Jone 17:2 - Ṉa Alaofua Falu 1923 1949

² ’Uria lau boo o alu nia kai inoto ana imole ni sui bana, fasi toa eki sui boo no falea naa iana, nia kai falea marukia tatha ifada.

Jone 17:2 Referans Kwoze

Jone 6:39

Ma si do na ṉa Maka ne arasi nau mai e thathamia nania, se ai ta do ana do eki sui bana ne falea ifaku si aana faisi nau, kwai tataea boo afa boṉi iisi eri.

Jone 6:37

Si do ki sui bana na ṉa Maka kai falea iaku kai lae mai isaku; ma wane na kai lae mai isaku e ai dodoloa kwai arasi nia.

Jone 17:24

Maka ae, toa no falea ifaku, nau ku thathamia, si kula na nau kwai to iei, ni kera lau boo keki to bi nau; fasi keki rikia inotoa nau, no falea ifaku: uria no liothau ani nau si maṉa na kesi boa u fanua nei iano.

Mathui 28:18

Ma tha Jesus ka fula ma ka ṉata isada, ka una eri, Sukwaia sui bana kera falea naa ifaku i thalo mai ma i fanua nei iano.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Jone 17:9

Nau ku gani ifada: e ai kwasi gani ifana fanua nei iano, ifana toa no falea ifaku; uria ni kera toa oe ki:

Jone 17:6

Nau ku fatai nia thatamu isana wane ba ki no falea mai iaku faisia fanua nei iano: wane oe ki na ni kera, mo fale kera ifaku; ma kera ade sulia bae lamu.

Jone 4:14

Ma ni tei bana na kai kuu ana kafo ni nau kwai falea ifana liona sa ka lalaṉa lau tai si maṉa e ai; kafo eri na nau kwai falea ifana kai ni ruruuna ’uria ta ruka‐mauri kai tae mai ana marukia tatha.

Jone 3:35

Ṉa Maka ka liothau ana Kaluwane nia, me falea si do ki sui bana i abana.

I. Jone 2:25

Ma alaṉaia eri ne alaṉai nia iakulua nai nia, ṉa marukia tatha.

I. Pita 3:22

Ne fula naa i thalo, ma ka to bana ana aba aola tha God; ma kera alua aini angel ki ma toa gwauwai ki ma toa sukwai ki keka roo suli nia.

Hibaru ki 1:2

E ṉata isakulua ana susui lana fa boṉi eki ana Kaluwane nia, ne alua kai inamaruki ani nia asi do ki sui bana, nia ne thauwai nia lau boo fanua baita alilia eki ani nia;

Mathui 11:27

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Jude 1:21

Ma muka beta suli kamulua fasi muki to i la liothau la tha God, si maṉa na muki maakwalia tatakomia na Lord kulu tha Jesus Christ ana marukia tatha.

I. Jone 1:2

(Uria na kera fatai nia ṉa marukia, ma mili rikia, ma mika faamamanea si do na mili thaitoomana sulia, ma mika faaroṉo kamulua ana ṉa marukia tatha, ne toto isana ṉa Maka, sui keka fatai nia isamilia);

I. Timothi 1:16

Sui kera doanita ani nau uria si kula eri neri, na tha Jesus Christ kai fatai nia si lio nia ni doanita tatha la ani nau wane ku abula taa ka tatha, fasi toa na toto keki fitoona uria marukia tatha keki rikia, keki thaitoomana.

Filifae 2:10

Fasi ana thatana tha Jesus kera sui keki boururu, toa nai thalo ma toa na fanua nei iano ma toa ni fara fanua nei iano,

Efesasi 1:20

Ne ra ania atha Christ, si maṉa ne tataea na ba faisia toa mae ki, ka alua kai ono ibali aba aola nia i thalo lo ki,

I. Korinitha 15:25

Uria ni nia kai inoto e ai si ei boo, maakwalia si maṉa na nia toto kai alua maalimae nia ki ka sui bana keki roo suli nia ifara aaena.

Roma 6:23

Sulaania na foli lana abula taa la ṉa maea; ma si do na tha God e tona falea bana na ṉa marukia tatha ni atha Christ Jesus na Lord kulu.

Fa Ṉu Abu ki 110:1

Tha Jihova e soree isana Arai nau, Oki ono ibali aba aola nau, maasia si maṉa kwai adea maalimae oe ki kera do ni alu lana ’a’aemu ifafona.

Jone 6:27

Musi rara uria faṉa na toto kai taa, muki ra uria faṉa na kai to ṉado ana marukia tatha, na Kaluwane imole kai falea iamulua: uria nia God na Maka e safua ana do ni faaṉado lana.

Mathui 25:46

Ma toa eki keki lae kau ana kwae la na kai to tatha: ma toa na kera kokoto keki to ana marukia tatha.