Jone 17:23 - Ṉa Alaofua Falu 1923 1949

²³ Ni nau ani kera, ma ni oe ani nau, fasi keki ofuda ana tee do; ma fasi fanua nei iano kai thaitoomana no arasi nau mai, mo liothau ani kera, ’uria lau boo o liothau ani nau.

Jone 17:23 Referans Kwoze

Jone 17:21

Fasi kera sui keki tee do boo; talafana ni oe, Maka, o to ani nau, ma ni nau ani oe, fasi ni kera lau boo keki to ani koro: fasi fanua nei iano kai fitoo no arasi nau mai.

Jone 16:27

Uria na ṉa Maka talani nia kai liothau ani kamulua, sulaania mulu liothau ani nau, ma mulu fitoo na nau ku lae mai ku ita atha God.

I. Jone 3:1

Muki rikia fasi liothau la baita eri na ṉa Maka e liothau iakulua ania, na keki alaṉi kulu ana wela tha God ki: mania fanua nei iano ka ai si thaitoomakulua, uria ne ai si thaitoomana ni nia.

Jone 13:35

Asi do eri toa ni sui bana keki thaitoomana na ni kamulua toa nau ku tole kamulua, mada sa muki liothau kwailiu ani kamulua.

I. Jone 1:3

Si do eri boo na mili rikia ma mili roṉoa mika faaroṉo kamulua ania, fasi ni kamulua lau boo muki to ni kwaimani lea la bi kamilia: iu, ma kwaimani lea la kamilia eri do bia ṉa Maka, ma bia Kaluwane nia na tha Jesus Christ:

I. Pita 5:10

Ma tha God ana lea la ni sui bana, ne aili kamulua mai atha Christ Jesus uria inotoa nia ne to tatha, buriana na mulu toto ana taa la ana kasi maṉa seseka, talani nia kai faasukwai teefau ani kamulua, kai faatakwe kamulua, kai faaṉado kamulua

Kolose 3:14

Ma muki tooni ana liothau la fafia do eki sui boo, si do ne faaṉadoa do eki kai too neri.

Jone 17:26

Ma nau ku fafaaroṉo kera ana thatamu, ma kwai faaroṉo kera ania; fasi liothau la eri no liothau iaku kai to ani kera, ma ni nau ani kera.

Jone 17:24

Maka ae, toa no falea ifaku, nau ku thathamia, si kula na nau kwai to iei, ni kera lau boo keki to bi nau; fasi keki rikia inotoa nau, no falea ifaku: uria no liothau ani nau si maṉa na kesi boa u fanua nei iano.

I. Korinitha 1:30

Ma ni kamulua mulu ita mai ani nia atha Christ Jesus, na kera alu nia kai liotooa ifakulua ita mai atha God, ma kokoto la ma faaabu la, ma tae la faisikulu:

Jone 14:23

Tha Jesus e luua, ka soree isana, Mada sa ta wane ka liothau iaku, nia kai ade sulia bae laku: ma Maka nau kai liothau ani nia, ma kamarea meki lae kau, meki to ana kadee biu kamarea isana.

Jone 14:10

Osi fitoo na nau ku ni ana ṉa Maka, ma ṉa Maka ni ani nau? si baea eki na nau ku soree isamulua kwasi sorea i talaaku: ṉa Maka ana na ni ani nau kai ilia ra nia ki.

Kolose 2:2

Fasi keka faainamarukia ruruuda, uria na kera lado kera keka rao ana liothau la, ma keka rikii do faamau asi do na kera thaitoomana lea maalutana mamana lana, fasi keka thaitoomana si do tha God na Maka ne toto thaufuni, tha Christ neri,

Filifae 3:15

Mania ni kulu, ni tei iakulua ne manata naa, manatakulua kai una eri: ma mada sa ana ta si do manatamulua ka eeta, si do eri mena tha God kai fatai nia isamulua:

Galesia 3:28

E ai ta Ju si ni kunei ma ka ai ta wane i Girisi, e ai ta wane na kai tona ra ma ka ai ta wane na kai tona to, e ai ta do wane ma ka ai ta do kini: uria ni kamulua sui tee see do atha Christ Jesus.

II. Korinitha 5:21

Uria na Wane eri ne ai si thaitoomana abula taa la, nia e ilia ka lioe abula taa la uri kulu; fasi ni kulu kuki lioe kokoto la tha God ani nia.

Jone 6:56

Imole na kai ania seeku ma kai kuufia abuku ka to ani nau, ma ni nau kwa to ani nia.

Jone 3:17

Uria na tha God e ai si arasia mai Kaluwane nia uria fanua nei iano fasi kai ṉata mala wane ni kotu sulia toa na fanua nei iano e ai; fasi kai faamarukida bana.

I. Jone 4:19

Kulu liothau, uria ne liothau ani kulu totonao.

Kolose 1:28

Wane na mili faaroṉo ania neri, mili ṉata fifi isana wane eki sui boo ma mili kwaifamanatai isana wane eki sui boo ana liotooa faamau, fasi miki fatai nia wane eki sui boo keki sukwai teefau atha Christ Jesus;

Jone 10:38

Sui mada sa ku ilia boo, musi fitooku mena, muki fitoona si ra eki: fasi muki thaitoomana ma muki faamamanea na ṉa Maka ni ani nau, ma ni nau ku ni ani nia.

Jone 15:9

’Uria lau boo ṉa Maka e liothau ani nau, nau ku liothau ani kamulua: muki to ṉado ana liothau la nau.

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Jone 17:8

Uria na si baea ba ki no falea mai iaku ni nau ku falea iada; ma kera ṉalia, kera thaitoomana mamana boo na nau ku lae mai ku ita ani oe, ma kera fitoo no arasi nau mai.

Jone 17:11

Ma nau e ai kwasi to lau i fanua nei iano, sui toa nei ki keki to bada i fanua nei iano, ma nau kwai lae kau isamu. Maka Abu ae, oko beta suli kera ana thatamu no alaṉi nau ania, fasi ni kera tee do boo, ka ’uri koro.

Si do na kera fatai nia 3:9

Rikia fasi, kwai adea na toa ana ofu la tha Satan, toa ba na kera tala alaṉi kera ana Ju ki, ma kera Ju ki e ai, keki lole ada; rikia fasi, kwai adea na toa eki keki lae mai ma keki boururu isana aaemu, keki faabaita oe, ma keki thaitoomana ni nau ku liothau ani oe ka toto bana.