lamu la.

Jone 15:4

Muki to ani nau, ma ni nau ani kamulua. Talafana tharee do eri e ai si tala fuṉu ana foee do ki, mada se ai si ṉado ana faene; alafana lau boo ni kamulua musi fuṉu ana foee do ki, mada se ai musi to ani nau.

Efesasi 5:32

Si do afetai ne toto thaufuni na kera fatai nia neri: nau ku ṉata sulia tha Christ ma ṉa figua.

Efesasi 5:30

Sulaania kulu si do ki na ana seena, ana marikona ma ogina.

Jone 14:23

Tha Jesus e luua, ka soree isana, Mada sa ta wane ka liothau iaku, nia kai ade sulia bae laku: ma Maka nau kai liothau ani nia, ma kamarea meki lae kau, meki to ana kadee biu kamarea isana.

Jone 8:50

Ma nau kwasi rofea inotoa nau i talaaku: ni nia to bana na kai rofea, ṉa wane ni kotu na kai ṉata neri.

I. Jone 3:24

Ma wane na ka ade sulia si ṉata fifi nia ki ka to ani nia, ma ni nia ka to ana wane eri. Ma asi kula eri kulu thaitoomana na nia to ani kulu, atha Spirit ne falea ifakulua.

II. Thesalonika 2:16

Ma Lord kulu tha Jesus Christ talani nia, ma tha God na Maka kulu ne liothau ani kulu me faainamaruki kulu ana inamaruki la na kai to tatha me falea si do lea na kulu manatatoo ṉado uria ana lea la,

Kolose 3:11

Kula ne ai ta wane i Girisi ma ka ai ta Ju, e ai ta kwai kakali la ma ka ai ta toa kesi kwai kalida, e ai ta wane ṉata lane eeta, ma ka ai ta Sithiana, e ai ta wane na kai tona ra, ma ka ai ta wane na kai tona to: tha Christ na ṉa do ki sui bana, ma ka ni ana toa eki sui boo.

Kolose 2:10

Ma kera faafuṉu kamulua ani nia, na gwauna toa inoto eki sui bana ma toa sukwai eki:

Kolose 1:27

Na tha God e thathamii faaroṉoda keka thaitoomana si do eri ma keki rikii do ania uria faainoto lada la asi do eri ne toto thaufuni i maalutana Jenetaele ki, tha Christ ne ni ani kamulua neri, ne adea muki manatatoo ṉado uria inotoa:

Efesasi 3:17

Fasi tha Christ kai to i ruruumulua ana fitooa; adedea, na keka faaṉadoa lalimulua ana liothau la,

Efesasi 1:6

Ana taṉo lana inotoa lea la nia, ne ala fafi kulu ania ana Wane liliothaua nia:

Galesia 2:20

Kera fota fafi nau sui naa ana ’ai rarafolo bia tha Christ; una ena mena, ku maruki bakua; sui ni nau e ai lau, tha Christ ana ne maruki i seeku; ma marukia eri na nau ku to ania i seena imole ku to ania ana fitooa, na ni ana Kaluwane tha God, ne liothau iaku, ma ka alamatai nia uri nau.

I. Korinitha 12:12

Uria na talafana seena imole tee do, ma si do ki na ana seena imole eri ka oro, ma si do ki sui boo na ana seena imole, ka oro mena, ka ofu ana tee see do; alafana lau boo tha Christ.

I. Korinitha 1:30

Ma ni kamulua mulu ita mai ani nia atha Christ Jesus, na kera alu nia kai liotooa ifakulua ita mai atha God, ma kokoto la ma faaabu la, ma tae la faisikulu:

Roma 8:10

Ma mada sa tha Christ ni ani kamulua, see do e mae uria abula taa la; ma sui tha Spirit na ṉa marukia uria kokoto la.

Jone 6:56

Imole na kai ania seeku ma kai kuufia abuku ka to ani nau, ma ni nau kwa to ani nia.

Jone 17:8

Uria na si baea ba ki no falea mai iaku ni nau ku falea iada; ma kera ṉalia, kera thaitoomana mamana boo na nau ku lae mai ku ita ani oe, ma kera fitoo no arasi nau mai.