Jone 17:1 - Ṉa Alaofua Falu 1923 1949

¹ Si do eki tha Jesus e sorea; sui ka tafoa maana uria ṉa thalo, ka sorea, Maka ae, si kadee maṉa e fula naa; oki faainotoa Kaluwane oe, fasi Kaluwane oe kai faainoto oe lau boo:

Jone 17:1 Referans Kwoze

Jone 12:23

Ma tha Jesus ka luuda, ka una eri, Kadee thato be fula naa, na keki faainotoa Kaluwane imole ania.

Si do Aposela ki kera ilidaki 3:13

God tha Aberahamo, ma tha Aisaka, ma tha Jekofo, God maka kulu ba inao ki, e faainotoa Kaluwane nia tha Jesus; Wane eri na mulu alamai nia, ma mulu sorea inaofatha Paelate na mulu dora bamulua ani nia, si maṉa manatana sa nia kai lubea ka lae.

Jone 7:39

Ma nia ṉata una eri sulia tha Spirit, na toa na kera fitoona toto keki ṉalia: uria na kesi falea u tha Spirit Abu; sulaania na tha Jesus kesi faainotoa u.

I. Pita 1:21

Na mulu fitoona ani nia tha God, ne tatae nia faisia toa mae ki, me falea inotoa ifana; fasi fitooa kamulua ma si do na muka manatatoo ṉado uria kai to atha God.

Jone 11:4

Si maṉa na tha Jesus e roṉoa, nia ka sorea, Mataia nei sa ka maelia e ai, do ana inotoa tha God, fasi keki faainotoa Kaluwane tha God ania.

Mako 14:41

Ma ula lau nia ka fula, ka soree isada, Biṉa namulua, muki mamalo: do faamau naa; kadee maṉa ba e fula naa; rikia fasi, Kaluwane imole keki faaalamai nia i abana toa kera abula taa.

Fa Ṉu Abu ki 123:1

Ni oe noki to bamua i thalo lo ki, nau kwai tafoa maaku isamu.

Jone 11:41

Mania keka idua gwa fau eri faisia si kula na kera alua wane eri ne mae. Ma tha Jesus e lio alaa, ka sorea, Maka ae, ku sore lea iamu uria no roṉoa ṉata laku.

Jone 8:20

Si baea eri tha Jesus e sorea ana fuila malefo, si maṉa nia kwaifamanatai la biu baita tha God: me ai ta wane si rau nia; uria na si kadee maṉa nia e ai si fula u mai.

Jone 7:30

Mania kera rofe uria si ade la na keki ilia fasi keki rau nia: me ai ta wane si alua abana ani nia, uria na kadee maṉa nia e ai si fula u.

Jone 16:32

Rikia fasi, kadee maṉa eri karaṉi kai fula, iu, e fula naa, na keki adea fasi muki akota, ta wane iamulua uria si do nia ki, ma ta wane uria si do nia ki, ma muki akwasi nau kwai to tee nau: ma sui e ai kwasi to tee nau, uria na ṉa Maka kai to bana isaku.

Jone 13:1

Ma si maṉa na fafaṉa ba ana tathafafi la e ai u, tha Jesus e thaitoomana kadee maṉa nia ne fula naa na nia kai lae faisia fanua nei iano, kai lae isana ṉa Maka, e liothau ana toa nia ki na ni fanua nei iano, me liothau faamau iada.

Luke 22:53

Si maṉa nau ku toto sulia boṉi bi kamulua i la biu baita tha God, e ai musi tekwasia abamulua uria ṉali laku: sui kadee maṉa kamulua naa neri, ma sukwaia maerodo.

Luke 18:13

Ma wane eri ni ṉali lana takisi ki e takwe da mai, ma nia boro so maana mena ka lalakwee tafoa uri thalo lo, ma ka kumua ruruuna, ka una eri, God ae, oko tatakomi nau wane ku abula taa.